Дражня (Мінск)

Вёска Дражня Дамы на месцы вёскі Дражня, 2019 г. Краіна Беларусь Вобласць Мінская Раён Мінскі Сельсавет Сляпянскі Каардынаты 53°53′37,80″ пн. ш. 27°39′25,30″ у. д. Дражня Дражня

Дражня на Вікісховішчы

Дра́жня — колішняя вёска на левым беразе ракі Слоўці (Дражні), з 1959 года ў складзе Мінска.

Гісторыя

У XIX ст. карчма ў Дражні належала Яну Эдварду Ваньковічу. У 1858 годзе фальварак, уласнасць К. Хшчановіч. У 1917 годзе ў Сенніцкай воласці Мінскага павета; 18 двароў, 102 жыхары. За 1—2 км ад Дражні месцілася карчма Дражня Ваньковіча, урочышча Дражня Бабкевіча, урочышча Дражня Хітраво і хутар Дражня. У 1930-я гады ўсе хутары аб’яднаныя ў вёску Дражню. З 1934 года ўваходзіла ў Менскі раён, Сляпянскі сельсавет. У 1959 годзе ўключана ў межы Мінска, у склад Заводскага, з 1977 года Партызанскага раёна.

Былыя вясковыя вуліцы атрымалі назву вуліца Дражня, 1-ы, 2-і, 3-і Дражненскі завулак. У канцы 1980-х — пачатку 1990-х вёскі збольшага знесеная, на яе месцы пабудаваны жылы мікрараён Дражня на рагу вуліц Ваўпшасава і Солтыса. Апошнія вясковыя дамы па вуліцы Дражня за тралейбусным дэпо № 5 знесеныя ў 2010-я гады.

Літаратура

• Дражня // Памяць: Гіст-дакум. хроніка Мінскага р-на / Гал. рэд. Беларус. Энцыкл.: Г. П. Пашкоў (гал. рэд.) і інш.. — Мінск: БелЭн, 1998. — 640 с.
• Дражня // Минск : энциклопедический справочник / Л. В. Аржаева и др.; редколлегия: И. П. Шамякин (главный редактор) и др.. — Минск: Белорусская Советская Энциклопедия, 1983. — С. 295. — 467 с. — 70 000 экз.
• Рапановіч Я. Н. Слоўнік назваў населеных пунктаў Мінскай вобласці / Рэд. П. П. Шуба. — Мінск: Навука і тэхніка, 1981. — 360 с.
• Сацукевіч І. І. Вёскі, што ўвайшлі ў склад Мінска. — nashapamiac.org. Архівавана з першакрыніцы 9 кастрычніка 2018.