Гертруда Бэл Элаян

Гертруда Бэл Элаян

Гертруда Бэл Э́лаян (англ.: Gertrude Belle Elion, 23 студзеня 1918 года, Нью-Ёрк — 21 лютага 1999 года, Паўночная Караліна) — амерыканскі вучоны ў галіне біяхіміі і фармакалогіі, лаўрэат Нобелеўскай прэміі па фізіялогіі і медыцыне ў 1988 годзе разам з Дж.Блэкам і Дж.Хітчынгсам за "за адкрыццё важных прынцыпаў лекавай тэрапіі".

Біяграфія

Гертруда Элаян нарадзілася 23 студзеня 1918 года ў Нью-Ёрку ў габрэйскай імігранцкай сям'і (яе бацька імігрыраваў у 12 гадоў з Літвы, маці ў 14 гадоў - з Расіі).

Скончыла Нью-Ёркскі ўніверсітэт (1941). З 1944 года ў наўчна-даследчай лабараторыі Велкам (Нью-Ёрк; у 1967-1983 гг. кіраўнік аддзела).

Навуковыя працы па вывучэнні ўздзеяння антыметабалітаў нуклеінавых кіслот, якія выкарыстоўваюцца як процівірусныя і проціпухлінныя сродкі, па стварэнні антыбактэрыяльных і імунадэпрэсантных прэпаратаў.

Літаратура

• Беларуская энцыклапедыя: У 18 т. Т.18. Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мінск: БелЭн, 2004. — Т. 18. — 472 с. — 10 000 экз. — ISBN 985-11-0295-4

Спасылкі

• Аўтабіяграфія Гертруды Элаян на Нобелеўскім сайце (англ.)
• Біяграфічныя звесткі аб Гертрудзе Элаян (англ.)
• Некралог у Нью-Ёрк Таймс (англ.)
• Біяграфія Гертруды Элаян (англ.)