Шанхай Мастэрс 2015, снукер

З пляцоўкі Вікіпедыя
Перайсці да: рух, знайсці


Шанхай Мастэрс 2015
Фота
Сезон: 2015/2016
Тэрміны: 14 — 20 верасня 2015
Арэна: Шанхайская гранд-сцэна
Горад: Шанхай
Краіна: Кітай
Арганізацыя: WPBSA
Спонсар: Bank of Communications
Фармат: Рэйтынгавы турнір
Агульны прызавы фонд: £465,200
Прызавыя пераможцы: £85,000
Мінулы чэмпіён: Сцяг Англіі Сцюарт Бінэм
Фінал
Пераможца: Сцяг Англіі Кайрэн Уілсан
Фіналіст: Сцяг Англіі Джад Трамп
Лік: 10:9
Статыстыка турніру
Колькасць удзельнікаў: 40 (+96)
Колькасць матчаў: 37 (+95)
Колькасць фрэймаў: 272 (+690)
Колькасць соценных серый: 23 (+47)
Найвышэйшая серыя: 140 (Лука Брэсэль)
(кваліфікацыя: 140 (Цаа Юйпэн))
←2014Шанхай Мастэрс2016→
Снукерны сезон 2015/2016
←Чэмпіянат свету
па снукеры з 6-цю
чырвонымі шарамі
Адкрыты чэмпіянат Рура→

Шанха́й Ма́стэрс 2015 (англ.: Shanghai Masters 2015, таксама вядомы як Bank of Communications Shanghai Masters 2015 — ад назвы спонсара) — прафесійны рэйтынгавы турнір па снукеры, які праходзіў з 14 па 20 верасня 2015 года на Шанхайскай гранд-сцэне, у Шанхаі, Кітай. Турнір стаў дзявятым розыгрышам Шанхай Мастэрс, які быў заснаваны ў 2007 годзе. Bank of Communications у пяты раз запар спансіраваў Шанхай Мастэрс. Прызавы фонд турніру склаў £465,200 (на £15,200 больш, чым у мінулым годзе), з якіх £85,000 атрымаў пераможца.

Турнір уключаў у сябе чатыры кваліфікацыйныя раўнды, якія праходзілі на працягу пяці дзён з 5 па 9 жніўня 2015 года на арэне Метрадром у Барнслі, Англія, і ў якіх гулялі 112 удзельнікаў (101 прафесіянальны снукерыст і 11 аматараў). 16 пераможцаў апошняга кваліфікацыйнага раўнда трапілі ў асноўную стадыю, дзе да іх далучыліся 16 першых сеяных ігракоў і 8 уладальнікаў уайлдкард, якія гулялі ў папярэднім раўндзе супраць васьмярых ігракоў, якія прайшлі кваліфікацыю. Пасля гэтага, 32 снукерысты гулялі на выбыванне, пачынаючы з 1/16 фіналу. У ўайлдкард раўндзе і першых двух раўндах асноўнай сетцы на Шанхайскай гранд-сцэне выкарыстоўвалася чатыры гульнявыя сталы, у чвэрцьфіналах — два, а ў паўфіналах і фінале — адзін.

Толькі адзін з васьмі кітайскіх аматараў, якія атрымалі ўайлдкард, Фан Сюнмань, прайшоў у 1/16 фіналу турніру, дзе саступіў чэмпіёну свету Сцюарту Бінэму (2:5). Лідар сусветнага рэйтынгу Марк Сэлбі зняўся з Шанхай Мастэрс у сувязі з уласнымі абставінамі. Толькі сем гульцоў з топ-16 прайшлі ў другі раўнд плэй-оф спаборніцтва і толькі пяцёра з іх дайшлі да чвэрцьфіналу. Леташні пераможца турніру Сцюарт Бінэм дайшоў да паўфіналу, але саступіў фіналісту розыгрышу 2012 года Джаду Трампу з лікам 3:6. 53-ці сеяны Шанхай Мастэрс Кайрэн Уілсан, які да гэтага не праходзіў далей за 1/4 фіналу рэйтынгавага турніру, разграміў у паўфінальным паядынку леташняга фіналіста спаборніцтва Марка Алена з Паўночнай Ірландыі з лікам 6:1 і стаў другім фіналістам Шанхай Мастэрс 2015, упершыню патрапіўшы ў рэйтынгавы фінал. Такім чынам, турнір стаў другім запар спаборніцтвам рэйтынгавага ўзроўню ў Кітаі, у фінал якога прайшоў снукерыст, які не ўваходзіў у топ-50 снукерыстаў свету (у фінал адкрытага чэмпіянату Кітая ў красавіку 2015 года патрапіў 60-ы сеяны Гэры Уілсан). Найвышэйшую серыю ў асноўнай стадыі турніру, 140 ачкоў, зрабіў Лука Брэсэль з Бельгіі ў матчы 1/16 фіналу супраць Марка Алена.

Пераможцам турніру стаў 23-гадовы Кайрэн Уілсан, які ішоў наперадзе ў фінальным матчы з лікам 6:3 пасля першай сесіі і пазней 8:4, пасля чаго дазволіў Трампу давесці паядынак да вырашальнай партыі, аднак выйграў яе паспяховай атакай і выйграў свой першы прафесійны тытул у кар'еры. На сваім шляху да тытула Уілсан прайшоў тры кваліфікацыйныя раўнды, пасля чаго перайграў Вана Юйчэня ў уайлдкард раўндзе (5:1), Джо Пэры (5:2), Майкла Холта (5:1), Дзіна Цзюньхуэя з Кітая (5:4), Марка Алена ў паўфінальным матчы (6:1) і Джада Трампа ў напружаным фінальным паядынку (10:9). Такім чынам, Кайрэн Уілсан, які меў 54-ы нумар у сусветным рэйтынгу, стаў адным з самых нізкарэйтынгавых пераможцаў спаборніцтваў рэйтынгавага ўзроўню ў гісторыі. Апроч таго, гэтая перамога паспрыяла яго ўздыму ў рэйтынгу на 32 пазіцыі — з 54-й на 22-ю.

Турнір[правіць | правіць зыходнік]

Шанхай Мастэрс 2015 года стаў дзявятым розыгрышам Шанхай Мастэрс (англ.: Shanghai Masters), які праходзіць штогод з 2007 года на шанхайскай гранд-сцэне, у Шанхаі, Кітай[1].

Шанхай Мастэрс 2015 праходзіў пад эгідай сусветнай асацыяцыі прафесійнага більярда і снукера (англ.: World Professional Billiards and Snooker Association) і ўваходзіў у каляндар мэйн-тура, а таксама быў другім рэйтынгавым турнірам снукернага сезона 2015/2016[2][3].

Матчы асноўнай стадыі турніру (39 паядынкаў) гуляліся за чатырма сталамі на Шанхайскай гранд-сцэне ў шанхайскім раёне Сюйхой, а кваліфікацыя спаборніцтва праходзіла больш чым за месяц да гэтага на арэне Метрадром у Барнслі, Англія[4][5].

Прызавыя грошы[правіць | правіць зыходнік]

Bank of Communications у пяты раз запар спансаваў Шанхай Мастэрс[6][7][8][9]. Прызавы фонд турніру павысіўся ў параўнанні з мінулым годам на £15,200 і склаў £465,200, стаўшы рэкордным прызавым фондам гэтага турніру. Першы прыз застаўся на тым жа ўзроўні, што і год таму — £85,000[10].

Згодна з рэйтынгавай сістэмай, якая прыняла статус афіцыйнай з сезона 2014/2015, прызавыя грошы сталі эквівалентнымі рэйтынгавым ачкам. Такім чынам, рэйтынг снукерыста адлюстроўвае суму прызавых грошай, якія ён зарабіў на рэйтынгавых турнірах за апошнія два гады. Пры гэтым, снукерыст, які прайграваў у першым жа матчы на турніры, увогуле не атрымліваў рэйтынгавых ачкоў[10].

Дасягненне Прызавыя
Пераможца £85000
Фіналіст £35000
Паўфіналісты £19500
Чвэрцьфіналісты £12000
1/8 фіналу £8000
1/16 фіналу £6000
1/24 фіналу £3000
1/32 фіналу £2000
1/48 фіналу £500
Вышэйшы брэйк у кваліфікацыі £200
Вышэйшы брэйк у асноўнай стадыі £2000
Агульны прызавы фонд £465200
Максімальны брэйк £30000
Максімальны брэйк у кваліфікацыі £6500

Фармат турніру[правіць | правіць зыходнік]

Шанхайскі крыты стадыён — месца праведзення Шанхай Мастэрс.

На Шанхай Мастэрс 2015 прыняло ўдзел 136 ігракоў, з якіх 117 — удзельнікі мэйн-тура і 19 — аматары. 64 удзельнікі — ігракі з нумарамі пасеву з 65 па 108, 9 снукерыстаў, якія не мелі рэйтынгавых ачкоў і адпаведна не мелі нумара пасеву, а таксама 11 аматараў — пачалі турнір з першага кваліфікацыйнага раўнда ў фармаце матча на выбыванне (32 гульні), які праходзіў 5 і 6 жніўня 2015 года (больш чым за месяц да асноўнай стадыі). У ім ігракі з нумарамі пасеву з 65 па 96 гулялі супраць астатніх снукерыстаў. 32 пераможцы матчаў першага раўнда выходзілі ў другі кваліфікацыйны раўнд, у якім гулялі супраць удзельнікаў з нумарамі пасеву з 33 па 64 (32 гульні). Другі круг праходзіў 6 і 7 жніўня 2015 года. Усе 32 пераможцы матчаў другога раўнда гулялі паміж сабой у трэцім кваліфікацыйным раўндзе (16 гульняў), які праходзіў 8 жніўня 2015 года. Затым 16 пераможцаў матчаў трэцяга раўнда выходзілі ў заключны чацвёрты кваліфікацыйны раўнд, дзе гулялі супраць удзельнікаў з нумарамі пасеву з 17 па 32 (16 гульняў). Чацвёрты круг кваліфікацыі праходзіў 9 жніўня 2015 года. Кваліфікацыя Шанхай Мастэрс праходзіла на арэне Метрадром у Барнслі, Англія. Такім чынам, у асноўную стадыю спаборніцтва выйшлі 16 ігракоў, якія далучыліся да 16 снукерыстаў з нумарамі пасеву з 1 па 16 і 8 уладальнікаў уайлдкард. Васьмёра ўладальнікаў уайлдкард гулялі ў папярэднім уайлдкард раўндзе супраць васьмярых выпадковых гульцоў з тых, якія прайшлі кваліфікацыю[4][11].

Такім чынам, 8 пераможцаў чацвёртага кваліфікацыйнага раўнда, якія не гулялі ў уайлдкард раўндзе, 8 пераможцаў матчаў уайлдкард раўнда і 16 ігракоў, якія трапілі на чэмпіянат без кваліфікацыі, гулялі ў асноўнай стадыі на выбыванне, пачынаючы з 1/16 фіналу, дзе топ-16 сеяных гульцоў сустракаліся з астатнімі гульцамі. Лёсаванне турніру прадвызначала немагчымасць сустрэчы ігракоў топ-16 раней за 1/8 фіналу, ігракоў топ-8 раней чвэрцьфіналаў, ігракоў з першай чацвёркі сеяных раней паўфіналу і двух першых сеяных раней фіналу Шанхай Мастэрс. Пяць раўндаў асноўнай стадыі (а таксама ўайлдкард раўнд) праходзілі на працягу сямі дзён (гульні ўайлдкард раўнда і 1/16 фіналу расцягнутыя на тры дні) на шанхайскай гранд-сцэне ў Шанхаі, Кітай[5][12].

Стадыя Тэрміны КФ НДП
Першы кваліфікацыйны раўнд 5–6 жніўня 9 5
Другі кваліфікацыйны раўнд 6–7 жніўня 9 5
Трэці кваліфікацыйны раўнд 8 жніўня 9 5
Чацвёрты кваліфікацыйны раўнд 9 жніўня 9 5
Уайлдкард раўнд 14–15 верасня 9 5
1/16 фіналу 14–16 верасня 9 5
1/8 фіналу 17 верасня 9 5
1/4 фіналу 18 верасня 9 5
1/2 фіналу 19 верасня 11 6
Фінал 20 верасня 19 10

Кваліфікацыя[правіць | правіць зыходнік]

Кваліфікацыйная сетка[правіць | правіць зыходнік]

[13][3][4]

  Першы раўнд
да 5 перамог
Другі раўнд
да 5 перамог
Трэці раўнд
да 5 перамог
Чацвёрты раўнд
да 5 перамог
                                     
70  Сцяг Англіі Ян Бэрнс 5   40  Сцяг Англіі Марк Джойс 5
104  Сцяг Англіі Шон О'Саліван 4   70  Сцяг Англіі Ян Бэрнс 3     40  Сцяг Англіі Марк Джойс 4     30  Сцяг Уэльса Джэймі Джонс 5
67  Сцяг Кітая Чжоу Юэлун 5   54  Сцяг Ірландыі Дэвід Морыс 5   54  Сцяг Ірландыі Дэвід Морыс 5     54  Сцяг Ірландыі Дэвід Морыс 3
А  Сцяг Англіі Хамад Міа 4   67  Сцяг Кітая Чжоу Юэлун 3
65  Сцяг Англіі Крэйг Стэдмэн 5   44  Сцяг Англіі Майк Дан 5
А  Сцяг Англіі Кулдэш Джохал 4   65  Сцяг Англіі Крэйг Стэдмэн 4     44  Сцяг Англіі Майк Дан 5     21  Сцяг Кітая Сяа Гадун 4
68  Сцяг Англіі Олівер Лайнс 3   51  Сцяг Англіі Джэк Лісоўскі 5   51  Сцяг Англіі Джэк Лісоўскі 2     44  Сцяг Англіі Майк Дан 5
 Сцяг Англіі Джымі Уайт 5    Сцяг Англіі Джымі Уайт 0
75  Сцяг Англіі Майкл Уослі 5   47  Сцяг Англіі Эндру Хігінсан 5
99  Сцяг Англіі Джэймс Кэхіл 3   75  Сцяг Англіі Майкл Уослі 4     47  Сцяг Англіі Эндру Хігінсан 5     20  Сцяг Кітая Лян Вэньбо 5
71  Сцяг Кітая Чжан Аньда 5   57  Сцяг Англіі Сцюарт Кэрынгтан 2   71  Сцяг Кітая Чжан Аньда 4     47  Сцяг Англіі Эндру Хігінсан 4
А  Сцяг Англіі Эндзі Хікс 1   71  Сцяг Кітая Чжан Аньда 5
66  Сцяг Англіі Ліам Хайфілд 5   56  Сцяг Фінляндыі Робін Хал 2
 Сцяг Англіі Майкл Уайлд 0   66  Сцяг Англіі Ліам Хайфілд 5     66  Сцяг Англіі Ліам Хайфілд 5     24  Сцяг Англіі Мартын Гоўлд 5
78  Сцяг Англіі Крыс Мелінг 5   46  Сцяг Ірландыі Кен Доэрці 5   46  Сцяг Ірландыі Кен Доэрці 0     66  Сцяг Англіі Ліам Хайфілд 2
97  Сцяг Уэльса Дэніэл Уэлс 4   78  Сцяг Англіі Крыс Мелінг 0
80  Сцяг Мальты Тоні Дрэга 1   50  Сцяг Тайланда Дэчават Пумджаенг 5
107  Сцяг Шатландыі Рос М'юр 5   107  Сцяг Шатландыі Рос М'юр 3     50  Сцяг Тайланда Дэчават Пумджаенг 3     18  Сцяг Англіі Роберт Мілкінс 5
79  Сцяг Англіі Зак Сурэці 5   39  Сцяг Паўночнай Ірландыі Джэрард Грын 5   39  Сцяг Паўночнай Ірландыі Джэрард Грын 5     39  Сцяг Паўночнай Ірландыі Джэрард Грын 3
 Сцяг Англіі Джэйсан Уэстан 1   79  Сцяг Англіі Зак Сурэці 0
85  Сцяг Ірана Хусэйн Вафаі Аюры 5   61  Сцяг Англіі Энтані Хэмілтан 2
 Сцяг Англіі Альфрэд Бёрдэн 1   85  Сцяг Ірана Хусэйн Вафаі Аюры 5     85  Сцяг Ірана Хусэйн Вафаі Аюры 4     27  Сцяг Англіі Мэцью Сэлт 5
96  Сцяг Англіі Пол Дэвісан 5   58  Сцяг Паўночнай Ірландыі Джо Свэйл 5   58  Сцяг Паўночнай Ірландыі Джо Свэйл 5     58  Сцяг Паўночнай Ірландыі Джо Свэйл 3
108  Сцяг Шатландыі Рыс Кларк 4   96  Сцяг Англіі Пол Дэвісан 2
86  Сцяг Кітая Лу Чэньвэй 4   64  Сцяг Англіі Сэм Бэйрд 4
А  Сцяг Ірландыі Леа Фернандэз 5   А  Сцяг Ірландыі Леа Фернандэз 5     А  Сцяг Ірландыі Леа Фернандэз 3     32  Сцяг Англіі Бен Вуластан 3
90  Сцяг Англіі Алан Тэйлар П   60  Сцяг Англіі Том Форд 5   60  Сцяг Англіі Том Форд 5     60  Сцяг Англіі Том Форд 5
 Сцяг Пакістана Хамза Акбар А   90  Сцяг Англіі Алан Тэйлар 2
74  Сцяг Англіі Мічэл Ман 1   41  Сцяг Англіі Джымі Робертсан 2
94  Сцяг Англіі Джэймі Коўп 5   94  Сцяг Англіі Джэймі Коўп 5     94  Сцяг Англіі Джэймі Коўп 5     31  Сцяг Англіі Гэры Уілсан 4
98  Сцяг Англіі Мартын О'Донэл 5   48  Сцяг Англіі Робі Уільямс 5   48  Сцяг Англіі Робі Уільямс 1     94  Сцяг Англіі Джэймі Коўп 5
А  Сцяг Англіі Джэйк Нікалсан 1   98  Сцяг Англіі Мартын О'Донэл 4
87  Сцяг Кітая Лу Нін 5   36  Сцяг Нарвегіі Курт Мэфлін 4
106  Сцяг Англіі Сандэрсан Лэм 2   87  Сцяг Кітая Лу Нін 5     87  Сцяг Кітая Лу Нін 1     25  Сцяг Шатландыі Алан Мак-Манус 5
76  Сцяг Шатландыі Скот Дональдсан 5   62  Сцяг Англіі Роры Мак-Лаўд 5   62  Сцяг Англіі Роры Мак-Лаўд 5     62  Сцяг Англіі Роры Мак-Лаўд 4
А  Сцяг Англіі Джордан Браўн 2   76  Сцяг Шатландыі Скот Дональдсан 3
82  Сцяг Уэльса Лі Уолкер 5   38  Сцяг Уэльса Дамінік Дэйл 5
А  Сцяг Англіі Эшлі Хагіл 2   82  Сцяг Уэльса Лі Уолкер 4     38  Сцяг Уэльса Дамінік Дэйл 5     19  Сцяг Уэльса Раян Дэй 5
81  Сцяг Шатландыі Майкл Лэслі 5   35  Сцяг Англіі Род Лоўлер 5   35  Сцяг Англіі Род Лоўлер 2     38  Сцяг Уэльса Дамінік Дэйл 1
А  Сцяг Англіі Люк Сімандс 1   81  Сцяг Шатландыі Майкл Лэслі 1
77  Сцяг Англіі Бары Пінчэс 1   49  Сцяг Індыі Адыт'я Мехта 1
100  Сцяг Уэльса Гарэт Ален 5   100  Сцяг Уэльса Гарэт Ален 5     100  Сцяг Уэльса Гарэт Ален 1     23  Сцяг Англіі Майкл Холт 5
73  Сцяг Англіі Майкл Джорджыу 3   55  Сцяг Кітая Лі Хан 5   55  Сцяг Кітая Лі Хан 5     55  Сцяг Кітая Лі Хан 3
А  Сцяг Уэльса Алекс Таўбман 5   А  Сцяг Уэльса Алекс Таўбман 3
72  Сцяг Англіі Джоэль Уолкер 5   34  Сцяг Англіі Марк Кінг 5
А  Сцяг Англіі Адам Дафі 2   72  Сцяг Англіі Джоэль Уолкер 1     34  Сцяг Англіі Марк Кінг 3     22  Сцяг Шатландыі Энтані Мак-Гіл 4
102  Сцяг Аўстраліі Віні Калабрэзэ 5   53  Сцяг Англіі Кайрэн Уілсан 5   53  Сцяг Англіі Кайрэн Уілсан 5     53  Сцяг Англіі Кайрэн Уілсан 5
 Сцяг Малайзіі Тор Чуан Леонг 1   102  Сцяг Аўстраліі Віні Калабрэзэ 0
101  Сцяг Уэльса Дуэйн Джонс 3   59  Сцяг Англіі Пітэр Лайнс 5
103  Сцяг Англіі Сідні Уілсан 5   103  Сцяг Англіі Сідні Уілсан 1     59  Сцяг Англіі Пітэр Лайнс 3     29  Сцяг Англіі Пітэр Эбдан 5
83  Сцяг Тайланда Танават Тырапонгпайбун 2   42  Сцяг Шатландыі Джэймі Бёрнэт 5   42  Сцяг Шатландыі Джэймі Бёрнэт 5     42  Сцяг Шатландыі Джэймі Бёрнэт 1
105  Сцяг Шатландыі Эдэн Шараў 5   105  Сцяг Шатландыі Эдэн Шараў 0
69  Сцяг Кітая Цянь Пэнфэй 5   52  Сцяг Кітая Юй Дэлу 1
 Сцяг Тайланда Напон Саенхам 1   69  Сцяг Кітая Цянь Пэнфэй 5     69  Сцяг Кітая Цянь Пэнфэй 5     17  Сцяг Англіі Марк Дэвіс 5
92  Сцяг Шатландыі Фрэйзер Патрык 5   33  Сцяг Уэльса Мэцью Стывенс 5   33  Сцяг Уэльса Мэцью Стывенс 0     69  Сцяг Кітая Цянь Пэнфэй 4
 Сцяг Вострава Мэн Дарыл Хіл 3   92  Сцяг Шатландыі Фрэйзер Патрык 0
89  Сцяг Англіі Стывен Холуарт 1   37  Сцяг Англіі Дэвід Гілберт 5
 Сцяг Кітая Чжан Юн 5    Сцяг Кітая Чжан Юн 0     37  Сцяг Англіі Дэвід Гілберт 3     26  Сцяг Ірландыі Фергал О'Браен 4
91  Сцяг Англіі Крыс Уэйкелін 0   43  Сцяг Бельгіі Лука Брэсэль 5   43  Сцяг Бельгіі Лука Брэсэль 5     43  Сцяг Бельгіі Лука Брэсэль 5
95  Сцяг Англіі Найджэл Бонд 5   95  Сцяг Англіі Найджэл Бонд 2
84  Сцяг Англіі Дэвід Грэйс 5   45  Сцяг Тайланда Цепчая Ун-Нух 2
А  Сцяг Англіі Джо О'Конар 3   84  Сцяг Англіі Дэвід Грэйс 5     84  Сцяг Англіі Дэвід Грэйс 5     28  Сцяг Англіі Алістэр Картэр 3
88  Сцяг Англіі Ян Гловер 3   63  Сцяг Кітая Цаа Юйпэн 5   63  Сцяг Кітая Цаа Юйпэн 4     84  Сцяг Англіі Дэвід Грэйс 5
93  Сцяг Тайланда Джэймс Уотана 5   93  Сцяг Тайланда Джэймс Уотана 1

Соценныя серыі[правіць | правіць зыходнік]

У 95 матчах кваліфікацыйнай стадыі было выканана 47 соценных серый. Лука Брэсэль, які выйграў тры кваліфікацыйныя матчы і прабіўся ў асноўную стадыю турніру, выканаў тры сэнчуры. У другім кваліфікацыйным раўндзе 63-і сеяны турніру Цаа Юйпэн у паядынку супраць Джэймса Уатаны зрабіў брэйк у 140 балаў, які стаў найвышэйшым на стадыі кваліфікацыі. Такім чынам, кітайскі снукерыст атрымаў узнагароду ў £200 за вышэйшы брэйк у кваліфікацыі.

Ніжэй прадстаўленыя ўдзельнікі, упарадкаваныя па іх найвышэйшай серыі на турніры. Насупраць пералічаны ўсе соценныя брэйкі кожнага гульца[14][15].

Гулец 100+ Усе серыі 100+
Сцяг Кітая Цаа Юйпэн 2 140, 131
Сцяг Кітая Чжоу Юэлун 1 138
Сцяг Англіі Энтані Хэмілтан 1 136
Сцяг Англіі Мартын О'Донэл 1 136
Сцяг Кітая Чжан Аньда 2 134, 104
Сцяг Англіі Том Форд 2 133, 117
Сцяг Кітая Цянь Пэнфэй 2 133, 114
Сцяг Кітая Чжан Юн 1 131
Сцяг Англіі Майк Дан 1 129
Сцяг Англіі Кайрэн Уілсан 2 128, 102
Сцяг Англіі Джымі Робертсан 1 128
Сцяг Ірландыі Фергал О'Браен 1 128
Сцяг Англіі Ліам Хайфілд 1 127
Сцяг Англіі Марк Кінг 1 126
Сцяг Бельгіі Лука Брэсэль 3 121, 108, 104
Сцяг Шатландыі Энтані Мак-Гіл 2 121, 101
Сцяг Англіі Найджэл Бонд 1 121
Сцяг Нарвегіі Курт Мэфлін 1 119
Сцяг Англіі Джоэль Уолкер 1 119
Сцяг Уэльса Дамінік Дэйл 1 118
Сцяг Англіі Роберт Мілкінс 1 113
Сцяг Уэльса Алекс Таўбман 1 110
Сцяг Ірана Хусэйн Вафаі Аюры 1 110
Сцяг Паўночнай Ірландыі Джо Свэйл 1 110
Сцяг Паўночнай Ірландыі Джэрард Грын 1 109
Сцяг Шатландыі Рос М'юр 2 108, 100
Сцяг Кітая Лі Хан 1 108
Сцяг Шатландыі Джэймі Бёрнэт 2 106, 104
Сцяг Англіі Джэймі Коўп 2 106, 103
Сцяг Англіі Роры Мак-Лаўд 1 103
Сцяг Уэльса Мэцью Стывенс 1 102
Сцяг Кітая Лян Вэньбо 1 102
Сцяг Англіі Пол Дэвісан 1 101
Сцяг Шатландыі Рыс Кларк 1 100
Сцяг Англіі Род Лоўлер 1 100
Сцяг Уэльса Лі Уолкер 1 100
Увогуле 47 Найвышэйшы брэйк: 140 (Цаа Юйпэн)

Удзельнікі[правіць | правіць зыходнік]

Паўфіналіст розыгрышу 2011 года Ніл Робертсан.

У асноўнай стадыі Шанхай Мастэрс 2015 прынялі ўдзел 16 гульцоў, якія мелі найвышэйшыя нумары пасеву, 16 снукерыстаў, якія перамаглі ў матчах чацвёртага кваліфікацыйнага раўнда, а таксама 8 уладальнікаў уайлдкард.

Пяць снукерыстаў: Ніл Робертсан[16], Шон Мёрфі[17], Сцюарт Бінэм[18], Дзін Цзюньхуэй[19] і Раян Дэй[20] прымалі ўдзел у дзявятым розыгрышы Шанхай Мастэрс запар, не прапусціўшы, такім чынам, ніводнага турніру з самога заснавання ў 2007 годзе. Марк Сэлбі таксама патрапіў на дзявяты Шанхай Мастэрс, але быў вымушаны зняцца і не згуляў ніводнага матча[21].

8 кітайскіх аматараў атрымалі ўайлдкард ад арганізатараў турніру: Ван Юйчэнь і Лінь Шуай, якія дайшлі да 1/16 фіналу розыгрышу 2013 года[8], Юань Сыцзюнь, які ў трэці раз запар атрымаў гэты прывілей, прайграўшы на абодвух папярэдніх турнірах[8][9], Фан Сюнмань, які ўдзельнічаў у ўайлдкард раўндзе Шанхай Мастэрс 2013[8], Ню Чжуан і Чэнь Цзыфань, якія атрымалі ўайлдкард у другі раз запар[9], а таксама навічкі турніру Хань Бінь і Яа Пенчэн.

У 2015 годзе на шанхайскую гранд-сцэну патрапілі 3 дэбютанты: Лука Брэсэль (43)[22], Хань Бінь[23] і Яа Пенчэн[24].

Да гэтага ніводны гулец не здолеў выйграць тытул Шанхай Мастэрс два разы. Пяць удзельнікаў розыгрышу 2015 года станавіліся пераможцамі спаборніцтва: Рыкі Уолдэн (2008), Марк Сэлбі (2011), Джон Хігінс (2012), Дзін Цзюньхуэй (2013) і Сцюарт Бінэм (2014)[1].

Самым узроставым удзельнікам асноўнай стадыі Шанхай Мастэрс 2015 года стаў 45-гадовы Пітэр Эбдан. Алану Мак-Манусу падчас турніру было 44 гады, а Майку Дану і Марку Дэвісу — па 43.

Ніжэй прадстаўлена табліца, якая дэманструе статыстыку выступленняў удзельнікаў спаборніцтва на ўсіх папярэдніх турнірах Шанхай Мастэрс[25][26][27][28][6][7][8][9].

Леташні пераможца
Дэбютант турніру


П Р Гулец ДН Дэбют Найлепшы вынік АС М В П Ф ВФ ПФ 50+[у 1] 100+[у 1] НБ[у 1] Ф/50+[у 1] Ф/100+[у 1] ПГ (£)[у 2]
1 2 Сцяг Англіі Сцюарт Бінэм[у 3] 21.05.1976 2007 Перамога (2014) 8 20 13 7 65% 150 83 67 55.33% 45 9 142 3.33 16.67 130795
2 1 Сцяг Англіі Марк Сэлбі 19.06.1983 2007 Перамога (2011) 8 26 19 7 73.08% 204 123 81 60.29% 60 12 131 3.4 17 144640
3 3 Сцяг Кітая Дзін Цзюньхуэй 01.04.1987 2007 Перамога (2013) 8 19 12 7 63.16% 153 85 68 55.55% 52 8 132 2.94 19.13 130675
4 4 Сцяг Аўстраліі Ніл Робертсан 11.02.1982 2007 Паўфінал (2011) 8 15 7 8 46.67% 112 58 54 51.79% 34 2 122 3.29 56 54890
5 6 Сцяг Англіі Шон Мёрфі 10.08.1982 2007 Паўфінал (2009, 2012) 8 19 11 8 57.89% 149 79 70 53.02% 52 12 143 2.87 12.42 69625
6 7 Сцяг Англіі Джад Трамп 20.08.1989 2008 Фінал (2012) 6 11 5 6 45.45% 95 43 52 45.26% 36 8 135 2.64 11.88 56825
7 8 Сцяг Англіі Бары Хокінс 23.04.1979 2008 Паўфінал (2013) 5 8 3 5 37.5% 63 31 32 49.21% 14 3 144 4.5 21 42845
8 9 Сцяг Англіі Джо Пэры 13.08.1974 2008 Чвэрцьфінал (2012) 5 8 3 5 37.5% 61 33 28 54.1% 20 4 131 3.05 15.25 36865
9 11 Сцяг Англіі Рыкі Уолдэн 11.11.1982 2008 Перамога (2008) 6 14 9 5 64.29% 117 64 53 54.7% 36 6 139 3.25 19.5 87050
10 10 Сцяг Паўночнай Ірландыі Марк Ален 22.02.1986 2009 Фінал (2014) 6 12 6 6 50% 97 45 52 46.39% 29 2 115 3.34 48.5 66915
11 12 Сцяг Шатландыі Джон Хігінс 18.05.1975 2007 Перамога (2012) 7 19 13 6 68.42% 148 85 63 57.43% 49 8 147 3.02 18.5 123775
12 13 Сцяг Ганконга Марка Фу 08.01.1978 2007 Чвэрцьфінал (2008) 7 11 4 7 36.36% 87 44 43 50.57% 30 3 124 2.9 29 40645
13 14 Сцяг Уэльса Марк Уільямс 21.03.1975 2007 Фінал (2011) 7 20 13 7 65% 160 90 70 56.25% 42 6 132 3.81 26.67 81070
14 15 Сцяг Шатландыі Стывен Магуайр 13.03.1981 2007 Паўфінал (2008) 7 14 7 7 50% 108 54 54 50% 35 5 124 3.09 21.6 48200
15 16 Сцяг Уэльса Майкл Уайт 05.07.1991 2014 Чвэрцьфінал (2014) 1 4 3 1 75% 31 19 12 61.29% 17 2 128 1.82 15.5 20900
16 17 Сцяг Шатландыі Грэм Дот 12.05.1977 2007 Паўфінал (2007) 7 17 10 7 58.82% 129 65 64 50.39% 36 2 108 3.58 64.5 55640
17 19 Сцяг Англіі Марк Дэвіс 12.08.1972 2010 Чвэрцьфінал (2010, 2013) 4 8 4 4 50% 61 31 30 50.82% 17 4 122 3.59 15.25 33775
18 18 Сцяг Англіі Роберт Мілкінс 06.03.1976 2010 1/8 фіналу (2011, 2013) 5 9 4 5 44.44% 67 33 34 49.25% 15 1 109 4.47 67 33225
19 20 Сцяг Уэльса Раян Дэй 23.03.1980 2007 Фінал (2007) 8 22 14 8 63.64% 163 91 72 55.83% 68 10 135 2.4 16.3 67750
20 21 Сцяг Кітая Лян Вэньбо 05.03.1987 2008 Фінал (2009) 5 9 4 5 44.44% 70 31 39 44.29% 14 2 118 5 35 50175
23 22 Сцяг Англіі Майкл Холт 07.08.1978 2007 Паўфінал (2013) 5 12 7 5 58.33% 89 48 41 53.93% 23 4 115 3.87 22.25 47440
24 27 Сцяг Англіі Мартын Гоўлд 14.09.1981 2010 1/8 фіналу
(2010, 2011, 2013, 2014)
5 11 6 5 54.55% 90 46 44 51.11% 21 4 127 4.29 22.5 36475
25 26 Сцяг Шатландыі Алан Мак-Манус 21.01.1971 2014 Чвэрцьфінал (2014) 1 3 2 1 66.67% 20 11 9 55% 2 0 69 10 20425
27 28 Сцяг Англіі Мэцью Сэлт 07.03.1985 2009 1/16 фіналу (2009) 2 3 1 2 33.33% 20 10 10 50% 5 2 128 4 10 15090
29 30 Сцяг Англіі Пітэр Эбдан 27.08.1970 2007 1/8 фіналу (2010) 6 7 1 6 14,3% 55 21 34 38,2% 8 1 114 6,88 55 28065
30 32 Сцяг Уэльса Джэймі Джонс 14.02.1988 2012 1/16 фіналу (2012) 1 2 1 1 50% 14 7 7 50% 1 0 68 14 11200
43 43 Сцяг Бельгіі Лука Брэсэль 08.03.1995 2015 0 0 0 0 0 0 0 2750
44 44 Сцяг Англіі Майк Дан 20.11.1971 2007 1/16 фіналу (2013) 3 3 0 3 0% 20 5 15 25% 3 0 82 6.67 19200
53 54 Сцяг Англіі Кайрэн Уілсан 23.12.1991 2013 Чвэрцьфінал (2013) 1 3 2 1 66.67% 20 11 9 55% 5 1 133 4 20 11000
60 57 Сцяг Англіі Том Форд 17.08.1983 2008 1/16 фіналу (2008, 2012) 2 3 1 2 33.33% 27 13 14 48.15% 8 2 107 3.38 13.5 16250
84 86 Сцяг Англіі Дэвід Грэйс 05.05.1985 2013 1/16 фіналу (2013) 1 1 0 1 0% 5 0 5 0% 0 0 23 8300
94 93 Сцяг Англіі Джэймі Коўп 12.09.1985 2007 Паўфінал (2010) 6 12 6 6 50% 81 36 45 44.44% 15 3 147 5,4 27 42870
УК А[у 4] Сцяг Кітая Фан Сюнмань 09.04.1993 2013 Уайлдкард раўнд (2013) 1 1 0 1 0% 9 4 5 44,4% 2 1 109 4,5 9 0
УК А[у 4] Сцяг Кітая Ню Чжуан 2014 Уайлдкард раўнд (2014) 1 1 0 1 0% 6 1 5 16.67% 1 0 68 6 0
УК А[у 4] Сцяг Кітая Чэнь Цзыфань 2014 Уайлдкард раўнд (2014) 1 1 0 1 0% 8 3 5 37.5% 2 1 106 4 8 0
УК А[у 4] Сцяг Кітая Хань Бінь 2015 0 0 0 0 0 0 0 0
УК А[у 4] Сцяг Кітая Лінь Шуай 2013 1/16 фіналу (2013) 1 2 1 1 50% 16 7 9 43.75% 2 0 86 8 0
УК А[у 4] Сцяг Кітая Яа Пенчэн 2015 0 0 0 0 0 0 0 0
УК А[у 4] Сцяг Кітая Ван Юйчэнь 05.08.1997 2012 1/16 фіналу (2013) 2 3 1 2 33.33% 19 6 13 31.58% 1 0 76 19 0
УК А[у 4] Сцяг Кітая Юань Сыцзюнь 29.05.2000 2013 Уайлдкард раўнд (2013, 2014) 2 2 0 2 0% 12 2 10 16.67% 0 0 41 0
  1. 1,0 1,1 1,2 1,3 1,4 Лічацца толькі серыі, зробленыя ў асноўных стадыях турніру.
  2. Лічацца без уліку бонусных прызавых за найлепшы брэйк турніру.
  3. Сцюарт Бінэм быў дзеючым пераможцам, а таксама дзеючым чэмпіёнам свету.
  4. 4,0 4,1 4,2 4,3 4,4 4,5 4,6 4,7 Падчас турніру гулец з'яўляўся аматарам і не ўваходзіў у сусветны рэйтынг

Рэферы[правіць | правіць зыходнік]

Рэферы паўфінальнага матча Ян Верхаас.

Матчы асноўнай стадыі Шанхай Мастэрс 2015 абслугоўвалі 12 рэферы, з якіх 9 былі кітайскімі[3].

Рэферы Матчы, якія абслугоўваў
Сцяг Англіі Брэндан Мур Фінал, чвэрцьфінал, 1 матч 1/8 фіналу і 1 матч 1/16 фіналу
Сцяг Нідэрландаў Ян Верхаас Паўфінал, чвэрцьфінал, 1 матч 1/8 фіналу і 1 матч 1/16 фіналу
Сцяг Кітая Чжэн Вэйлі Паўфінал і 3 матчы 1/16 фіналу
Сцяг Кітая Чжан Сінь Чвэрцьфінал, 1 матч 1/8 фіналу, 1 матч 1/16 фіналу і 1 матч уайлдкард раўнда
Сцяг Аўстраліі Пэгі Лі Чвэрцьфінал, 2 матчы 1/16 фіналу і 1 матч уайлдкард раўнда
Сцяг Кітая Шы Цзялун 1 матч 1/8 фіналу, 1 матч 1/16 фіналу і 1 матч уайлдкард раўнда
Сцяг Кітая Тан Сюй 1 матч 1/8 фіналу, 1 матч 1/16 фіналу і 1 матч уайлдкард раўнда
Сцяг Кітая Лу Канмін 1 матч 1/8 фіналу, 1 матч 1/16 фіналу і 1 матч уайлдкард раўнда
Сцяг Кітая Ван Хайтаа 1 матч 1/8 фіналу і 1 матч 1/16 фіналу
Сцяг Кітая Шэн Чуню 1 матч 1/8 фіналу і 1 матч уайлдкард раўнда
Сцяг Кітая Чжан Вэйбо 1 матч 1/16 фіналу і 1 матч уайлдкард раўнда
Сцяг Кітая Ван Вэй 1 матч 1/16 фіналу і 1 матч уайлдкард раўнда

Ход турніру[правіць | правіць зыходнік]

Першы дзень (14 верасня)[правіць | правіць зыходнік]

Выбылі: Сцяг Кітая Ню Чжуан, Сцяг Шатландыі Грэм Дот (16), Сцяг Кітая Юань Сыцзюнь, Сцяг Уэльса Джэймі Джонс (30), Сцяг Кітая Чэнь Цзыфань, Сцяг Англіі Бары Хокінс (7), Сцяг Кітая Яа Пенчэн, Сцяг Кітая Лян Вэньбо (20)

«Я ўпершыню ўзяў у рукі кій, калі мне было 17 гадоў, і больш ці менш навучыўся гуляць толькі ў 18 ці 19. Людзі скажуць, што Дзін Цзюньхуэй да гэтага ўзросту ўжо выйграваў рэйтынгавыя турніры, і мне балюча чуць гэта. Я заўсёды сумняваўся ў сабе нават на вельмі простых ударах і чуў голас, які казаў: «Ты не можаш зрабіць гэтага». Я быў блізкі да краху».

«Аднойчы я кінуў снукер дзесьці на два месяцы, але не знайшоў нічога, чым бы я мог занімацца акрамя снукера. Я сапраўды адчуваў, што любоў да снукера па-ранейшаму ў маёй крыві. Тады я пераехаў і працягваў практыкавацца».

«На турнірах я, вядома, намагаюся гуляць з усіх сіл. Зараз я ўпэўнены ў сабе і думаю, што калі буду гуляць добра, то атрымаю перамогу. Існуе яшчэ шмат тэхнічных і псіхалагічных бакоў гульні, якія мне неабходна спасцігнуць. Спадзяюся, мае поспехі будуць больш паслядоўнымі, і я змагу рэалізаваць больш сваіх шанцаў».

14 верасня на шанхайскай гранд-сцэне пачаліся паядынкі асноўнай стадыі Шанхай Мастэрс 2015, якія гуляліся на працягу дзвюх сесій за чатырма сталамі адначасова. Першы дзень уключаў у сябе 5 матчаў уайлдкард раўнда і 3 матчы 1/16 фіналу. 44-ы сеяны Майк Дан гуляў супраць кітайскага аматара Ню Чжуана. 43-гадовы англічанін, які два разы саступаў у ўайлдкард раўндах Шанхай Мастэрс і толькі аднойчы дайшоў да 1/16 фіналу турніру[30], адкрыў лік у матчы, пасля чаго пакінуў за сабой тры партыі з брэйкамі ў 56, 65 і 120 балаў, а пасля перапынку скончыў матч перамогай на каляровых шарах у пятым фрэйме, не аддаўшы азіяту ніводнага ачка — 5:0[31]. Самы ўзроставы ўдзельнік спаборніцтва Пітэр Эбдан, якому ў канцы жніўня споўнілася 45 гадоў, сустракаўся з Юанем Сыцзюнем, які саступаў у ўайлдкард раўндах двух апошніх розыгрышаў шанхайскага турніру[32]. 30-ы нумар рэйтынгу дамінаваў у стартавай партыі, пасля чаго малады кітайскі снукерыст павёў з лікам 46:0 у пачатку другога фрэйма, але клірэнс у 85 балаў прынёс Эбдану другое ачко ў паядынку — 2:0. Дзякуючы серыі ў 61 бал у трэцяй партыі, Юань размачыў лік, але яго апанент набраў 41 ачко ў пачатку чацвёртага фрэйма і пазней давёў яго да перамогі, сышоўшы на перапынак з лікам 3:1 на сваю карысць. Аматар з Кітая выйграў пяты фрэйм з брэйкам у 60 балаў, скараціўшы адставанне да ліку 2:3, аднак прадстаўнік Англіі, які даходзіў да 1/8 фіналу турніру ў 2010 годзе[33], дамінаваў у шостай партыі, а таксама пакінуў за сабой сёмую на апошнім ружовым шары і выйшаў у 1/16 фіналу на Шона Мёрфі[відэа 1]. Джэймі Джонс з Уэльса, які займаў 32-е месца ў сусветным рэйтынгу[34], гуляў супраць Фана Сюнманя. Кітайскі гулец, які гуляў у ўайлдкард раўндзе Шанхай Мастэрс 2013 года, дзе саступіў Дэвіду Гілберту з лікам 4:5[8], выйграў стартавы фрэйм на каляровых шарах, пасля чаго 27-гадовы валіец зраўняў лік з серыяй у 48 балаў. Фан перамог у трэцяй партыі на апошнім чорным шары, пасля чаго выканаў соценны брэйк у 115 балаў і сышоў на перапынак з лікам 3:1 на сваю карысць. Джонс, які ў другі раз патрапіў у асноўную стадыю шанхайскага турніру[35], вёў з лікам 30:19 пры пяці каляровых шарах на стале ў доўгім пятым фрэйме, але дазволіў праціўніку сабраць усе каляровыя шары і выйграць партыю з лікам 44:30, пасля чаго Фан Сюнмань аформіў пераможную серыю ў 70 ачкоў у шостай партыі і давёў матч да перамогі з лікам 5:1[36], сенсацыйна выйшаўшы ў 1/16 фіналу. У першым матчы стадыі 1/16 фіналу, які праходзіў падчас дзённай сесіі першага гульнявога дня, сустракаліся 16-ы сеяны Грэм Дот з Шатландыі і 19-ы сеяны Раян Дэй з Уэльса. 35-гадовы валіец адкрыў лік у паядынку з пераможнай серыяй у 44 ачкі ў першым фрэйме, пасля чаго Дот, які дайшоў да паўфінальнай стадыі Шанхай Мастэрс у 2007 годзе[37], аформіў брэйк у 65 балаў у другой партыі і зраўняў лік. Раян дамінаваў у трэцім фрэйме, узяўшы яго з найвышэйшым падыходам у 44 ачкі, а 38-гадовы шатландскі снукерыст зрабіў пераможную серыю ў 58 ачкоў у чацвёртай партыі і зраўняў лік — 2:2. Пасля перапынку Дэй, які гуляў у фінале першага розыгрышу турніру ў 2007 годзе[20], пакінуў за сабой пяты фрэйм з серыяй у 52 ачкі, а яго апанент у трэці раз зраўняў лік, выйграўшы шостую партыю з брэйкам у 62 балы. Снукерыст з Уэльса дамінаваў у сёмым фрэйме і зноў выйшаў наперад у паядынку, пасля чаго выканаў серыю ў 68 балаў у восьмай партыі і з лікам 5:3 у сёмы раз у кар'еры і ў чацвёрты раз запар выйшаў у 1/8 фіналу Шанхай Мастэрс[20][відэа 2][38].

Падчас вячэрняй сесіі першага гульнявога дня былі згуляны яшчэ два матчы ўайлдкард раўнда і два матчы 1/16 фіналу. 18-ы сеяны Роберт Мілкінс гуляў супраць кітайца Чэня Цзыфаня, які ў папярэднім раўндзе турніру 2014 года саступіў свайму суайчынніку Лі Хану[9]. 39-гадовы англічанін выйграў першую партыю на каляровых шарах, пасля чаго падвоіў лік з падыходамі ў 23 і 24 ачкі ў другім фрэйме. Ён таксама дамінаваў у трэцяй партыі, пасля чаго пакінуў за сабой два апошнія фрэймы з брэйкамі ў 93 і 51 ачко і з лікам 5:0 выйшаў у 1/16 фіналу шанхайскага рэйтынгавага спаборніцтва[39]. У яшчэ адным паядынку папярэдняга раўнда з удзелам аматараў з Кітая сустракаліся 44-гадовы Алан Мак-Манус і дэбютант спаборніцтва Яа Пенчэн[40]. Азіят, які ўпершыню гуляў на рэйтынгавым турніры, пакінуў за сабой стартавы фрэйм, забіўшы апошнія ружовы і чорны шары пры ліку 40:48, пасля чаго ішоў наерадзе з лікам 32:4 у другой партыі, але шатландскі гулец выдрапаў ачко з серыямі ў 28 і 20 балаў, а таксама выйграў трэці фрэйм на каляровых шарах і чацвёрты з лепшым брэйкам у 45 ачкоў, сышоўшы на перапынак з перавагай 3:1. 26-ы нумар сусветнага рэйтынгу, які дайшоў да чвэрцьфінальнай стадыі Шанхай Мастэрс у 2014 годзе[41], выканаў серыю ў 100 балаў у пятай партыі, пасля чаго Яа дамінаваў у шостым фрэйме, скараціўшы адставанне да двух ачкоў, але другі сэнчуры-брэйк Мак-Мануса ў 122 балы прынёс яму перамогу ў паядынку з лікам 5:2[42] і выхад у 1/16 фіналу на іншага кітайскага снукерыста Дзіна Цзюньхуэя. У матчы 1/16 фіналу 7-ы сеяны Бары Хокінс гуляў супраць свайго суайчынніка Мартына Гоўлда, які займаў 27-ы нумар у сусветным снукерным рэйтынгу[34]. Гоўлд, якому ў гэты дзень спаўнялася 34 гады, упэўнена пачаў матч, зрабіўшы серыю ў 109 балаў у стартавай партыі, пасля чаго дамінаваў у другой, дазволіўшы апаненту набраць толькі 3 балы за два фрэймы. 36-гадовы Хокінс, які стаў пераможцам міні-рэйтынгавага адкрытага чэмпіянату Рыгі ў жніўні[43], ішоў наперадзе ў трэцяй партыі з лікам 34:0, але яго праціўнік выйграў фрэйм на каляровых шарах і з серыяй у 52 балы ў чацвёртай партыі зрабіў лік 4:0 на сваю карысць. Паўфіналіст Шанхай Мастэрс 2013 размачыў лік, выйграўшы доўгі пяты фрэйм, але Гоўлд, які чатыры разы даходзіў да 1/8 фіналу турніру[44], але ніколі не прабіваўся далей, пакінуў за сабой шосты фрэйм і з лікам 5:1 у пяты раз запар выйшаў у другі раўнд Шанхай Мастэрс[44][відэа 3][45]. У яшчэ адным матчы 1/16 фіналу 11-ы сеяны Джон Хігінс гуляў супраць 21-га нумара рэйтынгу[34] Ляна Вэньбо з Кітая. 40-гадовы Хігінс, які перамог у Шанхаі ў 2012 годзе[46], выйграў стартавую партыю з серыяй у 65 балаў, пасля чаго дамінаваў у другім фрэйме і пакінуў за сабой трэці, зрабіўшы лік 3:0 на сваю карысць. Шатландзец пачаў чацвёртую партыю з серыі ў 56 ачкоў, на што фіналіст Шанхай Мастэрс 2009 года адказаў падыходам у 46 балаў, але дазволіў апаненту атрымаць атаку і скончыць яшчэ адзін фрэйм перамогай з падыходам у 23 ачкі. 28-гадовы азіят, які дайшоў да фіналу чэмпіянату свету па снукеры з шасці чырвонымі шарамі за некалькі дзён да пачатку шанхайскага спаборніцтва[47], выйграў пяты фрэйм з трыма падыходамі ў 22 ачкі, а таксама зрабіў серыю ў 51 бал у шостай партыі, павёўшы ў ліку 59:24, але Джон Хігінс, які перамог на першым рэйтынгавым турніры сезона, адкрытым чэмпіянаце Аўстраліі[48], аформіў пераможны падыход у 47 балаў і з лікам 5:1 у сёмы раз выйшаў у 1/8 фіналу турніру ў Шанхаі[46][відэа 4][49][29][50].

Уайлдкард раўнд
Майк Дан (44)
Сцяг Англіі Англія
5:0 Ню Чжуан
Сцяг Кітая Кітай
81:32, 62:16 (56), 85:33 (65), 120:7 (120), 56:39[хт 1]
Пітэр Эбдан (29)
Сцяг Англіі Англія
5:2 Юань Сыцзюнь
Сцяг Кітая Кітай
68:14, 85:46 (85), 29:80 (61), 67-3, 39:82 (60), 73:0, 51:40
Джэймі Джонс (30)
Сцяг Уэльса Уэльс
1:5 Фан Сюнмань
Сцяг Кітая Кітай
37:66, 72:4, 48:61, 0:115 (115), 30:44, 27:90 (70)
Роберт Мілкінс (18)
Сцяг Англіі Англія
5:0 Чэнь Цзыфань
Сцяг Кітая Кітай
57:35, 67:28, 73:24, 98:5 (93), 64:1 (51)
Алан Мак-Манус (25)
Сцяг Шатландыі Шатландыя
5:2 Яа Пенчэн
Сцяг Кітая Кітай
48:53, 63:36, 52:36, 75:28, 100:0 (100), 11:75, 123:0 (122)
1/16 фіналу
Грэм Дот (16)
Сцяг Шатландыі Шатландыя
3:5 Раян Дэй (19)
Сцяг Уэльса Уэльс
22:78, 71:0 (65), 19:65, 72:7 (58), 0:66 (52), 82:19 (62), 22:66, 5:85 (68)
Бары Хокінс (7)
Сцяг Англіі Англія
1:5 Мартын Гоўлд (24)
Сцяг Англіі Англія
1:110 (109), 2:62, 51:65, 9:67 (52), 63:28, 26:68
Джон Хігінс (11)
Сцяг Шатландыі Шатландыя
5:1 Лян Вэньбо (20)
Сцяг Кітая Кітай
69:52 (65), 64:22, 84:57, 79:46 (56), 16:67, 75:59 (51 Вэньбо)

Другі дзень (15 верасня)[правіць | правіць зыходнік]

Выбылі: Сцяг Кітая Ван Юйчэнь, Сцяг Кітая Лінь Шуай, Сцяг Кітая Хань Бінь, Сцяг Кітая Фан Сюнмань, Сцяг Англіі Роберт Мілкінс (18), Сцяг Шатландыі Стывен Магуайр (14), Сцяг Шатландыі Алан Мак-Манус (25), Сцяг Ганконга Марка Фу (12)

Зняўся: Сцяг Англіі Рыкі Уолдэн (9)

15 верасня на Шанхай Мастэрс 2015 былі згуляны астатнія матчы ўайлдкард раўнда і працягваліся гульні 1/16 фіналу. 53-ці сеяны турніру Кайрэн Уілсан гуляў супраць кітайца Вана Юйчэня, які даходзіў да 1/16 фіналу Шанхай Мастэрс у 2013 годзе. 23-гадовы англічанін, які аднойчы ў кар'еры даходзіў да чвэрцьфінальнай стадыі рэйтынгавага турніру на Шанхай Мастэрс 2013, выйграў стартавы фрэйм з падыходам у 44 ачкі, пасля чаго дамінаваў у другой партыі, а таксама выйграў трэці і чацвёрты фрэймы з серыямі ў 70 і 65 балаў, зрабіўшы лік 4:0 да перапынку. 18-гадовы азіяцкі аматар здолеў выйграць ачко, пакінуўшы за сабой пяты фрэйм з серыяй у 47 балаў, а Уілсан перамог у шостай партыі з пераможным падыходам у 36 ачкоў і з лікам 5:1 выйшаў у 1/16 фіналу на Джо Пэры[відэа 5][51]. Былы 13-ы нумар рэйтынгу Джэймі Коўп, які не патрапіў у топ-64 па выніках сезона 2014/2015 і займаў толькі 93-ю пазіцыю падчас турніру, сустракаўся з Лінем Шуаем, які прайшоў у 1/16 фіналу шанхайскага турніру ў 2013 годзе. 30-гадовы Коўп дамінаваў у першым фрэйме, пасля чаго выйграў другую партыю з серыяй у 67 балаў, падвоіўшы сваю перавагу. Кітайскі гулец зрабіў серыю ў 40 ачкоў у трэцім фрэйме, павёўшы ў ліку 49:17, але яго апанент адказаў падыходам у 41 бал, скончыўшы партыю перамогай на каляровых шарах і зрабіўшы лік 3:0 на сваю карысць. Лінь дамінаваў у чацвёртым фрэйме, а таксама выйграў пятую партыю з вышэйшай серыяй у 42 ачкі, скараціўшы адставанне да адной партыі, аднак Коўп, які два разы даходзіў да фіналаў рэйтынгавых спаборніцтваў, дамінаваў у наступных фрэймах і з брэйкамі ў 49 і 54 ачкі ў сёмай партыі зрабіў лік 5:2[52] і выйшаў у 1/16 фіналу турніру на Ніла Робертсана. 57-ы нумар рэйтынгу Том Форд гуляў супраць пераможцы Аматарскага Мастэрс Ханя Біня, які ўпешыню выступаў на прафесійным снукерным спаборніцтве. Кітайскі снукерыст дамінаваў у першай партыі і павялічыў свой адрыў да двух ачкоў, пакінуўшы за сабой другі фрэйм з серыяй у 63 ачкі. Ён таксама ішоў наперадзе ў трэцяй партыі з лікам 52:4, аднак 32-гадовы англічанін здолеў выдрапаць фрэйм з падыходамі ў 24 і 33 балы, пасля чаго цалкам дамінаваў у наступных партыях, выйграўшы чацвёрты, пяты і шосты фрэймы з брэйкамі ў 74, 62 і 56 ачкоў і дазволіўшы апаненту набраць у іх толькі 8 балаў, а таксама выйграў пятую запар партыю і з лікам 5:2 у трэці раз выйшаў у 1/16 фіналу Шанхай Мастэрс[53]. У гэты ж час леташні пераможца турніру і чэмпіён свету Сцюарт Бінэм гуляў матч 1/16 фіналу супраць Фана Сюнманя, які сенсацыйна перайграў Джэймі Джонса ў уайлдкард раўндзе і ўпершыню патрапіў у 1/16 фіналу рэйтынгавага турніру. Другі нумар сусветнага рэйтынгу дамінаваў у першым фрэйме, а яго апанент ішоў наперадзе ў другой партыі з лікам 55:18, але англічанін выдрапаў яшчэ адно ачко на апошнім чорным шары, пасля чаго выйграў трэці фрэйм з пераможным брэйкам у 65 балаў, зраіўшы лік 3:0 на сваю карысць. Фан пакінуў за сабой чацвёртую партыю з вышэйшым падыходам у 41 ачко, але Бінэм выканаў брэйк у 97 балаў пасля перапынку і аднавіў перавагу ў тры фрэймы — 4:1. Кітайскі аматар аформіў сэнчуры-брэйк у 104 ачкі ў наступнай партыі, аднак 39-гадовы Сцюарт Бінэм выйграў сёмы фрэйм з серыяй у 49 балаў і з лікам 5:2 у рэкордны восьмы раз выйшаў у 1/8 фіналу шанхайскага спаборніцтва[відэа 6][54].

У вячэрняй сесіі другога гульнявога дня на арэне былі згуляны яшчэ чатыры матчы 1/16 фіналу спаборніцтва. 6-ы сеяны Джад Трамп гуляў супраць 39-гадовага Роберта Мілкінса, які два разы даходзіў да стадыі 1/8 фіналу Шанхай Мастэрс, але не праходзіў далей. 18-ы нумар рэйтынгу пачаў атаку ў стартавым фрэйме, але спыніўся на 33 ачках, пасля чаго яго 26-гадовы апанент пакінуў за сабой партыю з брэйкам у 53 балы, а таксама выйграў яшчэ тры фрэймы да перапынку з серыямі ў 74, 122 і 62 ачкі, дазволіўшы Мілкінсу набраць у іх толькі адзін бал і зрабіўшы лік 4:0. Роберт меў шанцы ў пятым фрэйме, але памыляўся, у выніку чаго фіналіст Шанхай Мастэрс 2012 года ўзяў верх у яшчэ адной партыі некалькімі выніковымі падыходамі і ўсяго за гадзіну гульнявога часу аформіў перамогу над праціўнікам з лікам 5:0[відэа 7][55] і ў другі раз выйшаў у 1/8 фіналу шанхайскага турніру. За суседнім сталом пуцёўку ў 1/8 фіналу разыгрывалі 15-ы нумар рэйтынгу Стывен Магуайр з Шатландыі і 37-гадовы Майкл Холт, які дайшоў да паўфіналу турніру ў 2013 годзе. Стывен, які дайшоў да паўфіналу Шанхай Мастэрс 2008 года, узяў першы фрэйм з серыяй у 49 балаў, а яго апанент выдатна правёў дзве наступныя партыі, пакінуўшы іх за сабой з брэйкамі ў 101 і 91 бал і выйшаўшы наперад з лікам 2:1. Англічанін таксама выйграў доўгі чацвёрты фрэйм і дамінаваў у пятай партыі, а выйграўшы шосты фрэйм з серыяй у 68 балаў, зрабіў лік 5:1[56] і выйшаў у 1/8 фіналу шанхайскага турніру ў чацвёрты раз у кар'еры і ў трэці раз запар. 3-ці сеяны спаборніцтва Дзін Цзюньхуэй з Кітая сустракаўся з леташнім чвэрцьфіналістам Аланам Мак-Манусам з Шатландыі. Пераможца розыгрышу 2013 года дамінаваў у стартавай партыі, пасля чаго 44-гадовы снукерыст перамог у другой партыі на каляровых шарах, зраўняўшы лік, а таксама ішоў наперадзе ў трэцім фрэйме з лікам 45:0, аднак кітаец выдрапаў яшчэ адно ачко трыма выніковымі падыходамі і выйшаў наперад у паядынку з лікам 2:1. Пасля гэтага 28-гадовы азіят цалкам дамінаваў у паядынку і з брэйкамі ў 66, 104 і 74 балы выйграў тры апошнія партыі і, перамогшы шатландца з лікам 5:1, выйшаў у 1/8 фіналу Шанхай Мастэрс у шосты раз у кар'еры і ў трэці раз запар[відэа 8][57]. У яшчэ адным матчы вячэрняй сесіі сустракаліся 12-ы сеяны спаборніцтва Марка Фу з Ганконга і 43-гадовы англічанін Майк Дан. 44-ы нумар рэйтынгу, які толькі ў другі раз гуляў у 1/16 фіналу Шанхай Мастэрс, дамінаваў у першым фрэйме, але 37-гадовы азіят атрымаў перамогу ў напружанай другой партыі на каляровых шарах і ў трэцім фрэйме адказаў на серыю ў 54 ачкі апанента брэйкам у 76 балаў, выйшаўшы наперад з лікам 2:1. Майк Дан узяў верх у чацвёртай партыі на каляровых шарах і з пераможнай серыяй у 68 балаў у пятым фрэйме зрабіў лік 3:2 на сваю карысць. У шостай партыі Марка Фу, які дайшоў да чвэрцьфіналу шанхайскага турніру ў 2008 годзе, зрабіў серыю ў 50 балаў і ішоў наперадзе з лікам 66:0, на што яго праціўнік адказаў падыходам у 60 ачкоў, пакінуўшы на стале апошні чорны шар, які дастаўся снукерысту з Ганконга, а лік стаў 3:3. Пасля гэтага Дан выйграў сёмы фрэйм з лепшым падыходам у 40 ачкоў і восьмую партыю з пераможным брэйкам у 53 балы, зрабіўшы лік 5:3 і ўпершыню выйшаўшы ў 1/8 фіналу спаборніцтва ў Шанхаі[58][59][60][50].

Дзявяты сеяны турніру Рыкі Уолдэн, які стаў пераможцам Шанхай Мастэрс 2008 года, зняўся з турніру ў сувязі з нараджэннем яго першага дзіцяці ў панядзелак. Яшчэ ў жніўні Уолдэн казаў у інтэрв'ю, што можа прапусціць турнір у Шанхаі, калі дзіця, нараджэнне якога планавалася 3 верасня, з'явіцца на свет пазней. Уолдэн павінен быў гуляць свой матч першага раўнда супраць Мэцью Сэлта ў сераду. Такім чынам, 27-ы сеяны турніру Сэлт аўтаматчына прайшоў у 1/8 фіналу[61][62].

Уайлдкард раўнд
Кайрэн Уілсан (53)
Сцяг Англіі Англія
5:1 Ван Юйчэнь
Сцяг Кітая Кітай
66:37, 63:18, 70:0 (70), 104:0 (65), 14:79, 55:20
Джэймі Коўп (94)
Сцяг Англіі Англія
5:2 Лінь Шуай
Сцяг Кітая Кітай
66:10, 107:6 (67), 58:49, 6:80, 48:73, 64:3, 108:24 (54)
Том Форд (60)
Сцяг Англіі Англія
5:2 Хань Бінь
Сцяг Кітая Кітай
19:55, 0:80 (63), 67:52, 98:4 (74), 128:0 (62), 61:4 (56), 58:27
1/16 фіналу
Сцюарт Бінэм (1)
Сцяг Англіі Англія
5:2 Фан Сюнмань
Сцяг Кітая Кітай
62:23, 63:55, 91:7 (65), 11:74, 98:0 (97), 12:113 (104), 87:9
Джад Трамп (6)
Сцяг Англіі Англія
5:0 Роберт Мілкінс (18)
Сцяг Англіі Англія
86:33 (53), 81:0 (74), 122:1 (122), 78:0 (62), 69:20
Стывен Магуайр (14)
Сцяг Шатландыі Шатландыя
1:5 Майкл Холт (23)
Сцяг Англіі Англія
75:14, 6:101 (101), 0:91 (91), 17:48, 2:57, 26:72 (68)
Дзін Цзюньхуэй (3)
Сцяг Кітая Кітай
5:1 Алан Мак-Манус (25)
Сцяг Шатландыі Шатландыя
68:38, 54:71, 85:45, 88:10 (66), 104:0 (104), 74:0 (74)
Марка Фу (12)
Сцяг Ганконга Ганконг
3:5 Майк Дан (44)
Сцяг Англіі Англія
37:65, 66:58, 76:54 (54 Дан, 76), 48:59, 15:73 (68), 73:60 (50 Фу, 60 Дан), 20:72, 33:72 (53)

Трэці дзень (16 верасня)[правіць | правіць зыходнік]

Выбылі: Сцяг Англіі Том Форд (60), Сцяг Бельгіі Лука Брэсэль (43), Сцяг Аўстраліі Ніл Робертсан (4), Сцяг Уэльса Майкл Уайт (15), Сцяг Англіі Джо Пэры (8), Сцяг Англіі Пітэр Эбдан (29)

Зняўся: Сцяг Англіі Марк Сэлбі (2)

Яшчэ да пачатку гульняў трэцяга гульнявога дня стала вядома, што лідар сусветнага рэйтынгу Марк Сэлбі быў вымушаны зняцца з турніру ў сувязі з стратай у сям'і і ў гэты ж дзень вылецеў у Вялікабрытанію. У першым раўндзе Марк быў павінен гуляць супраць 84-га сеянага Дэвіда Грэйса. Такім чынам, Грэйс, які ніколі не праходзіў далей за 1/16 фіналу рэйтынгавага турніру, аўтаматычна атрымаў месца ў другім раўндзе Шанхай Мастэрс 2015 года[63].

16 верасня на Шанхайскай гранд-сцэне былі згуляны 6 астатніх матчаў 1/16 фіналу спаборніцтва. У першай сесіі Марк Уільямс з Уэльса, які займаў 14-е месца ў рэйтынгу[34], гуляў супраць 32-гадовага Тома Форда. Фіналіст Шанхай Мастэрс 2011 года, які ў ліпені перанёс аперацыю на плячы, выйграў стартавы фрэйм з серыяй у 44 ачкі, пасля чаго выканаў сэнчуры-брэйк у 128 балаў у другой партыі і падвоіў сваю перавагу. 40-гадовы валіец дамінаваў і ў трэцім фрэйме і аформіў яшчэ адну сотню ў 108 балаў у чацвёртай партыі, зрабіўшы лік 4:0 і дазволіўшы апаненту набраць толькі 30 ачкоў у чатырох фрэймах. Дзякуючы серыі ў 41 бал у пятым фрэйме, 60-ы сеяны Форд, які ніколі не праходзіў далей за 1/16 фіналу на Шанхай Мастэрс[64], размачыў лік, але Уільямс пакінуў за сабой шостую партыю з брэйкам у 59 балаў і скончыў матч з лікам 5:1 на сваю карысць[відэа 9][65], у сёмы раз у кар'еры выйшаўшы ў 1/8 фіналу шанхайскага турніру[66]. Леташні фіналіст Шанхай Мастэрс Марк Ален з Паўночнай Ірландыі сустракаўся з дэбютантам турніру Луком Брэсэлем. 29-гадовы Ален, які займаў 10-ю пазіцыю ў рэйтынгу[34], выдатна пачаў паядынак, выйграўшы тры партыі з брэйкамі ў 79, 101 і 64 ачкі і дазволіўшы свайму апаненту набраць у іх толькі 25 балаў. 20-гадовы бельгіец размачыў лік, выканаўшы найвышэйшую серыю на турніры ў 140 ачкоў, пасля чаго быў мацней за апанента ў пятай партыі і выйграў шосты фрэйм з серыяй у 49 балаў, пакінуўшы за сабой трэцюю партыю запар і зраўняўшы лік у матчы — 3:3. Снукерыст з Паўночнай Ірландыі ішоў наперадзе з лікам 47:15 у сёмым фрэйме, пасля чаго бельгійскі снукерыст зрабіў лік 53:47 на сваю карысць пры чатырох шарах на стале, аднак Ален забіў руды, сіні і ружовы шары, вярнуўшы перавагу ў матчы, а таксама дамінаваў у восьмай партыі і з лікам 5:3 у чацвёрты раз выйшаў у 1/8 фіналу Шанхай Мастэрс[67][68]. 4-ы нумар рэйтынгу Ніл Робертсан з Аўстраліі сустракаўся з паўфіналістам розыгрышу 2010 года[28] Джэймі Коўпам. 30-гадовы англічанін, які страціў форму ў апошніх сезонах і займаў толькі 93-ю пазіцыю ў сусветным рэйтынгу[34], дамінаваў у стартавай партыі і падвоіў лік у матчы, выйграўшы другі фрэйм з серыяй у 61 бал. 33-гадовы аўстраліец, які перайграў Коўпа ў фінале Гран-пры 2006 года[69], зрабіў лік 60:0 у трэцяй партыі, аднак яго праціўнік скараціў адставанне да ліку 26:60 і выканаў клірэнс у 36 балаў, пакінуўшы за сабой яшчэ адзін фрэйм і зрабіўшы лік 3:0 на сваю карысць. Робертсан, які дайшоў да паўфіналу Шанхай Мастэрс у 2011 годзе[16], пачаў чацвёрты фрэйм з атакі ў 35 балаў, пасля чаго яго апанент зноў перахапіў ініцыятыву і выйшаў наперад з лікам 66:35 з серыяй у 57 ачкоў, аднак дазволіў пачаць брэйк аўстралійскаму гульцу, які выканаў клірэнс у 33 балы і здолеў выйграць першае ачко да перапынку. Пры ліку 1:3 чэмпіён свету 2010 года цалкам узяў паядынак у свае рукі і ўзяў пяты фрэйм з серыяй у 65 балаў, а таксама выйграў шостую і сёмую партыі, дазволіўшы апаненту набраць толькі 1 ачко ў трох фрэймах і выйшаўшы наперад з лікам 4:3. Пасля гэтага Джэймі здолеў вярнуцца ў гульню і пакінуў за сабой восьмы фрэйм з лепшым падыходам у 36 ачкоў і дзявятую партыю з серыямі ў 39 і 56 балаў і з лікам 5:4 у шосты раз выйшаў у 1/8 фіналу шанхайскага спаборніцтва[70][відэа 10][71][72].

Падчас вячэрняй сесіі да стала выйшлі 16-ы нумар рэйтынгу[34] Майкл Уайт з Уэльса і 43-гадовы Марк Дэвіс. Англічанін, які двойчы даходзіў да чвэрцьфіналаў Шанхай Мастэрс[73], узяў першую партыю з падыходамі ў 31 і 39 балаў, а таксама ішоў наперадзе ў другім фрэйме з лікам 47:0, аднак 24-гадовы Уайт здолеў выдрапаць ачко на апошнім чорным шары. Дэвіс выйграў трэцюю партыю з пераможным брэйкам у 73 балы, зноў выйшаўшы наперад у паядынку, пасля чаго цалкам дамінаваў у матчы, дазволіўшы праціўніку набраць толькі адно ачко ў трох наступных фрэймах і пакінуўшы іх за сабой з серыямі ў 61, 46 і 126 балаў. Такім чынам, Марк Дэвіс, які займаў 19-е месца ў сусветным рэйтынгу[34], скончыў матч перамогай з лікам 5:1[відэа 11][74] і ў трэці раз у кар'еры выйшаў у 1/8 фіналу Шанхай Мастэрс[73]. 8-ы сеяны спаборніцтва Джо Пэры сустракаўся з сваім суайчыннікам 23-гадовым Кайрэнам Уілсанам. Чвэрцьфіналіст шанхайскага турніру 2012 года выйграў стартавы фрэйм з пераможнай серыяй у 49 ачкоў, а 54-ы нумар рэйтынгу зраўняў лік, пакінуўшы за сабой другую партыю з брэйкам у 56 балаў. 41-гадовы Пэры, які ў сакавіку 2015 года выйграў свой першы рэйтынгавы тытул і падняўся на найвышэйшую для сябе пазіцыю ў рэйтынгу[75], зноў выйшаў наперад, узяўшы верх у трэцім фрэйме з серыяй у 66 ачкоў, а яго апанент, для якога чвэрцьфінальная стадыя Шанхай Мастэрс 2013 года ўсё яшчэ была найлепшым дасягненнем на рэйтынгавым узроўні[76], дамінаваў у чацвёртым і пятым фрэймах, пасля чаго выйграў шостую партыю з серыяй у 55 ачкоў, зрабіўшы лік 4:2 на сваю карысць. У сёмым фрэйме Джо зрабіў падыход у 49 ачкоў, павёўшы ў ліку 59:0, але яго малады праціўнік выканаў два выніковыя падыходы ў 35 і 30 балаў, выйграўшы партыю на каляровых шарах і скончыўшы паядынак з лікам 5:2 на сваю карысць[77], і ў другі раз выйшаў у 1/8 фіналу Шанхай Мастэрс[78]. 5-ы нумар пасеву Шон Мёрфі гуляў супраць 45-гадовага Пітэра Эбдана, які толькі аднойчы, у 2010 годзе, даходзіў да 1/8 фіналу шанхайскага турніру[33]. 30-ы нумар рэйтынгу адкрыў лік з серыяй у 60 ачкоў у першым фрэйме, пасля чаго аформіў сэнчуры-брэйк у 134 балы ў другой партыі, падвоіўшы лік. Чэмпіён свету 2002 года дамінаваў і ў трэцяй партыі і выканаў серыю ў 55 ачкоў у чацвёртым фрэйме, аднак 33-гадовы Мёрфі выйграў партыю на апошнім чорным шары, размачыўшы лік да перапынку — 1:3. Эбдан пачаў наступны фрэйм з падыхода ў 37 балаў, а яго апанент, які два разы даходзіў да паўфінальнай стадыі Шанхай Мастэрс[17], адказаў серыяй у 45 ачкоў, пасля чаго самы ўзроставы ўдзельнік спаборніцтва пакінуў за сабой партыю на каляровых шарах, павялічыўшы адрыў да трох балаў. Шон, які дайшоў да фіналу Пол Хантэр Класік за два тыдні да турніру[79], выйграў шосты фрэйм з брэйкам у 74 ачкі і сёмую партыю з падыходамі ў 42 і 67 балаў, дазволіўшы праціўніку набраць у іх толькі адно ачко. У восьмай партыі Пітэр ішоў наперадзе з лікам 34:25, але, дзякуючы пераможнай серыі ў 47 ачкоў, дзеючы фіналіст чэмпіянату свету зраўняў лік і перавёў паядынак у вырашальную партыю. Шон Мёрфі атрымаў шанец у дзявятым фрэйме і выканаў брэйк у 81 бал, скончыўшы выдатны камбэк перамогай у чацвёртым фрэйме запар і ў матчы з лікам 5:4[відэа 12][80] і ў сёмы раз запар выйшаўшы ў 1/8 фіналу Шанхай Мастэрс[17][81][50].

1/16 фіналу
Марк Уільямс (13)
Сцяг Уэльса Уэльс
5:1 Том Форд (60)
Сцяг Англіі Англія
64:22, 128:7 (128), 80:1, 108:0 (108), 25:64, 68:8 (59)
Марк Ален (10)
Сцяг Паўночнай Ірландыі Паўночная Ірландыя
5:3 Лука Брэсэль (43)
Сцяг Бельгіі Бельгія
79:19 (79), 101:0 (101), 92:6 (64), 0:140 (140), 44:74, 0:90, 62:53, 68:28
Ніл Робертсан (4)
Сцяг Аўстраліі Аўстралія
4:5 Джэймі Коўп (94)
Сцяг Англіі Англія
8:61, 33:81 (61), 60:62, 68:66 (57 Коўп), 99:1 (65), 81:0, 94:0, 13:52, 0:95 (56)
Майкл Уайт (15)
Сцяг Уэльса Уэльс
1:5 Марк Дэвіс (17)
Сцяг Англіі Англія
1:70, 62:49, 25:94 (73), 0:88 (61), 1:71, 0:126 (126)
Джо Пэры (8)
Сцяг Англіі Англія
2:5 Кайрэн Уілсан (53)
Сцяг Англіі Англія
63:9, 0:77 (56), 67:1 (66), 8:67, 8:63, 38:76 (55), 59:69
Шон Мёрфі (5)
Сцяг Англіі Англія
5:4 Пітэр Эбдан (29)
Сцяг Англіі Англія
52:82 (60), 0:134 (134), 30:61, 66:55 (55 Эбдан), 63:72, 89:1 (74), 117:0 (67), 72:34, 81:0 (81)

Чацвёрты дзень (17 верасня)[правіць | правіць зыходнік]

Выбылі: Сцяг Англіі Майк Дан (44), Сцяг Англіі Джэймі Коўп (94), Сцяг Англіі Майкл Холт (23), Сцяг Англіі Шон Мёрфі (5), Сцяг Шатландыі Джон Хігінс (11), Сцяг Англіі Дэвід Грэйс (84), Сцяг Англіі Мэцью Сэлт (27), Сцяг Уэльса Раян Дэй (19)

17 верасня на Шанхай Мастэрс праходзілі матчы другога раўнда плэй-оф, 1/8 фіналу, і разыгрываліся пуцёўкі ў чвэрцьфіналы. Чэмпіён свету Сцюарт Бінэм сустракаўся з 44-м сеяным Майкам Данам. Бінэм пакінуў за сабой першы фрэйм з падыходамі ў 44 і 46 балаў, пасля чаго падвоіў лік з серыяй у 47 ачкоў у другой партыі. Другі нумар сусветнага рэйтынгу, які перамог у фінальным матчы Шанхай Мастэрс 2014 года Марка Алена з лікам 10:3[82], выканаў сэнчуры-брэйк у 103 ачкі ў трэцім фрэйме, павялічыўшы адрыў да трох партый, а яго 43-гадовы апанент зрабіў серыю ў 42 балы ў наступным фрэйме і выйграў яго на апошнім ружовым шары. Пасля перапынку Сцюарт дамінаваў у наступных партыях, дазволіўшы Дану набраць у іх толькі тры балы, і з лікам 5:1 у чацвёрты раз выйшаў у 1/4 фіналу Шанхай Мастэрс[18][відэа 13][83]. 13-ы сеяны Марк Уільямс з Уэльса гуляў супраць Джэймі Коўпа, які сенсацыйна перайграў Ніла Робертсана ў першым раўндзе. Валійскі снукерыст дамінаваў у пачатку паядынку, узяўшы першыя тры фрэймы з брэйкамі ў 57, 53 і 41 бал і зрабіўшы лік 3:0, а яго праціўнік, які не праходзіў у чвэрцьфіналы рэйтынгавых турніраў з 2010 года[84], калі ў паўфінале Шанхай Мастэрс ён саступіў Джэймі Бёрнэту з лікам 1:6[85], увайшоў у гульню, пакінуўшы за сабой дзве наступныя партыі з серыямі ў 85 і 63 балы, скараціўшы адставанне да аднаго ачка — 2:3. Двухразовы чэмпіён свету аформіў серыю ў 44 ачкі ў пачатку шостага фрэйма, пасля чаго давёў яго да перамогі, а таксама выканаў падыход у 61 бал у сёмай партыі, але пры ліку 8:61 яго 30-гадовы апанент здзейсніў выдатны клірэнс у 61 ачко і зноў скараціў адставанне да ліку 3:4. У восьмым фрэйме Уільямс ішоў наперадзе з лікам 46:18, але Джэймі зраўняў лік, набраўшы 27 балаў фаламі праціўніка, пасля чаго снукерыст з Уэльса больш паспяхова гуляў у канцоўцы партыі і выйграў фрэйм на каляровых шарах, зрабіўшы лік 5:3 і ў чацвёрты раз выйшаў у чвэрцьфінальную стадыю шанхайскага турніру[66][відэа 14][86]. 22-гі нумар рэйтынгу[34] Майкл Холт гуляў супраць 23-гадовага суайчынніка Кайрэна Уілсана. У чвэрцьфінале Шанхай Мастэрс 2013 года Холт перайграў апанента, які ўпершыню выйшаў у стадыю 1/4 фіналу рэйтынгавага турніру, з лікам 5:1[8], такім чынам упершыню выйшаўшы ў рэйтынгавы паўфінал[87]. Кайрэн, які ў трэці раз у кар'еры дайшоў да 1/8 фіналу на рэйтынгавым спаборніцтве[76], выканаў выдатны брэйк у 123 ачкі ў стартавай партыі, пасля чаго пакінуў за сабой другі фрэйм з серыяй у 48 пунктаў, а ў трэцяй партыі саступаў з лікам 10:36, але, дзякуючы брэйку ў 52 балы, атрымаў яшчэ адно ачко і зрабіў лік 3:0 на сваю карысць. 37-гадовы Холт дамінаваў у чацвёртым фрэйме, але яго праціўнік выйграў пятую партыю з пераможным падыходам у 64 ачкі і шостую на каляровых шарах, скончыўшы паядынак з лікам 5:1[88]. Такім чынам, Кайрэн Уілсан узяў рэванш за паразу двухгадовай даўніны і ў другі раз у сваёй кар'еры выйшаў у чвэрцьфінал Шанхай Мастэрс[78] і рэйтынгавых турніраў[76]. Фіналіст чэмпіянату свету Шон Мёрфі сустракаўся з 17-м сеяным спаборніцтва Маркам Дэвісам. Шон узяў першы фрэйм з пераможнай серыяй у 49 балаў, а яго апанент дамінаваў у другой партыі, зраўняўшы лік, пасля чаго чэмпіён свету 2005 года аформіў соценную серыю ў 107 ачкоў у трэцім фрэйме і зноў выйшаў наперад. Мёрфі ішоў наперадзе ў чацвёртай партыі з лікам 36:0, а яго 43-гадовы праціўнік павёў атаку і набраў 57 балаў, пакінуўшы на стале ўсе каляровыя шары, пасля чаго Шон скарыстаўся сваім шанцам і здзейсніў клірэнс, выйграўшы фрэйм на апошнім чорным шары і зрабіўшы лік 3:1 на сваю карысць да перапынку. Пасля гэтага Марк, які перайграў апанента ў фінале чэмпіянату свету па снукеры з шасцю чырвонымі шарамі 2012 года з лікам 8:4[89], дамінаваў каля стала і выйграў пятую і шостую партыі з серыямі ў 70 і 64 балы, зраўняўшы лік у паядынку. Шон Мёрфі, які займаў шостае месца ў рэйтынгу[34], але меў магчымасць абысці Роні О'Салівана, заняўшы пятую пазіцыю, дапускаў шмат памылак і вёў 22:0 у сёмым фрэйме, але яго апанент выйграў партыю некалькімі выніковымі падыходамі і з брэйкам у 58 ачкоў пакінуў за сабой восьмы фрэйм, узяўшы чатыры партыі запар і давёўшы матч да перамогі з лікам 5:3. Такім чынам, Марк Дэвіс у трэці раз у кар'еры выйшаў у 1/4 фіналу шанхайскага рэйтынгавага турніру[73][90][91].

Падчас вячэрняй сесіі былі згуляны яшчэ чатыры паядынкі другога раўнда плэй-оф Шанхай Мастэрс 2015. Шатландзец Джон Хігінс гуляў супраць Мартына Гоўлда, які займаў 27-ы нумар у сусветным снукерным рэйтынгу[34]. Чатырохразовы чэмпіён свету, які перамог Гоўлда ў напружаным фінальным матчы першага рэйтынгавага турніру сезона, адкрытага чэмпіянату Аўстраліі, з лікам 9:8[48], павёў атаку ў стартавым фрэйме, але спыніўся на 48 ачках, дазволіўшы апаненту адказаць брэйкам у 44 балы і выйграць партыю на каляровых шарах. У пачатку другога фрэйма 40-гадовы Хігінс зноў павёў серыю і зноў набраў толькі 48 балаў, а Мартын Гоўлд, які ніколі не праходзіў далей за 1/8 фіналу Шанхай Мастэрс[44], здзейсніў клірэнс у 71 ачко і зрабіў лік 2:0 на сваю карысць. Гулец з Шатландыі зрабіў серыю ў 52 балы ў трэцяй партыі, а яго апанент зноў павёў контратаку і набраў 50 ачкоў, але дазволіў Джону забіць апошнія ружовы і чорны шары і скараціць адставанне да аднаго фрэйма, аднак англічанін пакінуў за сабой чацвёртую партыю з серыяй у 92 балы, зрабіўшы лік 3:1 на сваю карысць да перапынку. Пераможца Шанхай Мастэрс 2012 года выйграў пяты фрэйм з падыходамі ў 40 і 43 балы, а таксама дамінаваў у шостай партыі і зрабіў лік роўным, але 34-гадовы Гоўлд, які да гэтага 6 разоў праходзіў далей за 1/8 фіналу на рэйтынгавых спаборніцтвах[92], зрабіў серыю ў 77 ачкоў у сёмым фрэйме і ішоў наперадзе з лікам 55:1 у восьмым, аднак Хігінс зрабіў спробу адыграцца і выканаў брэйк у 52 балы, пасля чаго дазволіў Мартыну забіць неабходныя для перамогі зялёны, руды і сіні шары і, выйграўшы матч з лікам 5:3, упершыню выйсці ў чвэрцьфінал Шанхай Мастэрс[44][93]. Марк Ален з Паўночнай Ірландыі сустракаўся з Дэвідам Грэйсам, які ўпершыню выступаў у 1/8 фіналу рэйтынгавага турніру[94]. Леташні фіналіст Шанхай Мастэрс пакінуў за сабой доўгі першы фрэйм на каляровых шарах, пасля чаго цалкам дамінаваў у дзвюх наступных партыях, выйграўшы іх з брэйкамі ў 61 і 40 ачкоў. 30-гадовы Грэйс, які займаў 86-ю пазіцыю ў рэйтынгу[34], размачыў лік, узяўшы чацвёрты фрэйм з серыяй у 77 балаў, а таксама ішоў наперадзе ў пятай партыі з лікам 51:7, але яго апанент выдрапаў фрэйм з дапамогай клірэнса ў 45 балаў і выканаў брэйк у 84 ачкі ў шостай партыі, скончыўшы матч з лікам 5:1 і ў другі раз выйшаў у чвэрцьфінальную стадыю шанхайскага першынства[67][відэа 15][95]. Фіналіст розыгрышу 2012 года Джад Трамп гуляў супраць 27-га сеянага Мэцью Сэлта, які ўпершыню выйшаў у 1/8 фіналу Шанхай Мастэрс[96] у сувязі з адмовай ад удзелу Рыкі Уолдэна. 30-гадовы Сэлт адкрыў лік, выйграўшы стартавую партыю з серыяй у 52 ачкі, пасля чаго павёў у другім фрэйме з лікам 41:0, але дазволіў Трампу выканаць брэйк у 82 балы і зрабіць лік 1:1. Былы лідар сусветнага рэйтынгу пакінуў за сабой трэцюю партыю з соценнай серыяй у 104 ачкі, а таксама дамінаваў у чацвёртым фрэйме, павялічыўшы свой адрыў да ліку 3:1, аднак Сэлт, які чатыры разы даходзіў да рэйтынгавых чвэрцьфіналаў[97], выйграў пятую партыю з брэйкам у 93 балы. 26-гадовы Джад, які толькі ў другі раз прайшоў далей за 1/16 фіналу Шанхай Мастэрс[98], выканаў пераможную серыю ў 58 балаў пры ліку 7:35 у шостым фрэйме, але яго апанент пакінуў за сабой сёмы фрэйм з брэйкам у 71 ачко, пасля чаго ішоў наперадзе ў наступнай партыі з лікам 59:0 і дазволіў праціўніку скараціць адставанне да ліку 44:59, аднак здолеў перамагчы на каляровых шарах і, зраўняўшы лік, перавесці вырашэнне пераможцы ў дзявятую партыю. У вырашальным фрэйме Джад Трамп, які дайшоў да паўфінальнай стадыі чэмпіянату свету 2015[99], саступаў з лікам 14:48 пры двух чырвоных шарах на стале, але здолеў зачысціць стол серыяй у 41 бал і здабыць перамогу ў паядынку з лікам 5:4 і свой другі чвэрцьфінал турніру Шанхай Мастэрс[98][100]. Адзіны кітайскі снукерыст, які прабіўся ў 1/8 фіналу турніру, Дзін Цзюньхуэй сустракаўся з Раянам Дэем з Уэльса. Пераможца Шанхай Мастэрс 2013 года выйграў стартавы фрэйм з серыяй у 52 ачкі, а яго 35-гадовы апанент дамінаваў у другой партыі, пасля чаго Дзін перамог у трэцім фрэйме, выканаўшы падыход у 50 ачкоў пры ліку 55:1, і зноў выйшаў наперад. Дэй здзейсніў серыю ў 54 балы ў чацвёртай партыі, пасля чаго не дазволіў апаненту адыграцца, але кітаец, які займаў трэці нумар у сусветным рэйтынгу[34], пакінуў за сабой пятую партыю, а валійскі спартсмен аформіў брэйк у 83 ачкі ў шостым фрэйме і зноў зраўняў лік — 3:3. Пераможца 11-ці рэйтынгавых турніраў у чацвёрты раз выйшаў наперад у паядынку, выйграўшы сёмы фрэйм з серыяй у 75 балаў, а яго апанент, які быў у фінале самага першага розыгрышу Шанхай Мастэрс у 2007 годзе, дзе саступіў свайму суайчынніку Дамініку Дэйлу з лікам 6:10[25], зноў зраяўняў лік, дзякуючы падыходу ў 69 ачкоў, і перавёў матч у вырашальны фрэйм, аднак азіяцкі снукерыст атрымаў шанец на атаку ў дзявятай партыі і зрабіў серыю ў 76 балаў, скончыўшы матч з лікам 5:4 на сваю карысць[відэа 16][101] і ў чацвёрты раз у кар'еры і ў трэці раз запар выйшаўшы ў чвэрцьфінальную стадыю спаборніцтва[19][102][103].

1/8 фіналу
Сцюарт Бінэм (1)
Сцяг Англіі Англія
5:1 Майк Дан (44)
Сцяг Англіі Англія
112:0, 74:24, 103:12 (103), 46:61, 61:2, 59:1
Марк Уільямс (13)
Сцяг Уэльса Уэльс
5:3 Джэймі Коўп (94)
Сцяг Англіі Англія
83:29 (57), 80:33 (53), 65:21, 24:97 (85), 16:69 (63), 68:26, 61:69 (61 Уільямс, 61 Коўп), 70:46
Майкл Холт (23)
Сцяг Англіі Англія
1:5 Кайрэн Уілсан (53)
Сцяг Англіі Англія
0:129 (123), 28:65, 36:66 (52), 76:19, 9:118 (64), 48:69
Шон Мёрфі (5)
Сцяг Англіі Англія
3:5 Марк Дэвіс (17)
Сцяг Англіі Англія
62:21, 5:75, 120:0 (107), 63:57 (57 Дэвіс), 0:70 (70), 4:83 (64), 22:66, 28:69 (58)
Джон Хігінс (11)
Сцяг Шатландыі Шатландыя
3:5 Мартын Гоўлд (24)
Сцяг Англіі Англія
50:63, 48:75 (71), 65:51 (52, 50 Гоўлд), 0:109 (92), 84:39, 78:25, 0:77 (77), 53:67 (52 Хігінс)
Марк Ален (10)
Сцяг Паўночнай Ірландыі Паўночная Ірландыя
5:1 Дэвід Грэйс (84)
Сцяг Англіі Англія
81:51, 74:1 (61), 78:1, 9:79 (79), 52:51, 93:0 (84)
Джад Трамп (6)
Сцяг Англіі Англія
5:4 Мэцью Сэлт (27)
Сцяг Англіі Англія
25:64 (52), 82:41 (82), 113:4 (104), 55:17, 0:93 (93), 65:36 (58), 0:75 (71), 44:79, 55:48
Дзін Цзюньхуэй (3)
Сцяг Кітая Кітай
5:4 Раян Дэй (19)
Сцяг Уэльса Уэльс
73:23 (52), 18:79, 105:1 (50), 47:58 (54), 79:48, 6:83 (83), 83:3 (75), 4:76 (69), 82:14 (76)

Пяты дзень (18 верасня)[правіць | правіць зыходнік]

Выбылі: Сцяг Уэльса Марк Уільямс (13), Сцяг Англіі Мартын Гоўлд (24), Сцяг Англіі Марк Дэвіс (17), Сцяг Кітая Дзін Цзюньхуэй (3)

18 верасня ў Шанхаі праходзілі чвэрцьфінальныя паядынкі другога рэйтынгавага турніру сезона за двума сталамі на працягу дзвюх сесій. Сёмы нумар рэйтынгу Джад Трамп гуляў супраць двухразовага чэмпіёна свету Марка Уільямса. Да гэтага снукерысты выйгралі па пяць матчаў паміж сабой, і гулялі ўжо ў пяты раз у 2015 годзе. Валійскі снукерыст выйграў тры апошнія рэйтынгавыя сустрэчы паміж імі на адкрытым чэмпіянаце Уэльса 2015 (4:1), на адкрытым чэмпіянаце Індыі 2015 (4:3) і ў паўфінале Players Championship Grand Final 2015 (4:2), а яго апанент атрымаў перамогу ў чвэрцьфінале сусветнага гран-пры 2015 з лікам 4:3. Апроч таго, Трамп і Уільямс гулялі паміж сабой у 1/2 фіналу Шанхай Мастэрс у 2012 годзе, дзе англічанін быў мацней з лікам 6:4[104]. Апаненты шмат памыляліся ў стартавым фрэйме, які дастаўся Трампу, дзякуючы падыходу ў 30 ачкоў пры ліку 10:28, пасля чаго 40-гадовы Уільямс выканаў серыю ў 64 ачкі ў другой партыі, але яго апанент выдрапаў фрэйм на апошнім ружовым шары і падвоіў лік у матчы. Уільямс павёў атаку і ў трэцяй партыі, але спыніўся на 44 балах, а яго апанент, які саступіў у фінальным паядынку Шанхай Мастэрс 2012 года Джону Хігінсу[105], аформіў пераможны падыход у 79 ачкоў і зрабіў лік 3:0, пасля чаго снукерыст з Уэльса, які ў чацвёрты раз выйшаў у 1/4 фіналу Шанхай Мастэрс[66], а ў фінале розыгрышу 2011 года прайграў Марку Сэлбі[106], аформіў першы сэнчуры-брэйк у паядынку, 104 балы, і размачыў лік да перапынку — 1:3. Джад выйграў доўгі пяты фрэйм, павялічыўшы адрыў да трох партый, а таксама атрымаў магчымасць павесці атаку ў шостым фрэйме і выканаў пераможную серыю ў 51 бал, скончыўшы матч перамогай з лікам 5:1[відэа 17][107] і ў другі раз выйшаў у паўфінальную стадыю Шанхай Мастэрс[98]. За суседнім сталом 39-гадовы Сцюарт Бінэм, які ў маі здабыў тытул у Крусібле, стаўшы самым узроставым чэмпіёнам свету з 1978 года[108], гуляў супраць Мартына Гоўлда, які быў у фінале першага рэйтынгавага спаборніцтва сезонаадкрытага чэмпіянату Аўстраліі[48]. Да гэтага снукерысты тры разы перасякаліся паміж сабой на прафесійных спаборніцтвах, і ў двух выпадках перамагаў Бінэм, уключаючы адзіны рэйтынгавы паядынак у 1/16 фіналу International Championship 2013 (6:4)[109]. Гоўлд, які ў 1/8 фіналу ўзяў рэванш за паразу ў фінале адкрытага чэмпіянату Аўстраліі ў Джона Хігінса, выйграў першы фрэйм з серыяй у 59 балаў і дамінаваў у другой партыі, падвоіўшы адрыў ад апанента, але Бінэм зрабіў лік 1:2, пакінуўшы за сабой трэці фрэйм з брэйкамі ў 42 і 52 ачкі. 34-гадовы Мартын, які тройчы ў кар'еры даходзіў да паўфінальнай стадыі на рэйтынгавых турнірах[92], выйграў і чацвёрты фрэйм, але дзеючы пераможца турніру ўзяў верх у пятай партыі з пераможцай серыяй у 88 балаў і зноў скараціў адставанне да аднаго ачка — 2:3. Гоўлд быў мацней у шостым фрэйме, выйграўшы яго з падыходамі ў 40, 34 і 20 ачкоў, а таксама меў магчымасць правесці пераможную атаку ў сёмай партыі, аднак яго апанент пакінуў за сабой фрэйм на каляровых шарах, скараціўшы адставанне да ліку 3:4. У восьмым фрэйме Мартын саступаў з лікам 16:60 і павёў атаку, якая магла стаць пераможнай, аднак пры ліку 32:60 не забіў жоўты шар пасля апошняга чырвонага і не здолеў скарыстацца сваёй магчымасцю, дазволіўшы свайму праціўніку ўпершыню зраўняць лік і перавесці паядынак у вырашальную партыю, у якой Сцюарт Бінэм дамінаваў, выйграўшы яе з серыямі ў 43 і 60 балаў і з лікам 5:4 у другі раз запар выйшаў у паўфінал Шанхай Мастэрс[18][відэа 18][110][111].

У вячэрняй сесіі пятага гульнявога дня на арэну выйшлі Марк Дэвіс, які ў трэці раз прайшоў у чвэрцьфінал Шанхай Мастэрс, але ніколі не прабіваўся далей[73], і Марк Ален, які саступіў у леташнім фінале Сцюарту Бінэму з лікам 3:10[82], а праз паўтара месяцы прайграў Рыкі Уолдэну ў фінальным матчы International Championship[112]. Да гэтага Ален выйграў 7 з 9 сустрэч паміж гульцамі, уключаючы абодва рэйтынгавыя матчы на чэмпіянаце свету 2010 года (13:5) і на гранд-фінале PTC 2013 (4:0), а таксама паядынак Мастэрс 2013 года (6:2)[113]. Англічанін, які прайграў у чвэрцьфіналах розыгрышаў 2010 і 2013 гадоў Джэймі Бёрнэту (4:5)[114] і Сяа Гадуну (4:5) адпаведна[115], павёў атаку пры ліку 4:37 у першай партыі, але спыніўся на 41 бале, дазволіўшы праціўніку аформіць пераможны клірэнс у 33 ачкі і павесці ў матчы. 29-гадовы Ален дамінаваў у другім фрэйме, а Дэвіс выйграў трэцюю партыю на дадатковым чорным шары, скараціўшы адставанне да ліку 1:2. 19-ы нумар рэйтынгу зрабіў падыход у 50 балаў і ў пачатку чацвёртага фрэйма, аднак снукерыст з Паўночнай Ірландыі адказаў серыяй у 47 ачкоў, а пазней зачысціў стол, павялічыўшы адрыў да дзвюх партый. Пасля перапынку Марк Ален дамінаваў у паядынку, пакінуўшы за сабой пяты фрэйм з брэйкам у 88 ачкоў і зрабіўшы падыход у 42 балы ў шостай партыі, а пры ліку 50:50 забіў шары з апошняга жоўтага па ружовы і з лікам 5:1 у другі раз запар выйшаў у паўфінал шанхайскага турніру[67][відэа 19][116]. У гэты ж час за суседнім сталом гулялі кітайскі снукерыст Дзін Цзюньхуэй, які выйграў Шанхай Мастэрс 2013 года ў першым рэйтынгавым фінале ў гісторыі з удзелам двух кітайцаў у Сяа Гадуна з лікам 10:6[117], і Кайрэн Уілсан, які ў другі раз у кар'еры дайшоў да чвэрцьфінальнай стадыі рэйтынгавага турніру пасля Шанхай Мастэрс 2013 года[76]. Да гэтага Дзін перайграў апанента ва ўсіх трох паядынках паміж імі, уключаючы адзіны рэйтынгавы матч у кваліфікацыі да German Masters 2014 (5:2)[118]. 23-гадовы англічанін, які саступіў на Шанхай Мастэрс 2013 Майклу Холту з лікам 1:5[115], пачаў матч з серыі ў 89 ачкоў у стартавым фрэйме, пасля чаго пакінуў за сабой другую партыю, зрабіўшы лік 2:0 на сваю карысць. Цзюньхуэй, які перамог на 11 рэйтынгавых спаборнцітвах[119], выйграў трэці фрэйм з серыяй у 54 ачкі, а яго апанент перамог у чацвёртай партыі на каляровых шарах і вярнуў сабе лідарства ў два фрэймы да перапынку — 3:1. Дзін, які саступіў у паўфінале леташняга розыгрышу будучаму пераможцу Сцюарту Бінэму з лікам 4:6[120], дамінаваў у наступных партыях, пакінуўшы за сабой пяты фрэйм з серыямі ў 62 і 49 балаў і шосты з брэйкам у 87 ачкоў і зрабіў лік у паядынку роўным, але Кайрэн вярнуўся ў гульню і адказаў серыяй у 84 балы, зноў выйшаўшы наперад з лікам 4:3. Трэці нумар сусветнага рэйтынгу, які выйграў пяць рэйтынгавых турніраў у сезоне 2013/2014[121], узяў верх у восьмым фрэйме з серыяй у 63 ачкі, а таксама ўпэўнена ішоў наперадзе ў вырашальнай дзявятай партыі з лікам 48:0, аднак Уілсан здолеў скараціць адставанне і пры ліку 43:54 забіць чатыры апошнія шары і выдрапаць перамогу ў гэтым драматычным паядынку з лікам 5:4[відэа 20][122][123].

18 верасня. Рэферы: Пегі Лі
Джад Трамп (6)
Сцяг Англіі Англія
5:1 Марк Уільямс (13)
Сцяг Уэльса Уэльс
49:28, 74:64 (64 Уільямс), 79:44 (79), 1:104 (104), 62:35, 77:13 (51)
Соценныя серыі: Уільямс: 104
18 верасня. Рэферы: Ян Верхаас
Сцюарт Бінэм (1)
Сцяг Англіі Англія
5:4 Мартын Гоўлд (24)
Сцяг Англіі Англія
34:80 (59), 22:80, 95:19 (52), 10:58, 101:28 (88), 0:98, 76:39, 65:32, 113:7 (60)
18 верасня. Рэферы: Чжан Сінь
Марк Дэвіс (17)
Сцяг Англіі Англія
1:5 Марк Ален (10)
Сцяг Паўночнай Ірландыі Паўночная Ірландыя
45:70, 1:56, 67:60, 54:69 (50 Дэвіс), 1:88 (88), 50:70
18 верасня. Рэферы: Брэндан Мур
Дзін Цзюньхуэй (3)
Сцяг Кітая Кітай
4:5 Кайрэн Уілсан (53)
Сцяг Англіі Англія
7:109 (89), 48:70, 62:34 (54), 38:69, 111:0 (62), 87:15 (87), 13:84 (84), 64:13 (63), 54:65

Шосты дзень (19 верасня)[правіць | правіць зыходнік]

Выбылі: Сцяг Англіі Сцюарт Бінэм (1), Сцяг Паўночнай Ірландыі Марк Ален (10)

На наступны дзень на Шанхайскай гранд-сцэне былі згуляны два паўфінальныя матчы за адным сталом на працягу дзвюх сесій. У адрозненне ад папярэдніх раўндаў паўфінальныя паядынкі праходзілі да шасці перамог у фрэймах. У дзённай сесіі да стала выйшлі чэмпіён свету Сцюарт Бінэм і Джад Трамп, які займаў шосты нумар у рэйтынгу[34] і толькі ў выпадку перамогі на турніры мог падняцца на чацвёртую пазіцыю. Да гэтага снукерысты правялі паміж сабой 17 паядынкаў, з якіх у 10-ці матчах перамогу святкаваў Трамп, у 6-ці — Бінэм і ў адным была зафіксавана нічыя. На рэйтынгавых турнірах гульцы выйгралі па дзве гульні, пры гэтым Сцюарт быў мацней у 1/16 фіналу Шанхай Мастэрс 2011 года (5:1) і ў апошнім і самым буйным матчы ў паўфінале чэмпіянату свету 2015 года (17:16), а яго апанент перамагаў на адкрытых чэмпіянатах Уэльса і Кітая 2012 года (4:1 і 5:3 адпаведна), а таксама ў 1/8 фіналу Мастэрс 2012 (6:3)[129]. Праціўнікі бадзёра пачалі паўфінальны паядынак з чатырох серый за 90 ачкоў: Трамп набраў 95 ачкоў у стартавым фрэйме, але яго сапернік адказаў брэйкамі ў 98 і 118 балаў у наступных партыях, а 26-гадовы снукерыст выйграў чацвёрты фрэйм з серыяй у 100 ачкоў, зраўняўшы лік да перапынку — 2:2. Дзеючы пераможца спаборніцтва ішоў наперадзе ў пятым фрэйме з лікам 60:11, аднак Джад выдрапаў партыю з клірэнсам у 39 балаў, пасля чаго дамінаваў у шостым фрэйме, выйграўшы яго з серыяй у 45 ачкоў і зрабіўшы лік 4:2 на сваю карысць. Сцюарт набраў 48 ачкоў у пачатку сёмай партыі, а яго апанент адказаў серыяй у 62 ачкі, аднак 39-гадовы снукерыст з Базілдана скончыў фрэйм перамогай, забіўшы шары з жоўтага па ружовы. Джад Трамп, які быў у фінале Шанхай Мастэрс у 2012 годзе, але ў напружаным паядынку саступіў Джону Хігінсу з лікам 9:10[105], дамінаваў у восьмым фрэйме, пакінуўшы яго за сабой з серыямі ў 46 і 45 балаў, а таксама ўзяў верх у дзявятай партыі з брэйкам у 62 ачкі, зрабіўшы лік 6:3[відэа 21][130] і ў другі раз у кар'еры выйшаўшы ў фінал Шанхай Мастэрс[98][131].

У вячэрняй сесіі шостага гульнявога дня на арэну выйшлі ўдзельнікі другога паўфінальнага матча: Кайрэн Уілсан, які сенсацыйна перайграў трэцяга нумара рэйтынгу Дзіна Цзюньхуэя ў чвэрцьфінале і ўпершыню дайшоў да стадыі 1/2 фінала рэйтынгавага турніру[76], і Марк Ален з Паўночнай Ірландыі, які выйграў два рэйтынгавыя спаборніцтвы ў Кітаі[132]. Да гэтага гульцы аднойчы перасякаліся паміж сабой у першым раўндзе міні-рэйтынгавага турніру PTC у сезоне 2012/2013, дзе Ален перамог з лікам 4:1[133]. 29-гадовы снукерыст, які два разы запар перамог на турнірах World Open у 2012 і 2013 гадах Стывена Лі (10:1)[134] і Мэцью Стывенса (10:4)[135] у фіналах адпаведна, пачаў матч з серыі ў 54 ачкі, але Уілсан, які займаў 54-е месца ў рэйтынгу[34], скараціў адставанне да ліку 34:64 пры каляровых шарах на стале, а таксама забіў тры каляровыя шары і атрымаў неабходныя штрафныя ачкі, дзякуючы снукеру на сінім шары, пасля чаго зачысціў стол і адкрыў лік у матчы. 23-гадовы англічанін дамінаваў у наступных фрэймах, выйграўшы трэцюю партыю з брэйкам у 73 балы і чацвёртую з серыяй у 68 ачкоў, павялічыўшы адрыў да трох фрэймаў — 3:0. 10-ы нумар пасеву ішоў наперадзе ў чацвёртай партыі з лікам 57:4, але яго апанент, які дайшоў да паўфіналу турніру Shoot-Out 2015 года, дзе саступіў будучаму пераможцу Майклу Уайту[136], здолеў зноў выдрапаць фрэйм на апошнім чорным шары, а таксама выйграць пятую партыю з серыяй у 60 балаў і, усталяваўшы лік 5:0 на сваю карысць, пакінуў адзін фрэйм да перамогі і выхаду ў фінал. Фіналіст леташняга розыгрышу турніру выйграў шосты фрэйм з падыходамі ў 30 і 40 ачкоў і размачыў лік, але Кайрэн, саступаючы ў сёмай партыі з лікам 1:31, набраў 30 балаў, пасля чаго аформіў пераможную серыю ў 50 ачкоў, у выніку чаго давёў паядынак да разгромнага ліку 6:1[відэа 22][137] і выйшаў у фінал Шанхай Мастэрс. Такім чынам, шанхайскі турнір стаў другім запар рэйтынгавым спаборніцтвам у Кітаі, у фінал якога выйшаў снукерыст, які не ўваходзіў у топ-50 гульцоў свету, пасля таго як у фінал адкрытага чэмпіянату Кітая ў красавіку 2015 года выйшаў Гэры Уілсан[138][139][140].

19 верасня. Рэферы: Чжэн Вэйлі
Сцюарт Бінэм (1)
Сцяг Англіі Англія
3:6 Джад Трамп (6)
Сцяг Англіі Англія
6:96 (95), 98:19 (98), 118:0 (118), 0:100 (100), 60:76, 9:65, 74:62 (62 Трамп), 0:101, 27:76 (62)
Соценныя серыі: Бінэм: 118; Трамп: 100
19 верасня. Рэферы: Ян Верхаас
Кайрэн Уілсан (53)
Сцяг Англіі Англія
6:1 Марк Ален (10)
Сцяг Паўночнай Ірландыі Паўночная Ірландыя
66:64 (54 Ален), 73:24 (73), 77:26 (68), 61:57, 66:22 (60), 15:79, 81:38 (50)

Сёмы дзень (20 верасня)[правіць | правіць зыходнік]

Выбыў: Сцяг Англіі Джад Трамп (6)

20 верасня ў фінальным паядынку, які праходзіў у дзвюх сесіях да 10 перамог у фрэймах, сустрэліся англічане Джад Трамп, які восем разоў гуляў у фінальных матчах рэйтынгавых турніраў і выйграў чатыры з іх[141][142], і Кайрэн Уілсан, які ўпершыню прайшоў далей за 1/4 фіналу рэйтынгавага турніру[76] і займаў толькі 54-е месца ў сусветным рэйтынгу[34], аднак ужо забяспечыў сабе месца ў топ-40, дзякуючы выхаду ў свой першы фінал прафесійнага снукернага спаборнцітва. Джад Трамп нарадзіўся ў 1989 годзе і стаў прафесіяналам ва ўзросце 16 гадоў. У канцы сезона 2010/2011 Джад атрымаў сваю першую рэйтынгавую перамогу на адкрытым чэмпіянаце Кітая[143], а праз месяц сенсацыйна выйшаў у фінал чэпіянату свету, дзе ў напружаным паядынку саступіў Джону Хігінсу з лікам 15:18[144]. У канцы 2011 года Трамп перамог на чэмпіянаце Вялікабрытаніі[145], які стаў першым тытулам Трайной кароны англічаніна, а праз год выйшаў у фінал Шанхай Мастэрс, дзе ў драматчыным паядынку супраць Джона Хігінса ішоў наперадзе з лікам 5:0 і 7:2, але пацярпеў паразу з лікам 9:10[105]. У канцы года ён выйграў найбуйнейшы турнір у Кітаі International Championship[146] і на пяць тыдняў стаў лідарам сусветнага рэйтынгу, а ў пачатку сезона 2014/2015 выйграў яшчэ адно рэйтынгавае спаборніцтва — адкрыты чэмпіянат Аўстраліі[147]. Кайрэн Уілсан стаў прафесіянальным снукерыстам у 18-гадовым узросце ў 2010 годзе, але няўдала правёў дэбютны сезон і вылецеў з мэйн-тура па яго выніках. У 2013 годзе Уілсан зноў патрапіў у лік прафесіяналаў, дзякуючы станоўчым вынікам на турнірах серыі PTC[148], і хутка выйшаў у свой першы рэйтынгавы чвэрцьфінал, прайшоўшы чатыры раўнды кваліфікацыі да Шанхай Мастэрс 2013 года і выйграўшы два матчы асноўнай стадыі[115]. У 2014 годзе Кайрэн дэбютаваў на чэмпіянаце свету[149], а наступны сезон малады англічанін правёў менш удала, аднак дайшоў да паўфіналу прафесійнага запрашальнага турніру Shoot-Out[136] і ў другі раз дайшоў да 1/8 рэйтынгавага спаборніцтва на адкрытым чэмпіянаце Індыі[150]. Да гэтага ў абодвух паядынках паміж снукерыстамі перамогу святкаваў Джад Трамп, уключаючы матч першага раўнда адкрытага чэмпіянату Уэльса 2014 года (4:2)[151].

«Гэта мара кожнага гульца — выйграць свой першы рэйтынгавы тытул. Ён назаўсёды застанецца ў маёй памяці. Гэта мой прарыў, такі ж як быў у Джада, калі ён перамог на адкрытым чэмпіянаце Кітая ў 2011 годзе. Я павінен гуляць стабільна і працягваць упарта трэніравацца. Каб перамагаць топ-гульцоў, трэба быць вельмі ўстойлівым».

«Мне здавалася, што я заплачу ў канцы, таму што гэта вельмі шмат для мяне значыць. Здавалася, што перамога ад мяне выслізгвае, але зрабіўшы прарыў у канцы, я атрымаў палёгку. Заўзятары былі фантастычнымі, і гэты шум назаўсёды застанецца са мной».

Кайрэн Уілсан пачаў матч з перамогі ў стартавым фрэйме з серыямі ў 20 і 37 ачкоў, на што Трамп адказаў брэйкам у 81 бал у другой партыі і зраўняў лік. 54-ы нумар рэйтынгу пакінуў за сбаой трэцюю партыю з падыходам у 46 пунктаў, а яго апанент узяў чацвёрты фрэйм з серыяй у 72 ачкі і зноў зраўняў лік — 2:2. 26-гадовы снукерыст вёў у ліку ў пятай партыі 42:27, але Уілсан выдрапаў фрэйм на каляровых шарах і зноў выйшаў наперад. У пачатку шостай партыі фіналіст Шанхай Мастэрс 2012 года пачаў атаку, але спыніўся на 41 ачку, дазволіўшы праціўніку павесці зваротны брэйк і, набраўшы 71 бал, зрабіць лік 4:2 на сваю карысць. Джад дамінаваў у сёмым фрэйме, пакінуўшы яго за сабой з вышэйшым падыходам у 29 ачкоў, а яго 23-гадовы апанент выканаў брэйк у 58 балаў пры ліку 18:22 у восьмай партыі і зноў павялічыў свой адрыў да двух ачкоў. Сёмы нумар сусветнага рэйтынгу атрымаў шанец і павёў атаку ў дзявятай партыі, аднак спыніўся на 40 балах, пасля чаго Уілсан здзейсніў падыход у 62 ачкі і зрабіў лік 6:3 на сваю карысць да канца першай сесіі[відэа 23].

У пачатку вячэрняй сесіі Кайрэн Уілсан здолеў выйграць важны першы фрэйм з найлепшай серыяй у 34 ачкі, упершыню ў матчы павялічыўшы адрыў да чатырох партый, а Трамп выканаў першы сэнчуры-брэйк у 115 балаў у адзінаццатым фрэйме і зрабіў лік 4:7. Пры ліку 6:15 у дванаццатай партыі былы лідар сусветнага снукернага рэйтынгу атрымаў шанец павесці яшчэ адну атаку, але набраў толькі 40 ачкоў, дазволіўшы свайму праціўніку правесці зваротную пераможную серыю ў 68 ачкоў і зноў павялічыць адрыў — 8:4. Джад выйграў трынаццаты фрэйм з пераможным брэйкам у 78 балаў, а таксама здзейсніў падыход у 50 ачкоў у чатырнаццатай партыі, пасля чаго давёў яе да перамогі на каляровых шарах і скараціў адставанне да ліку 6:8. Джад Трамп з Брысталя дамінаваў і ў пятнаццатым фрэйме, выйграўшы трэцяе ачко запар і скараціўшы адставанне да аднаго фрэйма, але, дзякуючы серыі ў 47 балаў у шаснаццатай партыі Уілсан зрабіў лік 9:7 і пакінуў адзін фрэйм да перамогі ў фінальным паядынку. Трамп выканаў брэйк у 89 ачкоў у наступнай партыі, а таксама зрабіў серыю ў 60 пунктаў у васемнаццатым фрэйме, пасля чаго Кайрэн спрабаваў адыграцца і нават атрымаў неабходныя штрафныя ачкі, дзякуючы снукерам, аднак яго апанент быў больш паспяховым на каляровых шарах і ўпершыню з чацвёртай партыі зраўняў лік у матчы і перавёў вырашэнне пераможцы турніру ў вырашальны фрэйм — 9:9. Кайрэн Уілсан, які прайграў пяць з шасці апошніх партый атрымаў магчымасць павесці атаку ў дзевятнаццатым фрэйме і, правёўшы бліскучую серыю ў 75 балаў, выйграў дзясятае ачко і з лікам 10:9 стаў пераможцам свайго першага рэйтынгавага спаборніцтва[відэа 24][153]. Такім чынам, Кайрэн Уілсан, які меў 54-ы нумар у рэйтынгу[34], стаў адным з самых нізкарэйтынгавых пераможцаў турніраў рэйтынгавага ўзроўню ў гісторыі снукера. Рэкорд па гэтым паказчыку належыць Дэйву Харальду, які меў 93-і нумар у рэйтынгу, калі атрымаў перамогу на адкрытым чэмпіянаце Азіі 1993 года. Дзякуючы перамозе ну турніры, 23-гадовы снукерыст з Англіі атрымаў 85 тысяч фунтаў стэрлінгаў прызавых грошай і падняўся ў сусветным рэйтынгу на 32 пазіцыі (на 22-е месца)[154]. Апроч таго, Кайрэн Уілсан атрымаў магчымасць згуляць на прэстыжным запрашальным турніры Champion of Champions у лістападзе 2015 года[152][155][156][157].

20 верасня. Рэферы: Брэндан Мур
Джад Трамп (6)
Сцяг Англіі Англія
9:10 Кайрэн Уілсан (53)
Сцяг Англіі Англія
Статыстыка ігракоў і асабістыя сустрэчы падаюцца ніжэй
Дзённая сесія: 1:62, 81:0 (81), 24:71, 74:0 (72), 42:68, 41:71 (71), 60:13, 22:76 (58), 40:78 (62)
Вячэрняя сесія: 33:75, 121:0 (115), 46:83 (68), 86:7 (76), 58:45 (50), 70:29, 22:80, 90:0 (89), 79:40 (60), 0:78 (75)
Соценныя серыі: Трамп: 115
  1. У табліцы прадстаўленыя вынікі па кожным з фрэймаў. У дужках пазначаны серыі, якія перавысілі 50 ачкоў, а таксама аўтар гэтай серыі пры неадназначнасці.
  2. 2,0 2,1 2,2 2,3 2,4 2,5 Статыстыка падаецца з улікам вынікаў бягучага турніру.

Уайлдкард раўнд[правіць | правіць зыходнік]

Восем кітайскіх аматараў атрымалі ўалдкард ад арганізатараў турніру: Фан Сюнмань, Ню Чжуан, Чэнь Цзыфань, Хань Бінь, Лінь Шуай, Яа Пенчэн, Ван Юйчэнь і Юань Сыцзюнь. Яны згулялі ў папярэднім раўндзе за права выступаць у першым крузе асноўнага турніру супраць васьмярых выпадковых гульцоў, якія прайшлі кваліфікацыйны раўнд: Джэймі Джонса, Майка Дана, Роберта Мілкінса, Тома Форда, Джэймі Коўпа, Алана Мак-Мануса, Кайрэна Уілсана і Пітэра Эбдана[12][158][5].

Першы гулец Лік Другі гулец
Сцяг Уэльса Джэймі Джонс (30) 1:5 Сцяг Кітая Фан Сюнмань
Сцяг Англіі Майк Дан (44) 5:0 Сцяг Кітая Ню Чжуан
Сцяг Англіі Роберт Мілкінс (18) 5:0 Сцяг Кітая Чэнь Цзыфань
Сцяг Англіі Том Форд (60) 5:2 Сцяг Кітая Хань Бінь
Сцяг Англіі Джэймі Коўп (94) 5:2 Сцяг Кітая Лінь Шуай
Сцяг Шатландыі Алан Мак-Манус (25) 5:2 Сцяг Кітая Яа Пенчэн
Сцяг Англіі Кайрэн Уілсан (53) 5:1 Сцяг Кітая Ван Юйчэнь
Сцяг Англіі Пітэр Эбдан (29) 5:2 Сцяг Кітая Юань Сыцзюнь

Асноўная сетка[правіць | правіць зыходнік]

[12][158][5]

  Першы раўнд
да 5 перамог
Другі раўнд
да 5 перамог
Чвэрцьфіналы
да 5 перамог
Паўфіналы
да 6 перамог
Фінал
да 10 перамог
                                               
1  Сцяг Англіі Сцюарт Бінэм 5  
УК  Сцяг Кітая Фан Сюнмань 2  
  1  Сцяг Англіі Сцюарт Бінэм 5  
  44  Сцяг Англіі Майк Дан 1  
12  Сцяг Ганконга Марка Фу 3
44  Сцяг Англіі Майк Дан 5  
  1  Сцяг Англіі Сцюарт Бінэм 5  
  24  Сцяг Англіі Мартын Гоўлд 4  
11  Сцяг Шатландыі Джон Хігінс 5  
20  Сцяг Кітая Лян Вэньбо 1  
  11  Сцяг Шатландыі Джон Хігінс 3
  24  Сцяг Англіі Мартын Гоўлд 5  
7  Сцяг Англіі Бары Хокінс 1
24  Сцяг Англіі Мартын Гоўлд 5  
  1  Сцяг Англіі Сцюарт Бінэм 3  
  6  Сцяг Англіі Джад Трамп 6  
6  Сцяг Англіі Джад Трамп 5  
18  Сцяг Англіі Роберт Мілкінс 0  
  6  Сцяг Англіі Джад Трамп 5
  27  Сцяг Англіі Мэцью Сэлт 4  
9  Сцяг Англіі Рыкі Уолдэн А
27  Сцяг Англіі Мэцью Сэлт П  
  6  Сцяг Англіі Джад Трамп 5
  13  Сцяг Уэльса Марк Уільямс 1  
13  Сцяг Уэльса Марк Уільямс 5  
60  Сцяг Англіі Том Форд 1  
  13  Сцяг Уэльса Марк Уільямс 5
  94  Сцяг Англіі Джэймі Коўп 3  
4  Сцяг Аўстраліі Ніл Робертсан 4
94  Сцяг Англіі Джэймі Коўп 5  
6  Сцяг Англіі Джад Трамп 9
53  Сцяг Англіі Кайрэн Уілсан 10
3  Сцяг Кітая Дзін Цзюньхуэй 5  
 Сцяг Шатландыі Алан Мак-Манус 1  
  3  Сцяг Кітая Дзін Цзюньхуэй 5  
  19  Сцяг Уэльса Раян Дэй 4  
16  Сцяг Шатландыі Грэм Дот 3
19  Сцяг Уэльса Раян Дэй 5  
  3  Сцяг Кітая Дзін Цзюньхуэй 4  
  53  Сцяг Англіі Кайрэн Уілсан 5  
14  Сцяг Шатландыі Стывен Магуайр 1  
23  Сцяг Англіі Майкл Холт 5  
  23  Сцяг Англіі Майкл Холт 1
  53  Сцяг Англіі Кайрэн Уілсан 5  
8  Сцяг Англіі Джо Пэры 2
53  Сцяг Англіі Кайрэн Уілсан 5  
  53  Сцяг Англіі Кайрэн Уілсан 6
  10  Сцяг Паўночнай Ірландыі Марк Ален 1  
5  Сцяг Англіі Шон Мёрфі 5  
29  Сцяг Англіі Пітэр Эбдан 4  
  5  Сцяг Англіі Шон Мёрфі 3
  17  Сцяг Англіі Марк Дэвіс 5  
15  Сцяг Уэльса Майкл Уайт 1
17  Сцяг Англіі Марк Дэвіс 5  
  17  Сцяг Англіі Марк Дэвіс 1
  10  Сцяг Паўночнай Ірландыі Марк Ален 5  
10  Сцяг Паўночнай Ірландыі Марк Ален 5  
43  Сцяг Бельгіі Лука Брэсэль 3  
  10  Сцяг Паўночнай Ірландыі Марк Ален 5
  84  Сцяг Англіі Дэвід Грэйс 1  
2  Сцяг Англіі Марк Сэлбі А
84  Сцяг Англіі Дэвід Грэйс П  

Фінал[правіць | правіць зыходнік]

Джад Трамп выйшаў у свой першы рэйтынгавы фінал у сезоне 2015/2016[159]. На адкрытым чэмпіянаце Аўстраліі ён дайшоў да чвэрцьфінальнай стадыі, дзе саступіў шатландцу Стывену Магуайру з лікам 1:5[160], а на міні-рэйтынгавых адкрытым чэмпіянаце Рыгі і Пол Хантэр Класік прайграў Алану Мак-Манусу ў 1/8 фіналу (1:4)[43] і Майклу Холту ў чвэрцьфінальным матчы (1:4)[161] адпаведна. На чэмпіянаце свету па снукеры з шасцю чырвонымі шарамі Джад без паразаў дайшоў да 1/8 фіналу, дзе саступіў будучаму пераможцу Цепчае Ун-Нуху з Тайланда з лікам 3:6[47]. У сваю чаргу Кайрэн Уілсан прайграў у апошнім кваліфікацыйным раўндзе адкрытага чэмпіянату Аўстраліі Алістэру Картэру з лікам 1:5[162]. На турнірах у Рызе і Фюрце Уілсан быў пераможаны Майклам Холтам у 1/32 фіналу (3:4)[43] і Маркам Кінгам у 1/8 фіналу (1:4)[161] адпаведна.

Фінал Шанхай Мастэрс 2015 стаў другім выпадкам у гісторыі турніру (пасля 2008 года), калі ў вырашальным паядынку гулялі два англічаніны.

Для Джада Трампа фінал Шанхай Мастэрс стаў дзявятым рэйтынгавым фіналам у кар'еры. Да гэтага ён выйграў 4 тытулы рэйтынгавага ўзроўню і прайграў у 4 фіналах[141][142]. Уілсан да гэтага ніколі не праходзіў далей за 1/4 фіналу рэйтынгавых спаборніцтваў[76].

Фінал: да 10 перамог. Рэферы: Брэндан Мур.
Шанхайская гранд-сцэна, Шанхай, Кітай, 20 верасня 2015.
Джад Трамп (6)
Сцяг Англіі Англія
9:10 Кайрэн Уілсан (53)
Сцяг Англіі Англія
Дзённая сесія: 1:62, 81:0 (81), 24:71, 74:0 (72), 42:68, 41:71 (71), 60:13, 22:76 (58), 40:78 (62)
Вячэрняя сесія: 33:75, 121:0 (115), 46:83 (68), 86:7 (76), 58:45 (50), 70:29, 22:80, 90:0 (89), 79:40 (60), 0:78 (75)
115 Найвышэйшая серыя 75
1 Соценныя серыі 0
7 Серыі 50+ 5

Серыі, вышэйшыя за 50 ачкоў[правіць | правіць зыходнік]

У 37 матчах Шанхай Мастэрс гульцы аформілі 23 соценныя серыі, што на 2 сэнчуры менш, чым у 2014 годзе[163][164]. Колькасць серый, большых за 50 ачкоў, дасягнула 148 брэйкаў, што ў сярэднім азначае 4 паўсоценныя серыі ў матчы[5].

Лідарам па колькасці соценных серый стаў фіналіст турніру Джад Трамп, які зрабіў 4 сэнчуры-брэйкі. Па колькасці серый «50+» лідарамі з вялікім адрывам сталі фіналісты Джад Трамп (20 брэйкаў) і Кайрэн Уілсан (18 брэйкаў). Прыз за найвышэйшы брэйк, зроблены ў асноўнай стадыі турніру, роўны £2000, атрымаў Лука Брэсэль, які аформіў серыю ў 140 балаў у матчы першага раўнда супраць Марка Алена[15].

Ніжэй прадстаўлены ўдзельнікі, упарадкаваныя па іх найвышэйшай серыі на турніры. Насупраць пералічаны ўсе соценныя і паўсоценныя брэйкі кожнага гульца.

Гулец 50+ 100+ 50-100 Усе серыі 50+
Сцяг Бельгіі Лука Брэсэль 1 1 0 140
Сцяг Англіі Пітэр Эбдан 4 1 3 134; 85, 60, 55
Сцяг Уэльса Марк Уільямс 8 3 5 128, 108, 104; 64, 61, 59, 57, 53
Сцяг Англіі Марк Дэвіс 8 1 7 126; 73, 70, 64, 61, 58, 57, 50
Сцяг Англіі Кайрэн Уілсан 18 1 17 123; 89, 84, 75, 73, 71, 70, 68, 68, 65, 64, 62, 60, 58, 56, 55, 52, 50
Сцяг Англіі Джад Трамп 20 4 16 122, 115, 104, 100; 95, 89, 82, 81, 79, 76, 74, 72, 62, 62, 62, 60, 58, 53, 51, 50
Сцяг Шатландыі Алан Мак-Манус 2 2 0 122, 100
Сцяг Англіі Майк Дан 7 1 6 120; 68, 65, 60, 56, 54, 53
Сцяг Англіі Сцюарт Бінэм 8 2 6 118, 103; 98, 97, 88, 65, 60, 52
Сцяг Кітая Фан Сюнмань 3 2 1 115, 104; 70
Сцяг Англіі Мартын Гоўлд 7 1 6 109; 92, 77, 71, 59, 52, 50
Сцяг Англіі Шон Мёрфі 4 1 3 107; 81, 74, 67
Сцяг Кітая Дзін Цзюньхуэй 11 1 10 104; 87, 76, 75, 74, 66, 63, 62, 54, 52, 50
Сцяг Англіі Майкл Холт 3 1 2 101; 91, 68
Сцяг Паўночнай Ірландыі Марк Ален 7 1 6 101; 88, 84, 79, 64, 61, 54
Сцяг Англіі Мэцью Сэлт 3 0 3 93, 71, 52
Сцяг Англіі Роберт Мілкінс 2 0 2 93, 51
Сцяг Англіі Джэймі Коўп 8 0 8 85, 67, 63, 61, 61, 57, 56, 54
Сцяг Уэльса Раян Дэй 5 0 5 83, 69, 68, 54, 52
Сцяг Англіі Дэвід Грэйс 1 0 1 79
Сцяг Ганконга Марка Фу 2 0 2 76, 50
Сцяг Англіі Том Форд 3 0 3 74, 62, 56
Сцяг Англіі Джо Пэры 1 0 1 66
Сцяг Шатландыі Грэм Дот 3 0 3 65, 62, 58
Сцяг Шатландыі Джон Хігінс 4 0 4 65, 56, 52, 52
Сцяг Аўстраліі Ніл Робертсан 1 0 1 65
Сцяг Кітая Хань Бінь 1 0 1 63
Сцяг Кітая Юань Сыцзюнь 2 0 2 61, 60
Сцяг Кітая Лян Вэньбо 1 0 1 51
Увогуле 148 23 125 Найвышэйшы брэйк: 140 (Лука Брэсэль)

Статыстыка турніру[правіць | правіць зыходнік]

Фінал Шанхай Мастэрс 2015 стаў другім выпадкам у гісторыі турніру, калі ў вырашальным паядынку гулялі два прадстаўнікі Англіі (пасля 2008 года), і чацвёртым выпадкам, калі ў фінале гулялі прадстаўнікі адной краіны (у 2007 годзе ў фінале сустрэліся валійцы, а ў 2013 — снукерысты з Кітая).

Кайрэн Уілсан стаў шостым снукерыстам з Англіі, які атрымаў перамогу на турніры Шанхай Мастэрс, а таксама дзявятым пераможцам турніру[1].

Уілсан, які да гэтага не праходзіў далей за чвэрцьфінальную стадыю на рэйтынгавых спаборніцтвах (да якой ён дайшоў толькі аднойчы на Шанхай Мастэрс 2013 года), выйграў свой першы прафесійны тытул у кар'еры[76].

23-гадовы снукерыст, які займаў 54-е месца ў рэйтынгу да турніру, стаў адным з самых нізкарэйтынгавых пераможцаў турніраў рэйтынгавага ўзроўню ў гісторыі снукера[152].

Выйграўшы на Шанхай Мастэрс, Кайрэн Уілсан стаў 53-м пераможцам рэйтынгавых турніраў у снукернай гісторыі. Больш за адзін тытул рэйтынгавага ўзроўню на момант заканчэння шанхайскага турніру выйгравалі 32 снукерысты[165].

Статыстыка гульцоў[правіць | правіць зыходнік]

Гулец Апошні матч М В П Ф ВФ ПФ 50+ 100+ НС Ф/50+ Ф/100+ ПГ (£)
Сцяг Англіі Кайрэн Уілсан Фінал: Сцяг Англіі Джад Трамп 10:9 6 6 0 54 36 18 66,7% 18 1 123 3 54 85000
Сцяг Англіі Джад Трамп Фінал: Сцяг Англіі Кайрэн Уілсан 9:10 5 4 1 48 30 18 62,5% 20 4 122 2,4 12 35000
Сцяг Паўночнай Ірландыі Марк Ален 1/2 фіналу: Сцяг Англіі Кайрэн Уілсан 1:6 4 3 1 27 16 11 59,3% 7 1 101 3,86 27 19500
Сцяг Англіі Сцюарт Бінэм 1/2 фіналу: Сцяг Англіі Джад Трамп 3:6 4 3 1 31 18 13 58,1% 8 2 118 3,88 15,5 19500
Сцяг Англіі Мартын Гоўлд 1/4 фіналу: Сцяг Англіі Сцюарт Бінэм 4:5 3 2 1 23 14 9 60,9% 7 1 109 3,29 23 12000
Сцяг Кітая Дзін Цзюньхуэй 1/4 фіналу: Сцяг Англіі Кайрэн Уілсан 4:5 3 2 1 24 14 10 58,3% 11 1 104 2,18 24 12000
Сцяг Уэльса Марк Уільямс 1/4 фіналу: Сцяг Англіі Джад Трамп 1:5 3 2 1 20 11 9 55% 8 3 128 2,5 6,67 12000
Сцяг Англіі Марк Дэвіс 1/4 фіналу: Сцяг Паўночнай Ірландыі Марк Ален 1:5 3 2 1 20 11 9 55% 8 1 126 2,5 20 12000
Сцяг Англіі Майк Дан 1/8 фіналу: Сцяг Англіі Сцюарт Бінэм 1:5 3 2 1 19 11 8 57,9% 7 1 120 2,71 19 8000
Сцяг Шатландыі Джон Хігінс 1/8 фіналу: Сцяг Англіі Мартын Гоўлд 3:5 2 1 1 14 8 6 57,1% 4 0 65 3,5 8000
Сцяг Англіі Джэймі Коўп 1/8 фіналу: Сцяг Уэльса Марк Уільямс 3:5 3 2 1 24 13 11 54,2% 8 0 85 3 8000
Сцяг Уэльса Раян Дэй 1/8 фіналу: Сцяг Кітая Дзін Цзюньхуэй 4:5 2 1 1 17 9 8 52,9% 5 0 83 3,4 8000
Сцяг Англіі Майкл Холт 1/8 фіналу: Сцяг Англіі Кайрэн Уілсан 1:5 2 1 1 12 6 6 50% 3 1 101 4 12 8000
Сцяг Англіі Шон Мёрфі 1/8 фіналу: Сцяг Англіі Марк Дэвіс 3:5 2 1 1 17 8 9 47,1% 4 1 107 4,25 17 8000
Сцяг Англіі Мэцью Сэлт 1/8 фіналу: Сцяг Англіі Джад Трамп 4:5 1 0 1 9 4 5 44,4% 3 0 93 3 8000
Сцяг Англіі Дэвід Грэйс 1/8 фіналу: Сцяг Паўночнай Ірландыі Марк Ален 1:5 1 0 1 6 1 5 16,7% 1 0 79 6 8000
Сцяг Англіі Пітэр Эбдан 1/16 фіналу: Сцяг Англіі Шон Мёрфі 4:5 2 1 1 16 9 7 56,3% 4 1 134 4 16 6000
Сцяг Кітая Фан Сюнмань 1/16 фіналу: Сцяг Англіі Сцюарт Бінэм 2:5 2 1 1 13 7 6 53,8% 3 2 115 4,33 6,5 0
Сцяг Англіі Роберт Мілкінс 1/16 фіналу: Сцяг Англіі Джад Трамп 0:5 2 1 1 10 5 5 50% 2 0 93 5 6000
Сцяг Шатландыі Алан Мак-Манус 1/16 фіналу: Сцяг Кітая Дзін Цзюньхуэй 1:5 2 1 1 13 6 7 46,2% 2 2 122 6,5 6,5 6000
Сцяг Англіі Том Форд 1/16 фіналу: Сцяг Уэльса Марк Уільямс 1:5 2 1 1 13 6 7 46,2% 3 0 74 4,33 6000
Сцяг Аўстраліі Ніл Робертсан 1/16 фіналу: Сцяг Англіі Джэймі Коўп 4:5 1 0 1 9 4 5 44,4% 1 0 65 9 6000
Сцяг Бельгіі Лука Брэсэль 1/16 фіналу: Сцяг Паўночнай Ірландыі Марк Ален 3:5 1 0 1 8 3 5 37,5% 1 1 140 8 8 6000
Сцяг Шатландыі