Беларускі сялянскі саюз

З пляцоўкі Вікіпедыя
Jump to navigation Jump to search
Беларускі сялянскі саюз
Заснавальнік: Васіль Рагуля
Фабіян Мацвеевіч Ярэміч
Дата заснавання: 10 лістапада 1925
Дата роспуску: 1932
Саюзнікі і блокі: Беларуская хрысціянская дэмакратыя
Партыйны друк: Сялянская ніва

Беларускі сялянскі саюз, Biełaruski Sialański Sajuz (БСС) (польск.: Białoruski Związek Włościański) — беларуская нацыянальная партыя парламенцкага тыпу ў Заходняй Беларусі ў 19251932 гг.

Створаны ў Вільні беларускімі пасламі ў польскім сейме В. Рагулем і Ф. Ярэмічам у процівагу БСРГ. Да сакавіка 1926 г. існаваў як ініцыятыўная група. На першай канферэнцыі 24 сакавіка 1926 г. прынята палітычная праграма і абраны ЦК БСС. У склад ЦК (знаходзіўся ў Вільні) увайшлі В. Рагуля, Ф. Ярэміч (старшыні), А. Більдзюкевіч, Б. Туронак (віцэ-старшыні). Цэнтральны друкаваны орган — газета «Сялянская Ніва».

З мэтаю пашырэння сваёй сацыяльнай базы сярод беларускага сялянства кіраўнікі БСС разам з лідэрамі Беларускай хрысціянскай дэмакратыі летам 1926 г. стварылі Беларускі інстытут гаспадаркі і культуры.

Літаратура[правіць | правіць зыходнік]

  • Ладысеў, У. Ф. Беларускі сялянскі саюз / У. Ф. Ладысеў // Энцыклапедыя гісторыі Беларусі: У 6 т. / Беларуская Энцыклапедыя; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. Т. 1: А — Беліца. — Мн.: БелЭн, 1993. — 494 с., [8] к.: іл. — С. 454. — ISBN 5-85700-074-2.
  • Рагуля, В. Успаміны. — Нью-Ёрк: Друк. Р. Крупка — О. Білан, 1957. — 127 с.