Лонданскі Саўт-Банкскі ўніверсітэт

Лонданскі Саўт-Банкскі ўніверсітэт
англ.: London South Bank University
Арыгінальная назва	англ.: London South Bank University
Заснаваны	1982
Год рэарганізацыі	1992
Студэнты	17 600
Размяшчэнне	Лондан
Сайт	lsbu.ac.uk
Медыяфайлы на Вікісховішчы

Лонданскі Саўт-Банкскі ўніверсітэт (англ.: London South Bank University) — брытанская дзяржаўная даследчая вышэйшая навучальная ўстанова са статусам універсітэта з сядзібай у Лондане.

Агульная характарыстыка

Універсітэт знаходзіцца ў лонданскім раёне Саўтварк, недалёка ад паўднёвага берага ракі Тэмзы (мясцовасць Саўт-Банк), ад якой і атрымаў сваю назву (англ.: South Bank літаральна значыць "паўднёвы бераг"). Заснаваны ў 1892 годзе як політэхнічны інстытут, ён атрымаў статус універсітэта ў 1992 годзе ў адпаведнасці з брытанскім законам аб дадатковай і вышэйшай адукацыі.

У верасні 2003 года ўніверсітэт змяніў назву на сучасную і з тых часоў адкрыў некалькі новых цэнтраў, уключаючы школу аховы здароўя і сацыяльнай дапамогі, цэнтр эфектыўнай і аднаўляльнай энергіі, новы студэнцкі цэнтр, цэнтр прадпрыемстваў і новы медыяцэнтр. Ва ўніверсітэце навучаецца каля 17 тысяч студэнтаў і працуе каля 1 700 супрацоўнікаў.

У лістападзе 2016 года ўніверсітэт быў названы прадпрымальніцкім універсітэтам года па версіі "Times Higher Education Awards". У 2017 годзе ў рамках праграмы выкладання перадавога вопыту ўніверсітэту быў прысвоены "срэбны" ўзровень.

Cтруктура

• Школа прыкладных навук
• Школа мастацтваў і крэатыўных індустрый
• Школа навакольнага асяроддзя і архітэктуры
• Школа бізнесу
• Школа інжынерыі
• Школа аховы здароўя і сацыяльнай дапамогі
• Школа права і сацыяльных навук

Спасылкі

• На Вікісховішчы ёсць медыяфайлы па тэме Лонданскі Саўт-Банкскі ўніверсітэт
• Афіцыйная інтэрнэт-старонка ўстановы