Горад Лос-Анджэлес

З пляцоўкі Вікіпедыя
Перайсці да: рух, знайсці
Горад
Лос-Анджэлес
англ.: Los Angeles
New LA Infobox Pic Montage 5.jpg
Сцяг Герб
Сцяг
Герб
LA.jpg

Каардынаты: 33°56′00″ пн. ш. 118°24′00″ з. д. / 33.933333° пн. ш. 118.4° з. д. (G) (O) (Я)33°56′00″ пн. ш. 118°24′00″ з. д. / 33.933333° пн. ш. 118.4° з. д. (G) (O) (Я)

Краіна
Плошча
1290,6 км²
Насельніцтва (2006)
3.849.378 чалавек
Шчыльнасць
3168,0 чал./км²
Агламерацыя
17.775.332 чалавек чалавек
Афіцыйны сайт

Лос-Анджэлес (ЗША)
Лос-Анджэлес
Лос-Анджэлес

Лос-А́нджэлес (англ.: Los Angeles, ісп.: Los Ángeles), горад у ЗША, на поўдні штата Каліфорнія, на беразе Ціхага акіяна. Буйнейшы па колькасці насельніцтва горад у штаце і другі (пасля Нью-Ёрка) — у краіне.

Лос-Анджэлес — адзін з буйнейшых у свеце культурных, гандлёвых, прамысловых, навуковых, адукацыйных цэнтраў.

Заснаваны 4 верасня 1781 іспанскім губернатарам Феліпе дэ Неве пад назвай El Pueblo de Nuestra Señora la Reina de los Angeles del Río de Porciúncula (Вёска нашай Пані, Царыцы анёлаў ракі Парц'юнкула). У 1821 адышоў да Мексікі, якая здабыла незалежнасць ад Іспаніі. У 1848 па сканчэнні Мексікана-амерыканскай вайны Лос-Анджэлес і Каліфорнія сталі часткай Злучаных Штатаў Амерыкі, Мексіка захавала за сабой Ніжнюю Каліфорнію (ісп.: Baja California). Лос-Анджэлес атрымаў статус муніцыпалітэта 4 красавіка 1850, за пяць месяцаў да прызнання Каліфорніі штатам ЗША.

Горад размешчаны ў зоне субтрапічнага міжземнаморскага клімата, для якой характэрныя мяккая, даволі вільготная зіма і цёплае ці гарачае, часцей за ўсё засушлівае лета. Брызы, што дзьмуць з Ціхага акіяна, робяць клімат у прыбрэжных раёнах горада больш прахладным летам і больш цёплым зімой, у параўнанні з больш кантынентальнымі раёнамі.

Лос-Анджэлес разглядаецца гарадскімі географамі як правобраз сучаснага амерыканскага метропаліса. Па ходу развіцця аўтамабільнага транспарту, лос-анджэлеская мадэль гарадской забудовы змяніла чыкагскую, што пераважала ў 19 ст. Для Лос-Анджэлеса характэрна адсутнасць адзінага гарадскога цэнтра: гістарычным цэнтрам з'яўляецца Ла-Плаза, ёсць даўнтаўн з мноствам небаскробаў, адміністрацыйныя функцыі размеркаваны паміж рознымі адасобленымі раёнамі.

Горад падзяляецца на наступныя часткі: Цэнтр, Паўночны ўсход, Істсайд, Паўднёвы Лос-Анджэлес (да 2003 — Паўднёва-цэнтральны Лос-Анджэлес), Харбар, Галівуд, Уілшыр, Вестсайд, Сан-Фернанда.

Насельніцтва 4-мільённага горада пераважна не белае: белыя складаюць 49,8% (у тым ліку белыя нелацінскага паходжання 28,7%), чорныя 9,6%, азіяты 11,3%, карэнныя амерыканцы 0,7%, амерыканцы іспанскага ці лацінаамерыканскага паходжання (любой расы) 48,5%. Паводле перапісу 2010 першай мовай для 42,2% гараджан з'яўляецца англійская, 41,7% — іспанская, 2,4% — карэйская, 2,3% — тагалог, 1,7% — армянская, 1,5% — кітайская. У Лос-Анджэлесе пражываюць выхадцы з больш як 140 краін свету, якія размаўляюць на 224 мовах. Шматнацыянальны характар горада падкрэсліваюць этнічныя анклавы — Чайнатаўн, Гістарычны Філіпінатаўн, Карэятаўн, Маленькая Арменія, Маленькая Эфіопія, Тэгеранджэлес, Маленькі Токіа, Таітаўн.

Вядомыя асобы[правіць | правіць зыходнік]

Гл. таксама[правіць | правіць зыходнік]

Спасылкі[правіць | правіць зыходнік]

Commons

Шаблон:Акруга Лос-Анджэлес Шаблон:Даліна Сан-Фернанда