Мастацкі музей Брэста

З пляцоўкі Вікіпедыя
Jump to navigation Jump to search
Мастацкі музей Брэста
Профіль мастацкі
Заснаваны 2000
Падпарадкаванасць Брэсцкі абласны краязнаўчы музей
Месцазнаходжанне г. Брэст, Брэсцкая крэпасць, 224018
Агульная плошча 1670
Выставачная плошча 1100
Тэлефон (+016) 22 17 85
Дырэктар Гуляеў Васіль Васільевіч
brokm.vbreste.by/filial-…
Лагатып Вікісховішча Мастацкі музей Брэста на Вікісховішчы

Брэсцкі мастацкі музей — філіял Брэсцкага абласнога краязнаўчага музея. Заснаваны 13 сакавіка 2000 г. у г.Брэст рашэннем Брэсцкага аблвыканкама. Адкрыты для наведвальнікаў 17 мая 2002 г. у Паўднёвай казарме Брэсцкай крэпасці. Аснову экспазіцыі філіяла склала калекцыя выяўленчага і дэкаратыўна-прыкладнога мастацтва Брэсцкага абласнога краязнаўчага музея, стварэнне якой пачалося ў 1951 г. Найбольш шырока ў ёй прадстаўлена творчасць брэсцкіх мастакоў.

Агульная плошча памяшканняў музея 1670 м². Плошча экспазіцыі 1100 м², размешчана ў 10 залах. Таксама дзейнічаюць 2 выставачныя залы плошчай 140 м².

Экспазіцыя храналагічна ахоплівае ўвесь перыяд існавання Брэсцкай абласной арганізацыі Саюза мастакоў Беларусі і дазваляе ўявіць шлях развіцця выяўленчага мастацтва Берасцейшчыны 2-й палавіны 20 — пачатку 21 ст. Адкрываюць экспазіцыю работы брэсцкай мастачкі А. І. Фяцісавай з цыкла «Таямніцы старога горада» з краявідамі Брэста, партрэтамі палітычных і дзяржаўных дзеячаў эпохі Сярэднявечча. Таксама экспануецца макет г. Брэст 17 — 18 ст., выкананы па праекце А. І. Фяцісавай навучэнцамі Брэсцкага політэхнічнага каледжа. У 2-й зале дэманструюцца работы беларускіх мастакоў, прысвечаныя Вялікай Айчыннай вайне. Сярод іх асобае месца займаюць карціны пра гераічную абарону Брэсцкай крэпасці. Тры залы прысвечаны жывапісу і скульптуры, экспануюцца творы мастакоў Берасцейшчыны, у тым ліку П. А. Данелія, М. Д. Чурабы, І. Я. Фяцісава, Э. С. Куфко, прадстаўлены творчыя пошукі маладых мастакоў. Экспазіцыю наступных 2 залаў складаюць творы графікаў. Сярод іх работы П. Ю. Татарнікава, Г. І. Вяля, Л. Б. Алімава. Асобны яе раздзел прысвечаны дэкаратыўна-прыкладному мастацтву, сярод экспанатаў габелены А. Ф. Гуршчанковай і Д. М. Вымаркавай, таксама вылучаюцца работы мастака-ювеліра М. П. Кузьміча. У музеі прадстаўлены віды народных мастацкіх промыслаў: ткацтва і вышыўка, ганчарства, салома- і лозапляценне, размалёўка па дрэве і шкле, мастацкая апрацоўка дрэва, а таксама работы народных майстроў І. Ф. Супрунчыка і М. В. Тарасюка, майстра саломапляцення В. І. Гаўрылюка, творы самадзейных мастакоў Ю. П. Сергіенкі, П. С. Мысліўца, А. В. Івашкі і інш.

Спасылкі[правіць | правіць зыходнік]