Замчышча (засценак)

За́мчышча — колішні засценак на правым беразе Свіслачы, цяпер у межах горада Мінска.

На поўначы ад Замчышча месціцца Архірэйская Слабада, па паўночным захадзе — Архірэйская Пустыня, на захадзе — Чыжоўка, на ўсходзе — Падлоссе.

Гісторыя

План горада Менска, 1923 г.

У канцы XIX стагоддзя засценак у Сеніцкай воласці Мінскага павета, уласнасць Варатніцкіх. У 1917 годзе фальварак Замчышча, двор, 18 жыхароў (10 беларусаў, 8 палякаў).

У 1930 годзе арыштаваны і сасланы Шаблоўскі Франц Язэпавіч (нар. 1869), уласнік аднаасобнай гаспадаркі на хутары Замшчышча, тады Самахвалавіцкага раёна Менскай акругі. Уласнасць нацыяналізаваная, тут размясціўся Дом адпачынку «Замчышча». Пасля Другой сусветнай вайны размешчанае педагагічнае вучылішча. У 1975 годзе тут утворанае Мінскае авіяцыйнае вучылішча.

Літаратура

• Jelski A. Zamczyszcze // Słownik geograficzny Królestwa Polskiego i innych krajów słowiańskich. — T. XIV: Worowo — Żyżyn. — Warszawa, 1895. — 930, 8 s.
• Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.

Спасылкі

• Остров МАТУГА. По взлётной полосе забытого Замчища (руск.). fgb.by. Архівавана з першакрыніцы 1 лістапада 2019. Праверана 11-11-2019.