Гарадскі пасёлак Бешанковічы

Горад Бешанковічы Бешанковічы Сцяг Герб Каардынаты 55.033333, 29.4555°02′00″ пн. ш. 29°27′00″ у. д.55.033333° пн. ш. 29.45° у. д.    Краіна Беларусь Вобласць Віцебская Раён Бешанковіцкі Першае згадванне XV стагоддзе Вышыня цэнтра 142 м Насельніцтва 7,3 тыс. чалавек (2010) Часавы пояс UTC+3 Тэлефонны код +375 2131 Паштовы індэкс 211361 Афіцыйны сайт http://beshenkovichi.vitebsk-region.gov.by/ (руск.)  (англ.)  Бешанковічы Бешанковічы

Бешанковічы на Вікісховішчы

Бешанковіцкая Ільінская царква

Бешанковічы — гарадскі пасёлак у Віцебскай вобласці Беларусі, цэнтр Бешанковіцкага раёна, прыстань на левым беразе р. Заходняя Дзвіна. У 51 км ад Віцебска, 38 км ад чыгуначнай станцыі Чашнікі на лініі Орша—Лепель. Вузел аўтадарог на Віцебск, Шуміліна, Лепель, Чашнікі, Сянно. Мае аўтобусную сувязь з Мінскам і Віцебскам. Насельніцтва 7,9 тыс. чал. (2009).

Гісторыя

Упершыню згадваецца ў 1447 або 1460. У пач. 16 ст. як вёска ўваходзілі ў Полацкае ваяводства ВКЛ, у сяр. 16 ст. належала кн. Друцкім-Сакалінскім. У 16—17 ст. належалі Сапегам, Агінскім, Храптовічам. У 1-й палове 17 ст. пры Сапегах атрымалі статус мястэчка, з 1634 магдэбургскае права. Пры Сапегах Бешанковічы разбудаваліся, у мястэчку штогод праводзіліся 2 кірмаша, самы вядомы быў Петрапаўлаўскі, які пачынаўся 29 чэрвеня (у дзень святых Пятра і Паўла) і стаяў 4 тыдні. Штогод на яго з'язджалася да 4-5 тыс. чалавек. З кан. 17 ст. Бешанковічы перайшлі ва ўласнасць Агінскіх, пры якіх у мястэчку пабудаваны першыя каменныя будынкі. У Паўночную вайну (1700—1721) у 1708 тут размяшчаліся расійскія войскі, тры разы мястэчка наведаў Пётр I. З сяр. 18 ст. — горад. У канцы 18 ст. мястэчка ў Лепельскім павеце. У вайну 1812 акупіраваныя французскімі войскамі, некалькі дзён тут размяшчаўся штаб Напалеона. У 1821 Бешанковічы наведваў імператар Аляксандр I. У пач. 20 ст. цэнтр воласці. З 1924 цэнтр раёна ў Віцебскай акрузе (да 1930), з 1938 гарадскі пасёлак у Віцебскай вобл. У Вялікую Айчынную вайну Бешанковічы спаленыя акупантамі.

Дэмаграфія

• 1552 — 34 двары
• 2004 — 8,2 тыс. чал.
• 2008 — 7,9 тыс. чал.
• 2009 — 7,9 тыс. чал.

Эканоміка

Прадпрыемствы лёгкай (ільнозавод), харчовай прамысловасці (малочны завод), камбінат будматэрыялаў. Вядомыя як цэнтр традыцыйных ганчарных вырабаў, так званай бешанковіцкай керамікі (фабрыка мастацкіх вырабаў). Гасцініца (вул. Камуністычная, 22). Дом паляўнічага.

Адукацыя

Сярэдняя школа.

Культура

Бешанковіцкі гісторыка-краязнаўчы музей

Памятныя мясціны

• Бешанковіцкі палацава-паркавы ансамбль (палац Храптовічаў)
• Бешанковіцкая Ільінская царква

Вядомыя асобы

• Леў Даватар
• Іакім Іванавіч Берасцень
• Міхаіл Мікалаевіч Ткачэнка — лётчык-штурмавік, Герой Савецкага Саюза
• Іаахім Храптовіч
• С. Б. Юдовін (1892—1954), беларускі графік
• М. I. Юдовін (ru) — (1898—1966) беларускі паэт
• Фёдар Іосіфавіч Нікановіч

У Сеціве

• На ВікіСховішчы ёсць медыяфайлы па тэме Гарадскі пасёлак Бешанковічы
• Здымкі на Radzima.org
• Здымкі на Globus.tut.by
• Інфармацыя пра дварэц Храптовічаў у Бешанковічах