Новасібірск

Горад Новасібірск руск.: Новосибирск Герб Сцяг Краіна Расія Каардынаты 55°02′00″ пн. ш. 82°55′00″ у. д. Кіраўнік Анатоль Яўгенавіч Локаць Заснаваны 1893 Першае згадванне 1893 Плошча 500 км² Вышыня цэнтра 150 м Водныя аб’екты Рака Об і Inya[d] Насельніцтва 1 391 900 чалавек Часавы пояс UTC+7, омскі час і краснаярскі час Тэлефонны код +7 383 Паштовы індэкс 630000–630992, 901073, 901077 Афіцыйны сайт новосибирск.рф Новасібірск на карце Расіі

Медыяфайлы на Вікісховішчы

Новасібірск (руск.: Новосибирск) — горад у Расіі, адміністрацыйны цэнтр Новасібірскай вобласці, цэнтр Сібірскай федэральнай акругі. Стаіць на рацэ Об. Заснаваны ў 1893 годзе. Горад з 1903 года. З 1895 па 1925 называўся Нова-Нікалаеўск (пры савецкай уладзе пісалася Нованікалаеўск). У 1925-30 гадах — цэнтр Сібірскага краю.

Новасібірск — буйнейшы прамысловы, транспартны, навуковы і культурны цэнтр Сібіры, знаходзіцца ў 3303 км ад Масквы. Размешчаны на Прыобскім плато, якое прымыкае да даліны ракі Об, ля вадасховішча, якое было ўтворана плацінай Новасібірскай ГЭС.

Новасібірск — трэці горад у Расіі па колькасці насельніцтва (1 397 тыс. чал.) пасля Масквы і Санкт-Пецярбурга.

Клімат кантынентальны. Сярэднегадавая тэмпература паветра +0,2^oC. Чыгуначная станцыя на Транссібірскай магістралі. У горадзе значная колькасць ВНУ і каля паўсотні навукова-даследчых інстытутаў (у асноўным яны сканцэнтрыраваны ў Акадэмгарадку — частцы Савецкага раёна Новасібірска, якая размешчана на адлегласці каля 20 км ад асноўнага гарадскога контуру).

Транспарт

Чыгуначны вакзал Новасібірск-Галоўны

З Новасібірска пачынаецца магістральная федэральная аўтамабільная дарога М52 «Чуйскі тракт». У горадзе працуюць Новасібірскі метрапалітэн і Новасібірскі трамвай.

Вядомыя асобы

Асноўны артыкул: Вядомыя асобы Новасібірска

• Уладзімір Юр'евіч Анцюфееў
• Любоў Пятроўна Баннава (нар. 1953) — беларускі архітэктар.
• Уладзімір Георгіевіч Булатаў
• Алёна Ігараўна Заварзіна
• Андрэй Пятровіч Звягінцаў
• Альберт Канстанцінавіч Зензін (1940—1984) — беларускі архітэктар.
• Людміла Аляксандраўна Жлоба (нар. 1947) — беларускі архітэктар.
• Юрый Іванавіч Івашчанка (нар. 1943) — беларускі архітэктар.
• Уладзімір Дзмітрыевіч Маркаў (нар. 1936) — беларускі архітэктар.
• Валянцін Сяргеевіч Кароўкін
• Вячаслаў Глебавіч Купрыянаў
• Андрэй Мукавозчык (нар. 1963) — беларускі калумніст.
• Васіль Васільевіч Нікіфараў
• Іосіф Мацвеевіч Панамароў (нар. 1936) — беларускі архітэктар.
• Андрэй Уладзіміравіч Панін
• Барыс Сямёнавіч Папоў (нар. 1940) — беларускі архітэктар.
• Аляксандр Барысавіч Пушны
• Аляксей Іванавіч Сарокін (нар. 1938) — беларускі архітэктар.
• Аляксандр Леанідавіч Сахно (нар. 1939) — беларускі архітэктар.
• Станіслаў Нічыпаравіч Князеў (нар. 1948) — беларускі дзяржаўны дзеяч, юрыст, гісторык. Доктар юрыдычных навук (2005), прафесар права (2001). Генерал-маёр (1994).

Літаратура

• Новасібірск // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 361. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Новасібірск
• Афіцыйны сайт