Баі за Шырэ (2022)

З Вікіпедыі, свабоднай энцыклапедыі
Баі за Шырэ
Асноўны канфлікт: Тыграйскі канфлікт
Дата 14—18 кастрычніка 2022
Месца Шырэ, Тыграй, Эфіопія
Вынік перамога УС Эфіопіі
Праціўнікі
Эфіопія Узброеныя сілы Эфіопіі
Эрытрэя Узброеныя сілы Эрытрэі 		Сілы абароны Тыграя:

Баі за Шырэ — эпізод Тыграйскага канфлікту 2020—2022 гадоў, звязаны з барацьбой за горад Шырэ.

Напярэдадні[правіць | правіць зыходнік]

З пачаткам баявых дзеянняў у Тыграі ў горад беглі тысячы бежанцаў (да вайны насельніцтва складала каля 100 000 чалавек, але пасля лістапада 2020 года павялічылася на 60 000[1]). Жыхары пакутавалі ад голаду, абстрэлаў і перыядычных сутыкненняў[2].

14 верасня 2022 года эфіопская ўрадавая армія пры падтрымцы эрытрэйцаў разгарнула на поўдзені і поўначы Тыграя наступленне, атакаваўшы гарады Адыграт і Адва. Усяго праз пару дзён паўстанцы былі выбіты з Аламату і Карэм[3][4].

Ход падзей[правіць | правіць зыходнік]

14 кастрычніка ўрадавыя фарміраванні пачалі наступленне ў бок Шырэ. Падчас штурму эфіопскія войскі выкарыстоўвалі «чалавечыя хвалі», якія падтрымліваліся эрытрэйскай бранятэхнікай. Работнікі гуманітарных арганізацый не паспелі ўцячы і трапілі пад крыжаваны агонь[5].

17 кастрычніка эрытрэйскія часці захапілі аэрапорт і ўвайшлі ў лагер перасяленцаў[6][7].

Кіраўнік Службы Бяспекі ААН Саманта Паўэр заявіла, што падчас баёў эфіопскія войскі здзяйснялі «невыбарчыя атакі» на горад[8]. Акрамя таго, як сцвярджалі паўстанцкія крыніцы, многія ўрадавыя авіяўдары не былі нанесены па ваенных мэтах[9].

18 кастрычніка тыграйскія баевікі прызналі, што пакінулі Шырэ[10]. Пасля эфіопскія войскі накіраваліся ў бок Адыграта і Аксума[11].

Ахвяры[правіць | правіць зыходнік]

Адзін супрацоўнік Міжнароднага камітэта выратавання забіты ў баі 15 кастрычніка[12]. Падчас сутыкненняў быў паранены яшчэ адзін гуманітарны прадстаўнік, таксама двое грамадзянскіх асоб забітыя і трое параненыя[13].

У выніку артылерыйскіх абстрэлаў па ўсім горадзе загінулі дзясяткі чалавек[14].

Наступствы[правіць | правіць зыходнік]

Адразу пасля завяршэння баёў у горадзе ўзмацніўся горад. У той жа час эрытрэйскія вайскоўцы разрабавалі Шырэ, а здабучу адправілі дадому на вярблюдах[11][6].

Падзенне Шырэ вымусіла паўстанцаў вярнуцца да партызанскай вайны[4].

Праз шэсць дзён федэральная армія захапіла Адву і Аксум[15].

Заўвагі[правіць | правіць зыходнік]

  1. ↑ Lu, Christina. Attack on Tigray Escalates Ethiopia’s War (англ.). Foreign Policy. Праверана 11 красавіка 2023.
  2. ↑ Tghat. An eyewitness account of what happened in Shire Inda Selassie (англ.). Праверана 11 красавіка 2023.
  3. ↑ Tigrayan forces accuse Eritrea of launching offensive (англ.). www.aljazeera.com. Праверана 11 красавіка 2023.
  4. ↑ а б "Why the capture of Shire is so important for Ethiopia". BBC News [брытанская англійская]. Праверана 2023-04-11.
  5. ↑ York, Geoffrey (2022-10-16). "New offensive in Tigray brings heavy death toll for civilians". The Globe and Mail [канадская англійская]. Праверана 2023-04-11.
  6. ↑ а б Witnesses allege Eritrean abuses during Ethiopia peace talks (англ.). ABC News. Праверана 11 красавіка 2023.
  7. ↑ Ethiopia, seeking to control Tigray airports, takes a town (англ.). ABC News. Праверана 11 красавіка 2023.
  8. ↑ Authorities in Ethiopia's rebel-held Tigray say they would respect ceasefire (англ.). France 24 (16 кастрычніка 2022). Праверана 11 красавіка 2023.
  9. ↑ Ethiopian govt vows to seize airport, federal sites in Tigray (англ.). The East African (18 кастрычніка 2022). Праверана 11 красавіка 2023.
  10. ↑ Tigray rebels say Ethiopian forces take control of key city - Africa - World(недаступная спасылка). Ahram Online. Архівавана з першакрыніцы 17 красавіка 2023. Праверана 11 красавіка 2023.
  11. ↑ а б "Ethiopia's Tigray conflict: Nasa shows how a war zone faded from space". BBC News [брытанская англійская]. 2022-10-19. Праверана 2023-04-11.
  12. ↑ Aid Worker Killed in Ethiopia's Embattled Tigray Region (англ.). VOA. Праверана 11 красавіка 2023.
  13. ↑ St, Addis. News Analysis: As fears grow for civilians in Shire, AU, Tigray region echo need for immediate, unconditional ceasefire; gov. to continue "defensive measures" (англ.). Addis Standard (17 кастрычніка 2022). Праверана 11 красавіка 2023.
  14. ↑ Ethiopia T igray Conflict: Hyenas dey chop di war victims dead bodi. BBC News Pidgin (20 кастрычніка 2022). Праверана 11 красавіка 2023.
  15. ↑ Ethiopian and Eritrean take Axum and Adwa, as forces advance on Tigray (англ.). The Africa Report.com (24 кастрычніка 2022). Праверана 11 красавіка 2023.
Узята з "https://be.wikipedia.org/w/index.php?title=Баі_за_Шырэ_(2022)&oldid=4612052"