Асабняк па вуліцы Міцкевіча, 26

Славутасць
Асабняк па вуліцы Міцкевіча, 26
52°05′52″ пн. ш. 23°41′16″ у. д.
Краіна	Беларусь
Горад	Брэст
Архітэктурны стыль	класіцызм
Дата пабудовы	XIX стагоддзе
Статус	Гісторыка-культурная каштоўнасць Беларусі, шыфр 112Е000002

Асабняк — будынак у Брэсце, размешчаны на рагу вуліц Міцкевіча і Савецкай, 26/13.

Гісторыя

Разам з аналагічным асабняком па вуліцы Міцкевіча, 22 пабудаваны ў сярэдзіне XIX ст. з цэглы. Належалі заможнаму роду Ягмінаў. Магчыма, асабнякі пабудаваў адзін з найбольш прагрэсіўных і адукаваных прадстаўнікоў гэтага роду Павел Ягмін (1794—1865), які таксама ўзвёў на той час арыгінальную рэзідэнцыю ў в. Вістычы пад Брэстам.

У 1999—2000 гг. праведзена рэстаўрацыя будынкаў.

У наш час у будынку размяшчаецца псіханеўралагічны дыспансер.

Архітэктура

Помнік архітэктуры з рысамі класіцызму. Мае аналагічную аб’ёмна-прасторавую кампазіцыю з асабняком па вуліцы Міцкевіча, 22, разам з якім вызначае фронт забудовы вул. Міцкевіча.

Галоўны фасад

Мае сіметрычную кампазіцыю: цэнтральная частка двухпавярховая, 2 бакавыя — аднапавярховыя. Галоўны фасад вылучаны чатырохкалонным порцікам з франтонам і балконам. Уваход па лесвіцы, прыбудаванай да тарца. Унутраная планіроўка зменена.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх