Пітэр Чарлз Догерці

Пітэр Чарлз Догерці
	Пітэр Чарлз Догерці
	англ.: Peter Charles Doherty
Дата нараджэння	15 кастрычніка 1940 (76 гадоў)
Месца нараджэння	г. Брысбен, Аўстралія
Грамадзянства	Аўстралія
Род дзейнасці	імуналог, Ветэрынар, прафесар універсітэта
Навуковая сфера	імуналогія
Альма-матар	Квінслендскі ўніверсітэт; Эдынбургскі ўніверсітэт
Узнагароды і прэміі:	Нобелеўская прэмія па фізіялогіі і медыцыне (1996);

Пітэр Чарлз До́герці або Дохерці, Доэрці (англ.: Peter Charles Doherty; 15 кастрычніка 1940, Брысбен, Аўстралія) — аўстралійскі і амерыканскі вучоны ў галіне імуналогіі, лаўрэат Нобелеўскай прэміі па фізіялогіі і медыцыне ў 1996 годзе разам з Р. Цынкернагелем «за адкрыцці ў галіне імуннай сістэмы чалавека, у прыватнасці яе здольнасці выяўляць клеткі, заражаныя вірусам».

Змест

Скончыў Квінслендскі ўніверсітэт у 1962 годзе. Працаваў з 1963 года ў Інстытуце даследаванняў жывёл (г. Брысбен), з 1967 года ў НДІ Эдынбурга. Атрымаўшы доктарскую ступень у 1970 годзе ва ўніверсітэце Эдынбурга, Шатландыя, ён вярнуўся ў Аўстралію. У 1972—1975 і 1982—1988 гадах працаваў у Аўстралійскім універсітэце (г. Канбера). З 1988 года ў дзіцячым шпіталі, адначасова з 1992 года прафесар універсітэта Тэнесі (г. Мемфіс, ЗША).

Аўтар навуковых прац па механізмах імуналагічнай талерантнасці, памяці.

Высветліў механізм распазнавання чужародных клетак імуннымі лімфацытамі.

Доктар філасофіі (1970).

↑ Fellows. Royal Society. Праверана 27 лістапада 2010.
↑ Lewis, Wendy (2010). Australians of the Year. Pier 9 Press. ISBN 978-1-74196-809-5.
↑ It's an Honour: AC

Беларуская энцыклапедыя: У 18 т. Т.18. Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мн.: БелЭн, 2004. — Т. 18. — 472 с. — 10 000 экз. — ISBN 985-11-0295-4 (Т. 18 Кн. 1).