Быценскі раён
| Быценскі раён | |
|---|---|
| Краіна | |
| Уваходзіць у | Беларуская ССР |
| Уключае | 51 населены пункт (1947) |
| Адміністрацыйны цэнтр | в. Быцень |
| Дата ўтварэння | 15 студзеня 1940 |
| Дата скасавання | 14 кастрычніка 1957 |
| Плошча | 1 100 км² |
 |
|
Быценскі раён — адміністрацыйна-тэрытарыяльная адзінка ў БССР у 1940 — 1957 гг. Цэнтр — в. Быцень.
Гісторыя
Утвораны 15 студзеня 1940 г. у Баранавіцкай, з 8 студзеня 1954 г. — Брэсцкай абласцей.
12 кастрычніка 1940 г. раён быў падзелены на 11 сельсаветаў:
- Быценскі,
- Волькаўскі,
- Гавінавіцкі,
- Гуцкі,
- Дабромысленскі,
- Доўгаўскі,
- Даманаўскі,
- Зарэцкі,
- Мілавідскі,
- Тухавіцкі,
- Яміцкі.
У ліпені 1954 г. скасаваны Зарэцкі і Яміцкі сельсаветы. 14 кастрычніка 1957 г. раён скасаваны, яго сельсаветы перададзены ў суседнія раёны: Быценскі, Волькаўскі, Дабромысленскі, Доўгаўскі, Даманаўскі — у Івацэвіцкі раён, Гавінавіцкі і Мілавідскі — у Баранавіцкі, Гуцкі і Тухавіцкі — у Ляхавіцкі раёны.
Літаратура
- Камінскі, М. І. Быценскі раён / М. І. Камінскі // Энцыклапедыя гісторыі Беларусі: У 6 т. / Беларуская Энцыклапедыя; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. Т. 2: Беліцк — Гімн. — Мн.: БелЭн, 1994. — 536 с. — С. 151. — ISBN 5-85700-142-0.