Крывіцкі раён

Крывіцкі раён
Краіна	СССР
Уваходзіць у	Беларуская ССР: Вілейская вобласць, Маладзечанская вобласць
Уключае	10 сельсаветаў
Адміністрацыйны цэнтр	Крывічы
Дата ўтварэння	15 студзеня 1940
Дата скасавання	25 снежня 1962
Насельніцтва	31 700 чал. (1959)
Плошча	800 км²

Крыві́цкі раён — адміністрацыйна-тэрытарыяльная адзінка ў БССР у 1940—1962 гадах. Утвораны 15 студзеня 1940 года ў Вілейскай вобласці. Цэнтр – вёска Крывічы (з 28 чэрвеня 1958 г. гарадскі пасёлак). 1 мая 1940 года вёска Даўгінава набыла статус гарадскога пасёлка. 12 кастрычніка 1940 года падзелены на 14 сельсаветаў: Бубнаўскі, Будслаўскі, Ваўкалацкі, Вераб’ёўскі, Восаўскі, Даўгінаўскі, Жарскі, Княгінінскі, Крывіцкі, Мільчанскі, Пагосцкі, Пузырскі, Сіўцаўскі, Сцешыцкі. З 20 верасня 1944 года ў складзе Маладзечанскай вобласці. З 20 студзеня 1960 года ў Мінскай вобласці. Скасаваны 25 снежня 1962 года, тэрыторыя ўвайшла ў склад Мядзельскага і Вілейскага раёнаў.

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.