Будынак Брэсцкага гарадскога суда

Славутасць
Будынак Брэсцкага гарадскога суда
52°05′24″ пн. ш. 23°41′34″ у. д.
Краіна	Беларусь
Горад	Брэст
Дата пабудовы	1920-я
Статус	Гісторыка-культурная каштоўнасць Беларусі, шыфр 112Е000002

Будынак Брэсцкага гарадскога суда — двухпавярховы будынак у Брэсце, размешчаны на рагу вуліц Будзённага (№ 31) і 17 Верасня.

Гісторыя

Пабудаваны ў канцы XIX стагоддзя ў псеўдарускім стылі. У 1920-х быў перабудаваны ў стылі канструктывізму. Будынак пазбавіўся цаглянай аздобы, вокны набылі строгі прамавугольны выгляд, будынак быў атынтаваны, ніжэй вакон першага і вышэй вакон другога паверхаў былі зроблены русты. Сам будынак працягваўся выкарыстоўвацца як гарадскі суд. 10—17 студзеня 1927 г. у будынку адбыўся палітычны працэс над 31 членам КПЗБ — т.зв. «працэс 31-го». Пасля вайны ў будынку размяшчалася ўпраўленне юстыцыі Брэсцкага аблвыканкама, пазней Суд Брэсцкага раёна. У 2007 годзе будынак быў унесены ў Спіс гісторыка-культурных каштоўнасцей Рэспублікі Беларусь. У 2018 годзе быў праведзены рамонт паводле праекта таварыства Белрэстаўрацыя. Аноўлены будынак спалучыў першапачатковыя рысы і асноўны канструктывісцкі архітэктурны строй.

Архітэктура

Зандаж муроўкі

Будынак

Двухпавярховы прамавугольны ў плане будынак. Галоўны ўваход з вул. Будзённага вылучаны рызалітам, завершаным прамавугольным атыкам. Фасады раскрапаваны спаранымі лапаткамі і радамі гарызантальных паясоў. Фасад на вул. 17 Верасня сіметрычны, фланкіраваны рызалітамі. Унутраная планіроўка калідорная. У ёй вылучаецца прамавугольная зала пасяджэнняў. Дзве міжпаверхавыя лесвічныя клеткі размешчаны па вуглах дваровага фасада.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Будынак Брэсцкага гарадскога суда на сайце «Архіварта»