Разалін Сасмэн Ялау

Разалін Сасмэн Ялаў
англ.: Rosalyn Sussman Yalow
Разалін Ялаў у Bronx Veterans Administration Hospital (13 кастрычніка 1977 года)
Дата нараджэння	19 ліпеня 1921(1921-07-19)
Месца нараджэння	Манхэтан, Нью-Ёрк, ЗША
Дата смерці	30 мая 2011(2011-05-30) (89 гадоў)
Месца смерці	Бронкс, Нью-Ёрк, ЗША
Месца пахавання	Mount Moriah Cemetery[d]
Грамадзянства	ЗША
Муж	Q30526997?
Род дзейнасці	фізік, урач, выкладчыца ўніверсітэта, біяфізік
Навуковая сфера	Біяфізіка
Месца працы	Шпіталь Бронкса пры кіраванні справамі ветэранаў
Альма-матар	каледж Хантэр Ілінойскі ўніверсітэт ва Урбане-Шампэйне
Вядомая як	распрацавала радыеімуналагічны метад
Член у	Нацыянальная акадэмія навук ЗША Амерыканская акадэмія мастацтваў і навук Парыжская медыцынская акадэмія[d]
Узнагароды	Нобелеўская прэмія па фізіялогіі і медыцыне (1977) Файл:National Medal of Science.gif Нацыянальны навуковы медаль ЗША (1988)
Медыяфайлы на Вікісховішчы

Разалін Сасмэн Я́лаў (англ.: Rosalyn Sussman Yalow; 19 ліпеня 1921, Нью-Ёрк, ЗША - 30 мая 2011, Нью-Ёрк, ЗША) — амерыканскі вучоны ў галіне біяфізікі. Атрымала Нобелеўскую прэмію па медыцыне ў 1977 годзе «за развіццё радыеімуналагічных метадаў вызначэння пептыўных гармонаў» разам з Р. Гіймэнам і Э.В.Шалі.

Біяграфія

Скончыла каледж Хантэр (1941) і з 1946 года працавала ў ім. З 1950 года працавала ў шпіталі ветэранаў г.Бронкс (з 1972 з'яўлялася кіраўніком лабараторыі). Адначасова ў 1968-1974 гг. прафесар-даследчык у медыцынскай школе. У 1979-1986 гг. прафесар медыцынскага каледжа ва ўніверсітэце Йешыва.

Аўтар навуковых прац па выкарыстанні ізатопаў для ўстанаўлення колькасці гармонаў і метабалітаў у плазме крыві і тканках арганізма. Распрацавала радыеімуналагічны метад вымярэння інсуліну ў крыві (1959), а таксама паратырэоіднага гармону, гастрыну, кортыкатрапіну ў крыві і эндакрынных залозах. Хоць большасць навуковых прац Ялаў выканала ў суаўтарстве з Саламонам Берсанам, ён памёр да прысуджэння Нобелеўскай прэміі.

Член Амерыканскай Нацыянальнай АН. Доктар філасофіі (1945), заслужаны прафесар (1974).

Узнагароды

• 1971 - Міжнародная прэмія Гайрднера
• 1975 - Прэмія Амерыканскай медыцынскай асацыяцыі.
• 1976 - Прэмія Альберта Ласкера за фундаментальныя медыцынскія даследаванні.
• 1977 - Нобелеўская прэмія па фізіялогіі і медыцыне (Саламон Берсан памёр у 1972 годзе і не змог падзяліць прэмію).
• 1988 - Нацыянальны навуковы медаль ЗША.

Гл. таксама

• Радыеімуналагічны метад

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі - ЯЯ / Рэдкал.: Г.П.Пашкоў і інш. - Мн.: БелЭн, 2004. - 472 с.: іл.

Спасылкі

• Разалін Ясаў. Біяграфія на сайце n-t.ru
• Аўтабіяграфія Разалін Ялаў на сайце Нобелеўскага камітэта (англ.)