Лебяда (рака)

Лебяда
Вусце	Рака Нёман
Даўжыня	67 км
Вадазбор	791 км²

Лебяда, Лябёдка (у верхнім цячэнні) — рака ў Шчучынскім і Лідскім раёнах Беларусі, правы прыток Нёмана. Даўжыня 67 км. Вадазбор 791 км². Сярэднегадавы расход вады ў вусці каля 5 м³/с. Сярэдні нахіл воднай паверхні 0,7 ‰.

Асноўныя прытокі

Жужма, Касцянёўка, Жалудзянка, Шкардзянка, Вялікая Лябёдка, Вавёрка, Голдаўка, Дубенка, Казлянка.

Агульнае

Пачынаецца каля в. Калечыцы Шчучынскага р-на, цячэ па Лідскай раўніне. У верхнім цячэнні называецца Лябёдка.

Даліна трапецападобная, у нізоўі месцамі невыразная. Пойма нізкая, двухбаковая, большай часткай забалочаная; шырыня яе 500—700 м. Рэчышча звілістае, шырыня ў межань да вусця Вялікай Лябёдкі 8—12 м, ніжэй 15—25 м. Берагі стромкія і абрывістыя. На працягу 20,4 км рэчышча каналізаванае: ад в. Русанаўцы да в. Збражкі (7,9 км) і ад в. Васілішкі да в. Малое Мажэйкава (12,5 км). У пойме меліярацыйныя каналы.

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.

• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил. (руск.) 
• Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.