Наша партыя

З Вікіпедыі, свабоднай энцыклапедыі
Наша Партыя
Дата заснавання 2020
Штаб-кватэра Мінск
Ідэалогія спалучэнне розных ідэалогій
Сайт nashapartiya.by

Наша Партыя (НП) — палітычная партыя Беларусі, якая знаходзіцца ў працэсе стварэння. Ініцыятарамі стварэння партыі сталі грамадзяне Беларусі, да якіх далучыўся палітык, кандыдат у прэзідэнты на выбарах 2020 года, сустаршыня грамадскага аб’яднання «Гавары праўду» Андрэй Дзмітрыеў.

Ініціыятары стварэння партыі прынялі рашэнне ўзяць за аснову праграмы партыі перадвыбарчую праграму Андрэя Дзмітрыева[1]

30 чэрвеня на анлайн-з’ездзе быў афіцыйна створаны арганізацыйны камітэт «Нашай партыі»[2]. Яго чальцамі з’яўляюцца прыблізна 300 чалавек[3].

Па дадзеных на 21 жнівеня 2021 года, далучыцца да партыі маюць жаданне больш за 900 чалавек пры неабходнай для рэгістрацыі колькасці ў 1000 чалавек[4]. Устаноўчы з’езд плануецца правесці тады, калі колькасць зарэгістраваных жадаючых далучыцца да партыі складзе мінімум 1500—2000 чалавек[3][5].

27 жніўня 2021 года з аргкамітэта «Нашай партыі» быў выключаны Дзяніс Ціханенка за дзеянні, якія прыносяць шкоду іншым сябрам аргкамітэту, і непавагу да меркавання каллег[6]

Ідэя стварэння[правіць | правіць зыходнік]

Па словах Андрэя Дзмітрыева, прынцыповае рашэнне аб стварэнні палітычнай партыі было прынята яшчэ ў 2016 годзе на вялікім форуме «Гавары праўду». А ў 2020 годзе адбылася палітызацыя грамадства, і «шмат хто пачаў думаць, як рабіць добрыя рэчы для краіны, што можна дзейнічаць і не толькі праз вуліцу». Андрэй Дзмітрыеў лічыць, што час для стварэння партыі надышоў таму, што «людзі гатовыя аб’ядноўвацца, дзейнічаць, гаварыць пра палітыку». Да таго ж, па словах палітыка, грамадства павінна быць падрыхтавана да раптоўных змен, а палітычная партыя — «гэта цывілізаваны ўдзел у палітыцы»[3][7][8][9].

Прынцыпы[правіць | правіць зыходнік]

Сябры аргкамітэта самастойна распрацавалі Статут партыі. Тым не менш праца яшчэ не скончана, ідзе адкрыта і ўсе, хто падзяляе падыходы і прынцыпы «Нашай Партыі», могуць да яе далучыцца.

«Наша Партыя» дэкларуе наступныя прынцыпы:

  • партыя будуецца па прынцыпе «грамадзяне для грамадзян»;
  • Беларусь без дыктатараў, алігархаў і ідэолагаў;
  • Беларусь — краіна, з якой не трэба з’язджаць у пошуках бяспекі, працы і лепшага жыцця;
  • справядлівасць, павага да людзей і роўнасць усіх перад законам;
  • грамадзяне павінны ўдзельнічаць у прыняцці рашэнняў у дзяржаве;
  • адказнае самакіраванне, калі жыхары гарадоў і раёнаў выбіраюць мэраў і старшынь, а ўлада падсправаздачна грамадству[4]

Праграма[правіць | правіць зыходнік]

Праграма «Нашай Партыі» распрацавана сябрамі аргкамітэта ў працоўных групах[10]. Тым не менш праца яшчэ не скончана, ідзе адкрыта і ўсе, хто падзяляе падыходы і прынцыпы «Нашай Партыі», могуць да яе далучыцца.

Асноўныя тэзісы праграмы[правіць | правіць зыходнік]

Дзяржаўны лад[правіць | правіць зыходнік]

  • Прэзідэнт абіраецца не больш чым на 2 тэрміны па 5 год;
  • Дэпутаты парламента і мясцовых саветаў, старшыні мясцовых выканкамаў выбіраюцца грамадзянамі;
  • Аднапалатны парламент, які выбіраецца па прапарцыйнай выбарчай сістэме;
  • Самакіраванне як фундамент дзяржаўнай улады і аснова для ўдзела грамадзян у выпрацоўке і прыняцці рашэнняў па мясцовым пытанням;
  • Увядзенне пасады Ўпаўнаважанага па правах чалавека;
  • Укараненне «электроннага ўрада», які дазваляе грамадзянам і гаспадарчым суб’ектам атрымоўваць усебаковую інфармацыю пра дзейнасць дзяржаўных органаў, накіроўваць звароты і атрымоўваць неабходныя дазваляючыя і падцвярджаючыя дакументы ў электронным выглядзе;
  • Развіццё грамадзянскай супольнасці як партнёра дзяржавы

Знешняя палітыка[правіць | правіць зыходнік]

  • Адкрытая і паслядоўная шматвектарная знешняя палітыка з безумоўным прыярытэтам нацыянальных інтарэсаў;
  • Імкненне да безвізавага рэжыму з іншымі краінамі;
  • Уваходжанне ў Сусветную Гандлёвую Арганізацыю;
  • Пабудова раўнапраўных і адкрытых адносінаў з Еўрапейскім Саюзам, без сяброўства ў ЕС. Вяртанне ў праграму «Усходняга партнёрства».
  • Уваходжанне ў Савет Еўропы, падпісанне пагадненняў аб вольным гандлі. Удзел у іншых праграмах, якія адпавядаюць нацыянальным інтарэсам;
  • Развіццё дзейных двухбаковых адносінаў з Расійскай Федэрацыяй з безумоўным захаваннем суверэнітэта і незалежнасці Беларусі;
  • Ваенны нейтралітэт дзяржавы для для павышэння бяспекі ў рэгіёне

Права[правіць | правіць зыходнік]

Эканоміка[правіць | правіць зыходнік]

  • Стварэнне ўмоваў для інвестыцый і развіцця прыватнага сектара эканомікі, гарантыя права на прыватную ўласнасць і абарону інтарэсаў бізнэса ў незалежных судах;
  • Спрашчэнне сістэмы падаткаабкладання са зрушэннем падатковых паступленняў на карысць мясцовых бюджэтаў;
  • Ліквідацыя альбо рэарганізацыя стратных прадпрыемстваў, якія не ўдалося вывесці на акупнасць з дапамогай антыкрызісных праграм. Забеспячэнне перакваліфікацыі па запатрабаваных спецыяльнасцях для працаўнікоў, трапіўшых пад скарачэнне, з выплатай дапамогі па беспрацоўі ў памеры шасці сярэднемесячных заробкаў;
  • Стварэнне ўмоваў для развіцця інфармацыйных тэхналогій, нерэсурсаёмістых вытворчасцяў, інжынірынга, транзіта і лагістыкі, турызма і банкаўскай справы;
  • Правядзенне амністыі капітала;
  • Адмена крыжаванага субсідавання і стварэнне роўных умоваў для прадпрыемстваў усіх форм уласнасці.

Экалогія[правіць | правіць зыходнік]

  • Стварэнне інстытутаў па кансалідацыі грамадскасці ў прыняцці экалагічна значных рашэнняў (грамадская экалогія);
  • Увядзенне грамадскага кантролю за прадпрыемствамі, ажыццяўляючымі экалагічна небяспечную дзейнасць (у тым ліку БелАЭС)
  • Устойлівы рух да «зялёнай эканомікі»: узнаўляльныя крыніцы энергіі, экалагічна чысты транспарт, «разумныя» гарады;
  • Прыняцце законаў аб жорсткім абыходжанні з жывёламі і аб прытулках для бяздомных жывёлаў;
  • Пашырэнне тэрыторыяў, пакрытых лесам, у першую чаргу за кошт прыбярэжных і водаахоўных зонаў вадаёмаў;
  • Пытанне аховы навакольнага асяроддзя — прыярытэт пры разглядзе пытанняў гаспадарчай дзейнасці.

Сацыяльная абарона[правіць | правіць зыходнік]

  • Укараненне сістэмы накапляльных пенсій і дадатковага пенсійнага страхавання;
  • Празрыстасць разліку пенсій для насельніцтва;
  • Пашырэнне ўдзелу грамадскіх арганізацый у сацыяльнай дапамозе насельніцтву праз дзяржаўную сацыяльную замову;
  • Скарачэнне ільгот за кошт павелічэння адраснай сацыяльнай падтрымкі;
  • Адмена «падатка на дармаедства»
  • Развіццё сістэмы арэнднага жылля;
  • Развіццё незалежнага прафсаюзнага руху і ўдасканаленне сістэмы абароны правоў працаўнікоў;
  • Уключэнне ў працоўны стаж: дэкрэтнага адпачынку, перыяду догляду інвалідаў першай групы і людзей састарэлага ўзросту, тэрміновай службы ва ўзброеных сілах

Партыйныя мерапрыемствы[правіць | правіць зыходнік]

Кожную сераду сябры аргкамітэта «Нашай Партыі» праводзіць «Палітшколу»[5]. «Палітшкола» — гэта лекцыі-стрымы на платформе Youtube на розныя тэмы, звязаныя з палітыкай, эканомікай, сацыялогіяй, грамадазнаўствам. Пры гэтым слухачы маюць магчымасць задаваць пытанні выступоўцам.

Зноскі[правіць | правіць зыходнік]

Зноскі

  1. Перавыбарчая праграма кандыдата ў прэзідэнты Рэспублікі Беларусь Андрэя Дзмітрыева Архівавана 28 жніўня 2021. Афіцыйны сайт Андрэя Дзмітрыева
  2. «Без членства в ЕС». Сформирован оргкомитет по созданию «Нашей партии» Архівавана 24 жніўня 2021. Белорусские новости (праз VPN)
  3. а б в Андрэй Дзмітрыеў стварае «Нашу партыю» Наша Ніва
  4. а б Официальный сайт «Нашей партии»(недаступная спасылка). Архівавана з першакрыніцы 24 жніўня 2021. Праверана 24 жніўня 2021.
  5. а б Экс-кандидат в президенты Беларуси Андрей Дмитриев начал предварительную регистрацию «Нашей партии»(недаступная спасылка) Комсомольская правда в Беларуси
  6. Наша Партия - Оргкомитет «Нашей партии» сообщает.... . www.facebook.com. Праверана 12 жніўня 2023.
  7. Дмитриев заявил о создании собственной политической партии Politring.com
  8. Чтобы не украли победу. Дмитриев создает «Нашу партию». Но в конституционные перемены не верит Архівавана 24 жніўня 2021.
  9. Ці будзе «Наша партыя» Андрэя Дзмітрыева «гаварыць праўду»? Еўрапейскае Радыё ў Беларусі (праз VPN)
  10. Программа партии (проект) Официальный сайт «Нашей Партии»