Беларуская аграрная партыя

З пляцоўкі Вікіпедыя
Jump to navigation Jump to search
Аграрная партыя
Дата заснавання: 13 чэрвеня 1992
Штаб-кватэра: 220007, Мінск, вул. Фабрыцыуса, 7«А»
Ідэалогія: сацыял-дэмакратыя
Месцаў у Палаце прадстаўнікоў:
34 / 260
(1995-2000)
5 / 110
(2000-2004)
3 / 110
(2004-2008)
1 / 110
(2008-2012)
1 / 110
(2012-2016)
0 / 110
(2016-2020)
Месцаў у мясцовых Саветах дэпутатаў:
6 / 18809

Аграрная партыя — палітычная партыя Беларусі. Створаная 13 чэрвеня 1992 як Аб'яднанная аграрна-дэмакратычная партыя Беларусі, на II з'ездзе (28 студзеня 1994) перайменавана ў Аграрную партыю.

Падчас канстытуцыйнага крызіса 1996 у партыі адбыўся раскол на прыхільнікаў старшыні партыі і Вярхоўнага Савета XIII-га склікання С. Шарэцкага, і тых, хто падтрымліваў палітыку прэзідэнта А. Лукашэнка. У сакавіку 2000 адбыўся IV з'езд партыі на якім старшынёй быў абраны Міхаіл Шыманскі. З'езд таксама пацвердзіў, што падтрымлівае палітыку прэзідэнта і мае намер супрацоўнічаць з уладай.

15 сакавіка 2008 на V з'ездзе старшынёй партыі абраны дэпутат Палаты прадстаўнікоў М. Русы[1]. 12 чэрвеня 2009 Міністэрства юстыцыі Беларусі вынесла пісьмовае папярэджанне, у сувязі з тым што партыя не прадставіла ў міністэрства інфармацыю аб сваёй дзейнасці.

Мэта[правіць | правіць зыходнік]

Выступае за рэфармаванне грамадтсва па прынцыпах дэмакратычнага сацыялізму, перабудову эканомікі на аснове прыватнай і дзяржаўнай уласнасці на сродкі вытворчасці, у тым ліку і на зямлю. У сельскай гаспадарцы прызнае формы: вытворчы кааператыў, акцыянернае таварыства, калгас і саўгас, сялянская гаспадарка і малое прадпрыемства.

Выбары[правіць | правіць зыходнік]

На парламенцкіх выбарах 1995 г. партыя атрымала 34 месцы ў парламенце, у 2000 годзе — 5 месцаў, у 2004 годзе — 3 месцы. 2008 - 1.

Зноскі