Перайсці да зместу

Aligator (бронеаўтамабіль)

З Вікіпедыі, свабоднай энцыклапедыі
Aligator
Выява
Лагатып Вікісховішча Медыяфайлы на Вікісховішчы

Aligator 4x4 — славацкі браніраваны пазадарожнік-амфібія.

Вытворчасць[правіць | правіць зыходнік]

Распрацоўка бронемашыны Aligator пачалася пасля 1994 года кампаніямі Transmisie a. s. і ZTE TEES ў Марціне і Kerametal (апошняя падала кампазітнае керамічнае пакрыццё для металакерамічнай броні машыны). Першапачаткова Узброеныя сілы Славакіі разлічвалі на закупку 250 адзінак, але пазней гэты лік быў зніжаны да паловы ад агучанай сумы.

Машына была ўпершыню публічна прадстаўлена 30 красавіка 1997 года на палявых выпрабаваннях у Ясенскай даліне, а пазней у тым жа годзе на выставе абароннай прамысловасці IDET '97.

У 2000-я гады распрацаваны прататып мадэрнізаванага варыянту машыны. Аднак славацкія ўзброеныя сілы пачалі скарачаць свае патрэбы ў большай колькасці вырабленых транспартных сродкаў.

Як вынік, праект быў паступова згорнуты ў 2007 і 2008 гадах, і аўтамабіль больш не выпускаецца[1][2].

Апісанне[правіць | правіць зыходнік]

Бранявік здольны перасоўвацца па вадзе. Абсталяваны невялікай сістэмай вяслярных вінтоў, якая дазваляе яму пераходзіць уброд ракі і возера, не апускаючыся пад ваду. Стандартнае абсталяванне аўтамабіля ўключае герметычную закрытую кабіну экіпажа з вентыляцыяй, цеплавым абаграваннем кабіны, абсталяванне для дзённага назірання, прыборы начнога бачання, сродкі сувязі і рухальную ўстаноўку амфібіі.

Машына лёгкабраняваная (выкарыстоўваецца сталёвая браня з кампазітным керамічным пакрыццём) і можа супрацьстаяць агню са стралковай зброі, але ўразлівая для супрацьтанкавых ракет і мін. Большасць варыянтаў па змаўчанні не абсталяваныя сістэмай узбраення. Машына можа мець баявы модуль, усталяваны на аўтамабілі і кіраваны з кабіны экіпажа.

Служба[правіць | правіць зыходнік]

З канца 1990-х гадоў для Узброеных Сіл Славакіі было выраблена крыху больш за 40 бронеаўтамабіляў Aligator 4x4 (усяго 44), якія пастаўляліся на працягу 2000-х гадоў. З-за абмежаванай абароны ад мін і самаробных выбуховых прылад і адсутнасці абароны ад процітанкавых ракет яны выкарыстоўваліся толькі ўнутры краіны і для славацкіх міратворчых місій у Босніі і Косаве.

Хоць у Aligator 4x4 было ўкаранёна некалькі інавацыйных сістэм для эфектыўнай абароны экіпажа ад пагроз, звязаных з хімічнай зброяй, машына лічылася ў асноўным няўдалай, галоўным чынам з-за яе больш уразлівай броні і некаторых праблем з рухавіком[2].

Варыянты[правіць | правіць зыходнік]

  • Aligator 4x4 PCM — лёгкабраніраваная паліцэйская версія[1][3].
  • Aligator 4x4 PV — разведвальная версія[1][3].
  • Aligator 4x4 PVS — камандна-штабная машына[1][4].
  • Aligator 4x4 DPP — версія, прызначаная для далёкай разведкі і навядзення артылерыі[5][1].
  • Aligator 4x4 ŽV — версія для інжынерных падраздзяленняў[1][6].
  • Aligator 4x4 RCHBO — версія РХБА[1][7].
  • Aligator 4x4 PPS — прататып разведвальнай версіі, абсталяваны баявым модулем MBK-2 вытворчасці MOWAG[1][8].
  • Aligator 4x4 PLN — прататып транспартнага сродку, які выкарыстоўваецца для сувязі і навядзення авіяцыі[1][9]
  • Aligator 4x4 Mini-Samson — прататып цяжкаўзброенай версіі, абсталяваны баявым модулем Rafael Mini-Samson[1][10].
  • Aligator 6x6 — канцэпт шасціколавага транспартнага сродку[1].
  • Aligator 4x4 Master — прататып тактычнай баявой машыны[11].

Крыніцы[правіць | правіць зыходнік]

  1. ↑ а б в г д е ё ж з і к Slovak military cars - Aligator 4x4 (Overview of the vehicle). Military.cz. Military.cz. Архівавана з першакрыніцы 23 сакавіка 2021. Праверана 19 кастрычніка 2022.
  2. ↑ а б The fateful flat tire of the Slovak Aligator. Trend.sk. Trend (22 лютага 2008). Архівавана з першакрыніцы 22 кастрычніка 2022. Праверана 19 кастрычніка 2022.
  3. ↑ а б Slovakia - Aligator PCM variant (police version). Valka.cz. Valka.cz (29 чэрвеня 2005). Архівавана з першакрыніцы 22 кастрычніка 2022. Праверана 19 кастрычніка 2022.
  4. ↑ Slovakia - Aligator PVS variant (mobile command version). Valka.cz. Valka.cz (29 чэрвеня 2005). Архівавана з першакрыніцы 22 кастрычніка 2022. Праверана 19 кастрычніка 2022.
  5. ↑ Slovakia - Aligator DPP variant (artillery observation and guidance variant). Valka.cz. Valka.cz (29 чэрвеня 2005). Архівавана з першакрыніцы 22 кастрычніка 2022. Праверана 19 кастрычніка 2022.
  6. ↑ Slovakia - Aligator ŽV variant (engineering variant). Valka.cz. Valka.cz (29 чэрвеня 2005). Архівавана з першакрыніцы 19 кастрычніка 2022. Праверана 19 кастрычніка 2022.
  7. ↑ Slovakia - Aligator RCHBO variant (CRBN protection variant). Valka.cz. Valka.cz (29 чэрвеня 2005). Архівавана з першакрыніцы 19 кастрычніка 2022. Праверана 19 кастрычніка 2022.
  8. ↑ Slovakia - Aligator PPS variant (observation reconnaissance vehicle). Valka.cz. Valka.cz (29 чэрвеня 2005). Архівавана з першакрыніцы 22 кастрычніка 2022. Праверана 19 кастрычніка 2022.
  9. ↑ Slovakia - Aligator PLN variant (forward air controller vehicle). Valka.cz. Valka.cz (29 чэрвеня 2005). Архівавана з першакрыніцы 19 кастрычніка 2022. Праверана 19 кастрычніка 2022.
  10. ↑ Slovakia - Aligator "Mini-Samson" variant (heavily-armed turret). Valka.cz. Valka.cz (29 чэрвеня 2005). Архівавана з першакрыніцы 26 лістапада 2022. Праверана 19 кастрычніка 2022.
  11. ↑ Slovakia - Aligator 4x4 Master prototype (mid-to-late 2000s). Valka.cz. Valka.cz (29 чэрвеня 2012). Архівавана з першакрыніцы 19 кастрычніка 2022. Праверана 19 кастрычніка 2022.

Спасылкі[правіць | правіць зыходнік]

Узята з "https://be.wikipedia.org/w/index.php?title=Aligator_(бронеаўтамабіль)&oldid=4791403"