Вецярэвічы

Вёска Вецярэвічы Краіна Беларусь Вобласць Мінская Раён Пухавіцкі Сельсавет Шацкі Каардынаты 53°21′43″ пн. ш. 27°50′25″ у. д. Ранейшыя назвы Вецярэвічы 1-я Насельніцтва 79 чалавек (2009) Часавы пояс UTC+3 Тэлефонны код +375 1713 Аўтамабільны код 5 Вецярэвічы на карце Беларусі ±

Вецярэ́вічы (трансліт.: Vieciarevičy, руск.: Ветеревичи) — вёска ў Пухавіцкім раёне Мінскай вобласці. Уваходзіць у склад Шацкага сельсавета.

Геаграфія

Знаходзіцца за 42 км на паўднёвы захад ад раённага цэнтра і чыгуначнай станцыі Пухавічы на лініі Мінск-Асіповічы, на р. Пціч.

Гісторыя

Пад уладай Расійскай імперыі

У 1897 г. працавалі хлебазапасныя магазіны, капліца, пітны дом.

На пачатку 20 ст. у Шацкай воласці Ігуменскага павета Мінскай губерні.

У 1906 г. адкрыта народнае вучылішча.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пазней вёска стала называцца Вецярэвічы 1-ыя.

З канца чэрвеня 1941 г. да 3.07.1944 г. вёска акупіравана нямецкімі войскамі.

Да 28 мая 2013 года вёска ўваходзіла ў склад Вецярэвіцкага сельсавета.

Насельніцтва

Дынаміка

• 1897 — 101 двор, 582 жыхары.
• пачатак XX ст. — 128 двароў, 721 жыхар.
• 1917 — 138 двароў, 793 жыхары.
• 1 студзеня 2002 — 50 двароў, 88 жыхароў.
• 2009 год — 79 жыхароў.

Рэлігія

• Праваслаўная царква. У вёсцы ёсць прыход іконы Божай Маці.

Турыстычная інфармацыя

Страчаная спадчына

• Капліца

Літаратура

• Гарады і вёскі Беларусі: Энцыклапедыя ў 15 тамах. Т.8 Мінская вобласць. Кн.4 / рэдкал.: Т. У. Бялова (дырэктар) і інш. — Мн.: БелЭн, 2013. — 528 с. :іл. ISBN 978-985-11-0735-9.
• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх