Горад Бабруйск

З пляцоўкі Вікіпедыя.
Перайсці да: рух, знайсці
Горад
Бабруйск
Сцяг Герб
Сцяг
Герб
Bobruisk Drama and comedy.jpg
Тэатр драмы i камедыi iмя В. Дунiна-Марцiнкевіча

Каардынаты: 53°09′00″ пн. ш. 29°14′00″ у. д. / 53.15, 29.233334 (G) (O) (Я)53°09′00″ пн. ш. 29°14′00″ у. д. / 53.15, 29.233334 (G) (O) (Я)

Краіна Беларусь
Рэгіён Магілёўская вобласць
Плошча 90,02[1] км²
Насельніцтва (2009) 215 092[2] чалавек
Шчыльнасць 2 565 чал./км²
Нацыянальны склад беларусы — 83,06 %,
рускія — 13,22 %,
украінцы — 1,89 %,
іншыя — 1,83 %[2]
Тэлефонны код +375 225
Афіцыйны сайт http://www.bobruisk.by/
(руск.) 
Бабруйск (Беларусь)
Бабруйск
Бабруйск
Бабруйск (Магілёўская вобласць)
Бабруйск
Бабруйск

Бабру́йск — горад абласнога падпарадкавання ў Магілёўскай вобласці Беларусі, адміністрацыйны цэнтр Бабруйскага раёна. Порт на р. Бярэзіна. За 110 км ад Магілёва. Вузел чыгунак на Асіповічы, Жлобін, Акцябрскі і аўтадарог на Мінск, Гомель, Магілёў, Калінкавічы, Слуцк, Рагачоў. Насельніцтва 219,1 тыс. чал. (2006).

Змест

Гісторыя [правіць]

Ёсць меркаванне, што магчыма ў часы Русь на месцы сучаснага Бабруйска знаходзілася вёска, жыхары якой займаліся рыбалоўствам і бабровым промыслам. У першыню згадваецца пад 1387 годам (летапісны Бобровск, Бобруеск, Бобрусек). Цэнтр воласці ў ВКЛ, меў магдэбургскае права. У 14—18 ст. існаваў Бабруйскі замак. З 1565 у Рэчыцкім павеце. Спалены карнымі войскамі ВКЛ у 1649, потым казакамі ў час вайны 1654—1667 гадоў. З 1793 у складзе Расійскай імперыі, з 1795 цэнтр Бабруйскага павета, 22.1.1795 атрымаў герб. Сімволіка герба цесна звязана з тым, што на Чорным і Балтыйскім морах тымчасова пачалося будаўніцтва флоту, павялічылася патрэба ў мачтавым лесе, які сплаўлялі па Бярэзіне і Бярэзінскай воднай сістэме. У 1807—1836 пабудаваная Бабруйская крэпасць, 10.8.1810 году Аляксандр I зацвердзіў план будаўніцтва крэпасці. У 1812 гарнізон крэпасці вытрымаў 4-месячную аблогу напалеонаўскіх войскаў. У 1897 — 28,7 тыс. жыхароў (71 % яўрэі), дзейнічала 40 сінагог. З 1924 цэнтр Бабруйскай акругі, з 1927 — Бабруйскага р-на. З 1938 горад абласнога падпарадкавання.

Падчас Вялікай Айчыннай вайны акупаваны 28.6.1941, акупанты стварылі ў Горадзе 4 лагеры смерці дзе знішчылі каля 100 тыс. чал. Пасля пачатку 24.6.1944 наступальнай аперацыі «Багратыён» войскамі 1-га Беларускага фронту пад камандаваннем К. К. Ракасоўскага 27.6.1944 быў утварыўся г.зв. «Бабруйскі кацёл», у акружэнні апынуліся дывізіі 9-й палявой арміі Вермахта колькасцю каля 40 тыс. чал. «Бабруйскі кацёл» быў ліквідаваны 28.6.1944, на наступны дзень (29.6.1944) быў цалкам вызвалены. 22.9.1944 года была створана Бабруйская вобласць (скасавана ў 1954). Стварэнне вобласці спрыяла сацыяльна-эканамічнаму развіццю горада. Пачалося актыўнае будаўніцтва новых прадпрыемстваў: Завод гумава-тэхнічных вырабаў (1952), Мясакамбінат (1956), Завод трактарных дэталяў і агрэгатаў (1959), Футравая фабрыка (1960), Малочны завод (1967). У 1960 пачынаецца будаўніцтва Шыннага камбіната, 1.1.1972 выпушчана першая пакрышка.

Дэмаграфія [правіць]

  • 1897 — 28,7 тыс. чал. (71 % яўрэі)
  • 2004 — 220,8 тыс. чал.
  • 2006 — 219,1 тыс. чал.

У 1980-я многія жыхары горада эмігрыравалі ў ЗША, Канаду, Аўстралію і Ізраіль. Аднак і сёння яўрэйская абшчына Бабруйска з'яўляецца адной з буйнейшых у краіне. 23.10.1988 пачалося аднаўлення яўрэйскай абшчыны горада, быў урачыста адкрыты Клуб яўрэйскай культуры. Створана яўрэйскае дабрачыннае таварыства «Рахамім» (з іўрыта: «Міласэрнасць») і дзейнічае дабрачынны цэнтр сацыяльнай і гуманітарнай дапамогі «Хесэд». Выходзіць гарадская газета абшчыны — «Гешэр» («Мост»). Для веруючых іўдзеяў адкрыты дзве сінагогі.

Эканоміка [правіць]

Прадпрыемствы хімічнай, машынабудаўнічай, металаапрацоўчай, дрэваапрацоўчай, лёгкай, харчовай, вытворчасці будматэрыялаў прамысловасці.

ААТ «Белшына». ААТ «Бабруйскі гідролізны завод». РУПП «Бабруйскаграмаш» з'яўляецца аднім з буйнейшых прадпрыемстваў сельскагаспадарчага машынабудавання Беларусі. ААТ «ТаіМ» («Тармазныя апараты і механізмы») — буйнейшы ў СНД вытворца пнеўматармазных механізмаў для грузавай аўтатэхнікі. ААТ «Спецаўтатэхніка». ААТ «Бабруйсксельмаш». ААТ «Бабруйская мэблевая фабрыка».

У 2004 створана сумеснае амерыканска-беларускае прадпрыемства ЗАТ "Піваварная кампанія «Сябар», самы малады і адзін з самых паспяховых вытворцаў піва ў Беларусі.

Цэнтр турызму нацыянальнага значэння. Гасцініцы «Бабруйск», «Юбілейная», «Фенікс», «Турыст» (уведзена ў 2006, 198 месцаў). Бальнеагразевы курорт «Бабруйск» (санаторый імя У. І. Леніна, санаторый-прафілакторый «Фандок» і санаторна-аздараўленчы комплекс «Шыннік»), дзіцячы санаторый «Вясёлка». Бабруйск — вядомы цэнтр ганчарнага промыслу, г.зв. бабруйскай керамікі.

Культура [правіць]

Бабруйскі краязнаўчы музей, выставачная зала. Тэатр драмы i камедыi iмя В. Дунiна-Марцiнкевіча

У 2006 прайшоў рэспубліканскі фестываль-кірмаш «Дажынкі».

Прэса [правіць]

Мясцовая прэса прадстаўлена праз выданні:

  • Газета «Вечерний Бобруйск». На рускай мове. Гл. [1]
  • Штотыднёвік «Бобруйский курьер». На рускай мове. Гл. [2]

Адукацыя [правіць]

1.10.1997 створаны Бабруйскі філіял Беларускага дзяржаўнага эканамічнага ўніверсітэта.

Бабруйскі дзяржаўны аграрна-эканамічны каледж, Бабруйскі дзяржаўны лесатэхнічны тэхнікум і інш.

Спорт [правіць]

У 2006 пачалося будаўніцтва Лядовага палаца. Зноў створаны хакейны клуб «Шыннік», каманда якога з'яўлялася шматразовым чэмпіёнам БССР па хакеі.

Славутасці [правіць]

Белая царква
Плошча Леніна

Вядомыя асобы [правіць]

Ураджэнцы [правіць]

Жылі (вучыліся, працавалі) [правіць]

Лёсы, звязаныя з Бабруйскам [правіць]

Гарады-пабрацімы [правіць]

Гл. таксама [правіць]

Спасылкі [правіць]

Зноскі

  1. ↑ «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
  2. ↑ 2,0 2,1 Вынікі перапісу 2009 года
Гарады і гарадскія пасёлкі Магілёўскай вобласці
Сцяг Магілёўскай вобласці
Сцяг Беларусі

Магілёў • Бялынічы • Бабруйск • Быхаў • Глуск • Горкі • Дрыбін • Кіраўск • Клімавічы • Клічаў • Касцюковічы • Краснаполле • Крычаў • Круглае • Мсціслаў • Асіповічы • Слаўгарад • Хоцімск • Чавусы • Чэрыкаў • Шклоў

 
Узята з "http://be.wikipedia.org/w/index.php?title=Горад_Бабруйск&oldid=1615841"