Універсітэт імя біскупа Гросетэста

З пляцоўкі Вікіпедыя
Перайсці да навігацыі Перайсці да пошуку
Універсітэт імя біскупа Гросетэста
англ.: Bishop Grosseteste University
Bishop Grosseteste.JPG
Арыгінальная назва англ.: Bishop Grosseteste University
Заснаваны 1862
Год рэарганізацыі 2012
Размяшчэнне Лінкальн, Англія
Сайт bishopg.ac.uk
Commons-logo.svg Выявы па тэме на Вікісховішчы

Універсітэт імя біскупа Гросетэста (англ.: Bishop Grosseteste University) — брытанская дзяржаўная вышэйшая навучальная ўстанова са статусам універсітэта з сядзібай у горадзе Лінкальн.

Агульная характарыстыка[правіць | правіць зыходнік]

Лінкальнская дыяцэзіяльная школа для гаспадынь была заснавана ў 1862 годзе. Яна займала памяшканне былой настаўніцкай семінарыі, пабудаванай у 1842 годзе з капліцай, лекцыйнымі кабінетамі і школай педагагічнай практыкі. Пазней яна была перайменавана ў Лінкальнскі дыяцэзіяльны навучальны каледж, а ў 1962 годзе, каб адзначыць стогадовы юбілей, была перайменавана ў Каледж біскупа Гросетэста.

Каледж атрымаў сваю назву ў імя Роберта Гросетэста, дзяржаўнага дзеяча ХІІІ стагоддзя, філосафа-схаласта, тэолага, навукоўца і біскупа Лінкальна. Каледж пачаў надаваць кваліфікацыі бакалаўра адукацыі, першапачаткова зацверджаныя Нотынгемскім універсітэтам. У 1991 годзе каледж спыніў прысуджэнне ступені бакалаўра адукацыі і пачаў прысуджаць ступень бакалаўра мастацтваў з кваліфікацыяй выкладчыка.

У 2006 годзе каледж атрымаў статус універсітэцкага каледжа. У 2012 годзе адбылося змяненне заканадаўства ў дачыненні да выкарыстання наймення "ўніверсітэт", што дазволіла вышэйшым навучальным установам з больш чым 1 000 студэнтаў прэтэндаваць на статус універсітэта. Вучэльня падала заяўку на атрыманне ўніверсітэцкага статусу ў чэрвені 2012 года, а ў снежні 2013 года была афіцыйна перайменавана ва Універсітэт імя біскупа Гросетэста.

Зноскі

Спасылкі[правіць | правіць зыходнік]