Горад Барселона

Горад

Барселона
Barcelona

Сцяг	Герб

Каардынаты Каардынаты: 41°23′00″ пн. ш. 2°11′00″ у. д. / 41.383333° пн. ш. 2.183333° у. д. ^(G) ^(O) ^(Я)41.383333, 2.18333341°23′00″ пн. ш. 2°11′00″ у. д. / 41.383333° пн. ш. 2.183333° у. д. ^(G) ^(O) ^(Я)

Краіна	Іспанія
Аўтаномная супольнасць	Каталонія
Правінцыя	Барселона
Камарка	Барселонес
Унутранае дзяленне	10 акруг
Алькальд (мэр)	Жордзі Эрэу
Плошча	100,4 км²
Вышыня НУМ	12 м
Афіцыйная мова	каталанская
Насельніцтва (2008)	1 615 908 чалавек
Шчыльнасць	16 095 чал./км²
Агламерацыя	3 186 461 чалавек
Часавы пояс	UTC+1, улетку UTC+2
Тэлефонны код	+34 93
Паштовыя індэксы	08001-08080
Афіцыйны сайт	http://www.bcn.cat/ (ісп.) (англ.) (катал.)
Мянушка	Ciutat Comtal

Барселона

Барселона на Вікісховішчы

Барселона (Barcelona) — горад на паўночным усходзе Іспаніі, у міжрэччы рэк Бесас і Льёбрэгат, на ўзбярэжжы Міжземнага мора. Адміністрацыйны цэнтр аўтаномнай вобласці Каталонія і правінцыі Барселона. Буйнейшы горад Каталоніі і другі пасля Мадрыда па колькасці жыхароў горад Іспаніі. Важны эканамічны і культурны цэнтр.

[правіць] Гісторыя

Першапачаткова грэчаская, з 236 да н.э. карфагенская, з 218 да н.э. рымская калонія. У 415 захоплена вестготамі, у VI ст. сталіца іх дзяржавы. 3 712 пад уладай арабаў, з 801 сталіца франкскай Іспанскай маркі, пасля яе падзелу (874) — Барселонскага графства, у 1137 — аб'яднанага з Арагонам.

У горадзе адбыліся Сусветныя выстаўкі ў 1888 і 1929. У час грамадзянскай вайны ў Барселоне знаходзіўся рэспубліканскі ўрад (1937-39). 3 1977 адміністрацыйны цэнтр аўтаномнай вобласці Каталонія. У Барселоне прайшлі XXV летнія Алімпійскія гульні 1992.

[правіць] Прамысловасць

Асноўныя галіны прамысловасці: тэкстыльная, машынабудаванне (у т.л. аўта-, судна-, лакаматывабудаванне), хімічная, паліграфічная, цэмэнтная, гарбарная, харчовая і інш. Праводзяцца міжнародныя гандлёва-прамысловыя кірмашы.

[правіць] Транспарт

Вузел чыгунак і аўтадарог. Порт на Міжземным моры, аўтамабіьныя паромныя зносіны з партамі Балеарскіх і Канарскіх астравоў, суседніх краін. Міжнародны аэрапорт. Метрапалітэн.

[правіць] Навука, адукацыя, культура

Барселонскі ўніверсітэт і 2 іншых універсітэты. Музеі: археалагічны, народных рамёстваў і мастацтваў, Федэрыка Марэса, гісторыі горада, прыгожых мастацтваў у Каталоніі, сучаснага мастацтва, Музей Пікаса.

[правіць] Спорт

Стадыён «Камп Ноў» хатняя арэна ФК Барселона.

[правіць] Архітэктура і планіроўка

Стары і Новы гарады звязаны плошчаю Пласа дэ Каталунья, якая акружаяа фантанамі і скульптурнымі групамі (1927), з'яўляецца дзелавым цэнтрам Барселоны. Помнікі архітэктуры: раманская царква Сан-Пабла дэль Кампе (Х-ХІІІ ст.); гатычныя сабор (1298 — XV ст.); царква Санта-Марыя дэль Мар (1320-70); біржа (1380-92); судовая палата «Аўдыенсія» (XV ст.); барочная царква Нуэстра Сеньёра дэ Белен (1687 — 1729). У канцы XIX — пач. XX ст. Барселона — буйны цэнтр архітэктуры стылю мадэрн і авангардызму. Своеасаблівасць гораду надаюць мудрагелістыя пабудовы архітэктара Антоніа Гаўдзі (паркавы комплекс Гуэль, 1885-89; царква Саграда Фамілія, з 1884, не закончана; жылыя дамы Каса Батла, 1905-07, і Каса Міла, 1905-10). Сучасныя пабудовы: аўтамабільны завод «SEAT», Дом гандлю, будынак Калегіі архітэктараў з фрызам па Эскізах Пабла Пікаса.