Армерыя падоўжаная

З Вікіпедыі, свабоднай энцыклапедыі
Армерыя падоўжаная

Armeria maritima subsp. elongata
Навуковая класіфікацыя
Міжнародная навуковая назва

Armeria maritima (Mill.) Willd., 1809

Сінонімы
Armeria elongata - Армерыя падоўжаная

Сістэматыка
на Віківідах
Выявы
на Вікісховішчы
ITIS  21326
NCBI  71835
EOL  585577
GRIN  t:4226
IPNI  19793-2
TPL  kew-2652527

Армерыя падоўжаная[3] (Armeria maritima) — від кветкавых роду Армерыя (Armeria) сямейства Плюмбагавыя (Plumbaginaceae).

Назвы[правіць | правіць зыходнік]

Этымалогія навуковай назвы: лац.: maritima — «марскі»[4].

Народныя назвы: барадульнік, жудрэц[5].

Апісанне[правіць | правіць зыходнік]

Шматгадовая травяністая расліна вышынёй (15) 20—40 см, са шматлікімі сцебламі. Карэнішча кароткае. Лісце ў прыкаранёвай разетцы (часта таксама маюцца бакавыя разеткі), без хвосцікаў. Пласціны лінейныя, з тупой верхавінай, злёгку мясістыя, 1—15 см × 0,5—3 мм. Суквецце: галоўкі 13—28 мм дыяметра. Кветка: вяночак ружовы (часам белы). Плод: 1-насенная каробачка, якая адкрываецца з дапамогай кальцавой шчыліны ля асновы. 2n = 18.

Распаўсюджанне[правіць | правіць зыходнік]

Распаўсюджанне: Еўропа (Беларусь, Эстонія, Латвія, Літва, Украіна, Аўстрыя, Бельгія, Чэхія, Германія, Венгрыя, Польшча, Славакія, Швейцарыя, Данія, Фарэрскія астравы, Фінляндыя, Ісландыя, Ірландыя, Нарвегія, Швецыя, Вялікабрытанія, Чарнагорыя, Румынія, Сербія, Францыя, Партугалія, Іспанія); Азія (Манголія, Расія, Турцыя); Паўночная Амерыка (Грэнландыя, Канада, ЗША); Паўднёвая Амерыка (Аргенціна, Чылі). Засяляе пясчаныя прыморскія лугі, берагавыя лугі і камяністыя насыпы.

На тэрыторыі Беларусі фларыстычная рэдкасць. Усходняя мяжа яе арэала перасякае тэрыторыю краіны па лініі Свір — Смаргонь — Івянец — Стоўбцы — Палонка — Лагішын — Столін. На ўсход ад гэтай лініі трапляецца пад Мінскам, каля Жыткавічаў, Добруша і на Друці ў Бялыніцкім раёне. Асноўнае месцазнаходжанне — басейн Нёмана, дзе яна расце на поймавых лугах і схілах рачных тэрас, утварае «армерыевыя лугі». На поўнач ад Брэста, у Століне, Мінску, на Друці каля Івацэвічаў і інш. расце на сухадолах, пясчаных узгорках, схілах насыпаў, уздоўж дарог. Цвіце з мая да восені.

Святлолюбівая расліна, мезафіт, мезатроф[6]. Расце ў парках і садах, берагах мораў, на камяністых россыпах і скалах, горных лугах, у горнай тундры[6].

Від натуралізаваны ў некаторых іншых частках свету. Таксама культывуецца.

Выкарыстанне[правіць | правіць зыходнік]

Кармавая, лекавая, дэкаратыўная расліна[6]. Мае садовую форму.

Галерэя[правіць | правіць зыходнік]

Зноскі

  1. ↑ Ужываецца таксама назва Пакрытанасенныя.
  2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 8. — 160 с. — 2 350 экз. — у крыніцы пад назвай Armeria elongata
  4. ↑ Dictionary of Botanical Epithets
  5. ↑ Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927.
  6. ↑ а б в Армерия приморская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Спасылкі[правіць | правіць зыходнік]

Узята з "https://be.wikipedia.org/w/index.php?title=Армерыя_падоўжаная&oldid=4503023"