Горад Мазыр

Горад Мазыр Герб Каардынаты 52.05, 29.23333352°03′00″ пн. ш. 29°14′00″ у. д.52.05° пн. ш. 29.233333° у. д.    Краіна Беларусь Вобласць Гомельская Першае згадванне 1155 Плошча 36,74 км² Вышыня цэнтра 170 м Насельніцтва 108 792 чалавек (2009) Часавы пояс UTC+3 Тэлефонны код +375 236 Паштовы індэкс 247760, 247770—247777, 247779, 247780, 247782—247787 Мазыр Мазыр Мазыр на Вікісховішчы

Мазыр — горад раённага падпарадкавання (да жніўня 2007 — абласнога падпарадкавання) у Гомельскай вобласці Беларусі, адміністрацыйны цэнтр Мазырскага раёна, порт на р. Прыпяць. У 133 км да паўднёвага ўсходу ад Гомеля, 7 км ад чыгуначнай станцыі на лініі Калінкавічы—Оўруч (Украіна). Аўтамабільнымі дарогамі злучаны з Гомелем, Бабруйскам, Оўручам (Украіна). Найбуйнейшы порт у Беларусі. Аэрапорт. Насельніцтва 111,6 тыс. чалавек (2006).

Гісторыя

Упершыню згадваецца пад 1155, уваходзіў у Кіеўскае княства, з 14 ст. у ВКЛ. З сяр. 1560-х цэнтр павета Кіеўскага, з 1569 Менскага ваяводства. У 1577 атрымаў магдэбургскае права, затым герб. З 1793 у складзе Расіі, цэнтр Мазырскага павета Мінскай губерніі. Росту і развіццю эканомікі Мазыра спрыяла пракладка Палескіх чыгунак у 1880-я. У 1885 заснаваная запалкавая фабрыка «Молния». З 1924 цэнтр раёна, у 1926—1927 горад у Слабадскім раёне, у 1924—1930 і 1935—1938 цэнтр Мазырскай акругі, у 1938—1954 цэнтр Палескай вобласці. З 27.9.1938 горад абласнога падпарадкавання. У Вялікую Айчынную вайну акупанты стварылі ў Мазыры лагер смерці, знішчылі 4,7 тыс. жыхароў. Дзейнічала патрыятычнае падполле. З 1954 у Гомельскай вобл.

Эканоміка

Цэнтр нафтаперапрацоўчай прамысловасці. Працуюць прадпрыемствы машынабудавання і металаапрацоўкі, дрэваапрацоўчай, лёгкай, харчовай прамысловасці (вытворчасць куханнай солі). Гасцініцы гарадскога савета «Дынама», «Элада», гасцінічны комплекс «Прыпяць».

Палац культуры

Культура

Мазырскі драматычны тэатр імя Івана Мележа, кінатэатр «Мір», Мазырская філармонія, Мазырскі аб'яднаны краязнаўчы музей культуры ў рэгіёне, больш за 50 бібліятэк, парк культуры «Перамога».

Выдатныя мясціны

• Мазырская Свята-Міхайлаўская царква і манастырскі жылы корпус
• Мазырскі касцёл святога Міхаіла і манастыр цыстэрыянак

Вядомыя асобы

• Святлана Басуматрава
• Сяргей Дубавец, журналіст, літаратар, крытык і выдавец.
• Ксенія Сітнік, спявачка
• Міхаіл Фінберг, дырыжор
• Аляксандр Шыманоўскі, этнограф.
• Л. Ярмоліна (1900—1984), актрыса, тэатральная дзеячка

Гл. таксама

• Мазырскі фанерна-дрэваапрацоўчы завод

У Сеціве

• горад Мазыр на Radzima.org