Селецк

Селецк
Краіна	Беларусь
Вобласць	Мінская
Раён	Пухавіцкі
Сельсавет	Шацкі
Каардынаты	53°16′08″ пн. ш. 27°52′15″ у. д.HGЯO
Насельніцтва	▼112 чал. (2019);
Часавы пояс	UTC+3
Тэлефонны код	+375 1713
Паштовыя індэксы	222817
Аўтамабільны код	5

Се́лецк^[1] (трансліт.: Sielieck), таксама Се́лец або Сяле́ц, раней частка Во́бачае — вёска ў Пухавіцкім раёне Мінскай вобласці. Уваходзіць у склад Шацкага сельсавета. Размешчана за 40 кіламетраў на паўднёвы захад ад Мар’інай Горкі, за 100 км ад Мінска.

Гісторыя

У XIX стагоддзі ўпамінаецца балота Селец, якое краязнавец Аляксандр Ельскі апісвае як вялікае балота паміж вёскамі Шчыткавічы і Парэчча, якое належыць да ўладанняў Парэчча. Балота злучаецца з багнамі Язвінка і Аджары, з яго пачынаецца рэчка Яшна (правы прыток Пцічы)^[2].

Як населеныя пункты Селец згадваецца ў 1908 годзе, было 3 аднайменныя ўрочышчы ў Амяльнянскай воласці Ігуменскага павета Мінскай губерні. Паводле перапісу 1917 года — 3 аднайменныя засценкі. Селец-2 і Селец-3 не існуюць з 1976 года.

Найноўшы час

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[3]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. 3 1935 да 1964 года і з 1968 да 1976 года цэнтр Селецкага сельсавета.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. У час акупацыі былі забіты 25 жыхароў вёскі Вобчае

У 1976 годзе да вёскі Вобчае далучаны вёскі Сялец II і Сялец III ^[4]. 9 ліпеня 1976 года вёска Вобчае перайменавана ў Селецк^[5], такім чынам Сялец I і Вобчае злучыліся ў адзін населены пункт. Вобчае ў пачатку XX стагоддзя вядома як урочышча, 20 двароў, 94 жыхары. У 1918 годзе адкрыта пачатковая школа, у якой у 1922 годзе вучыліся 33 хлопчыкі і 10 дзяўчынак.

Да 29 чэрвеня 2006 года вёска ўваходзіла ў склад Селецкага сельсавета^[6]. З 2006 года па 28 мая 2013 года ў складзе Вецярэвіцкага сельсавета^[7].

Насельніцтва

1908 год — Селец-1 — 7 двароў, 80 жыхароў; Селец-2 — 7 двароў, 29 жыхароў; Селец-3 — 5 двароў, 23 жыхары
1917 год — Селец-1 — 9 двароў, 70 жыхароў; Селец-2 — 9 двароў, 64 жыхары; Селец-3 — 9 двароў, 41 жыхар, усе беларусы
1960 год — 118 жыхароў
1999 год — 334 жыхары
2001 год — 285 жыхароў, 114 двароў^[8]
2002 год — 110 двароў, 274 жыхары
2009 год — 121 жыхар^[9]
2019 год — 112 жыхароў^[10]

Памятныя мясціны

Брацкая магіла савецкіх воінаў і партызан Другой сусветнай вайны^[8].

Крыніцы

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Сяле́ц
↑ SgKP 1889, s. 527.
↑ Вялікі гістарычны атлас Беларусі : у 4 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Мінск: Белкартаграфія. — Т. 4 / [рэд. В.Л. Насевіч]. — 270 с., іл. с. — ISBN 978-985-508-476-2. С. 19.
↑ Рашэнні выканкома Мінскага абласнога Савета дэпутатаў працоўных ад 27 мая, 10 і 25 чэрвеня, 15 і 29 ліпеня 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 23 (1505).
↑ Указ Прэзідыума Вярхоўнага Савета Беларускай ССР № 655—IX ад 9 ліпеня 1976 г. Аб перайменаванні вёскі Обчае Селецкага сельсавета Пухавіцкага раёна Мінскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 20 (1502).
↑ Решение Минского областного Совета депутатов от 29 июня 2006 г. № 222 «Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района» (руск.)
↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016. (руск.)
↑ ^а ^б БелЭн 2002.
↑ Итоговые данные переписи населения Республики Беларусь 2009 года Архівавана 2 кастрычніка 2019.
↑ Belarus (нявызн.). pop-stat.mashke.org. Праверана 15 чэрвеня 2025.

Літаратура

Селецк // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 179—180. — 2 000 экз. — ISBN 978-985-11-0735-9.
Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
Селецк // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 306. — 10 000 экз. — ISBN 985-11-0035-8. — ISBN 985-11-0238-5 (т. 14).
Jelski A. Sielec // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889. — S. 527.
Ярмоловичъ В. С. Списокъ населенныхъ мѣстъ Минской губерніи. — Минскъ: Изданіе Минскаго Губернскаго Статистическаго Комитета, 1909. — 231 с.
Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Сяле́ц

[FOOTNOTESgKP1889527-2] SgKP 1889, s. 527.

[3] Вялікі гістарычны атлас Беларусі : у 4 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Мінск: Белкартаграфія. — Т. 4 / [рэд. В.Л. Насевіч]. — 270 с., іл. с. — ISBN 978-985-508-476-2. С. 19.

[4] Рашэнні выканкома Мінскага абласнога Савета дэпутатаў працоўных ад 27 мая, 10 і 25 чэрвеня, 15 і 29 ліпеня 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 23 (1505).

[5] Указ Прэзідыума Вярхоўнага Савета Беларускай ССР № 655—IX ад 9 ліпеня 1976 г. Аб перайменаванні вёскі Обчае Селецкага сельсавета Пухавіцкага раёна Мінскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 20 (1502).

[6] Решение Минского областного Совета депутатов от 29 июня 2006 г. № 222 «Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района» (руск.)

[7] Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016. (руск.)

[FOOTNOTEБелЭн2002-8] а ^б БелЭн 2002.

[9] Итоговые данные переписи населения Республики Беларусь 2009 года Архівавана 2 кастрычніка 2019.

[10] Belarus (нявызн.). pop-stat.mashke.org. Праверана 15 чэрвеня 2025.

[1]

[2]

[3]

[4]

[5]

[6]

[7]

[8]

[9]

[10]