Перайсці да зместу

Бенгт Самуэльсан

З Вікіпедыі, свабоднай энцыклапедыі
Бенгт Інгемар Самуэльсан
шведск.: Bengt Ingemar Samuelsson
Дата нараджэння 21 мая 1934(1934-05-21)[1][2][…]
Месца нараджэння
Дата смерці 5 ліпеня 2024(2024-07-05)[3][4] (90 гадоў)
Месца смерці
Грамадзянства
Род дзейнасці біяхімік, выкладчык універсітэта, хімік, урач
Навуковая сфера біяхімія[6], медыцына[6] і medicinal chemistry[d][6]
Месца працы
Альма-матар
Навуковы кіраўнік Сунэ Бергстрэм
Член у
Узнагароды
Лагатып Вікісховішча Медыяфайлы на Вікісховішчы

Бенгт Інгемар Самуэльсан (шведск.: Bengt Ingemar Samuelsson, нар. 21 мая 1934, Хальмстад, Швецыя) — шведскі біяхімік, лаўрэат Нобелеўскай прэміі па фізіялогіі і медыцыне ў 1982 годзе «за адкрыцці, якія датычацца простагландзінаў і блізкіх да іх біялагічна актыўных рэчываў» з Сунэ Бергстрэмам і Джонам Вейнам.

Бенгт Самуэльсан нарадзіўся ў шведскім партовым горадзе Хальмстад. Яго бацькі былі Крысціна і Андэрс Самуэльсаны. Пасля заканчэння мясцовай школы паступіў у медыцынскі каледж Лундскага ўніверсітэта, дзе стаў працаваць у даследчай лабараторыі Сунэ Бергстрэма, прафесара фізіялагічнай хіміі. У 1958 годзе Самуэльсан разам з даследчай групай Бергстрэма перайшоў у Каралінскі інстытут у Стакгольме, дзе актыўна вывучаў медыцыну і біяхімію.

З 1972 года прафесар у Каралінскім інстытуце, з 1982 года — рэктар, у 19671972 гадах прафесар Стакгольмскага каралеўскага ветэрынарнага каледжа.

Даследуючы метабалізм халестэрыну і прадукты трансфармацыі арахідонавай кіслаты, Самуэльсан адкрыў і ахарактарызаваў сярод гэтых прадуктаў, такія важныя кампаненты як простагландзіны, тромбаксаны і лейкатрыены. Вылучыў і ўстанавіў хімічную структуру і біяхімічныя якасці некаторых простагландзінаў і звязаных з імі біялагічна актыўных рэчываў. Паказаў іх утварэнне з арахідонавай кіслаты, а таксама, што арахідонавая кіслата і ферментатыўныя сістэмы ўтварэння простагландзінаў ёсць ва ўсіх ядзерных клетках жывёльных арганізмаў.

Член Шведскай каралеўскай АН, замежны член Амерыканскай акадэміі мастацтваў і навук.

Бенгт Самуэльсан жанаты з Карын Бергстэн Самуэльсан. Дзве дачкі — Элізабэт і Астрыд Самуэльсан[10].

Зноскі

  1. Bengt Ingemar Samuelsson // Encyclopædia Britannica Праверана 9 кастрычніка 2017.
  2. Bengt Ingemar Samuelsson // Brockhaus Enzyklopädie
  3. Grunér J. Svenske Nobelpristagaren Bengt Samuelsson dödSchibsted, 2024. — ISSN 1103-9000; 1403-9656 Праверана 7 ліпеня 2024.
  4. Bengt Samuelsson: 1934-05-21 / 2024-07-05Dagens Nyheter. Праверана 17 ліпеня 2024.
  5. https://www.nytimes.com/2024/07/15/science/bengt-samuelsson-dead.html
  6. а б в Czech National Authority Database Праверана 7 лістапада 2022.
  7. NNDB — 2002.
  8. Bengt SamuelssonAE. Праверана 8 ліпеня 2024.
  9. Fellows Directory
  10. Bengt I. Samuelsson