Горад Дуброўна

Горад Дуброўна Герб Каардынаты 54.566667, 30.68333354°34′00″ пн. ш. 30°41′00″ у. д.54.566667° пн. ш. 30.683333° у. д.    Краіна Беларусь Насельніцтва 8600 чалавек (2008) Часавы пояс UTC+3 Тэлефонны код +375 2137 Паштовы індэкс 211040 Дуброўна Дуброўна на Вікісховішчы

Дубро́ўна — горад у Віцебскай вобласці Беларусі, адміністрацыйны цэнтр Дубровенскага раёна, на р. Дняпро пры ўпадзенні ў яго рэк Дубровенка і Свінка. У 107 км да паўднёвага ўсходу ад Віцебска, 8 км ад чыгуначнай станцыі Асінаўка на лініі Орша—Смаленск (Расія), аўтадарогамі злучаны з Оршай, Горкамі, Асінторфам. Насельніцтва 8,6 тыс. чал. (2009).

Гісторыя

15 ст — заснаванне замка ў месцы Дуброўна. Упершыню ўпамінаецца як горад ў 1514 г. У пач. 16 ст. Дуброўна — цэнтр воласці на мяжы Віцебскага і Смаленскага ваяводстваў. У 16—18 ст. тут існаваў Дубровенскі замак, які ў розны час належаў Глябовічам, Сапегам, Г. А. Пацёмкіну, Любамірскім. У 1607 г. — 235 дамоў. У розны час Дуброўна належала Сапегам, Пацеям, Радзівілам. У 1630 заснаваны манастыр бернардынцаў. З 1772 у Аршанскай правінцыі, з 1777 — у Аршанскім павеце. Дуброўна неаднаразова спалена падчас войнаў сяр. 17 — 1-й чвэрці 18 ст. У пачатку 18 ст. у Дуброўне працавала паперня на Дняпры, якая, верагодна, належала Радзівілам. У 1781 тут пабудаваная першая ў Расійскай імперыі гадзіннікавая фабрыка. З 1861 — цэнтр воласці Горацкага павета Магілёўскай губерніі. З 1924 — цэнтр раёна, з 1925 горад. У 1962—1965 у Аршанскім раёне.

Эканоміка

Прадпрыемствы харчовай, лёгкай, будаўнічых матэрыялаў прамысловасці. Гасцініца. Цэнтр ганчарнага рамяства, так званай дубровенскай керамікі.

Культура

У горадзе праводзіцца рэгіянальны фестывль музыкі Падняпроўя «Дняпроўскія галасы ў Дуброўне».

Выдатныя мясціны

• Дубровенская Траецкая царква
• Дубровенскі манастыр бернардынцаў

Вядомыя асобы

• Казімір Семяновіч, артылерыст і вынаходнік, паводле думкі беларускіх гісторыкаў (напр., Бельскі, Ткачоў), паходзіў з ваколіц Дуброўны.
• Аляксандр Іванавіч Казарскі (1797—1833) — герой руска-турэцкай вайны 1828—1829 гадоў, капітан 1-га рангу
• Якаў Саламонавіч Палякоў (1832—1909) — расійскі фінансіст
• Восіп Давыдавіч Лур'е (1868—1955) — французскі філосаф і літаратуразнавец
• Ганна-Эстэр (Ганна Паўлаўна) Тумаркіна (1875—1951) — швейцарскі філосаф, першая ў Еўропе жанчына — прафесар філасофіі
• Юры Навумавіч Ліпскі (1909—1978) — савецкі астраном
• Цві Цэйтлін (нар. 1923) — амерыканскі скрыпач
• Натан Аксельрод — ізраільскі кінарэжысёр
• Майсей Саламонавіч Беленькі — савецкі літар. крытык
• Барыс Навумавіч Гутэнтог — савецкі мастак
• Якаў Савельевіч Шур — савецкі фізік
• Чарльз Яфэ — амерыканскі шахматыст.
• Уладзімір Трафімавіч Кабуш