Еўрапейскі вяшчальны саюз
Еўрапейскі вяшчальны саюз, ЕВС (англ.: European Broadcasting Union, EBU; фр.: Union Européenne de Radio-Télévision, UER) — еўрапейская арганізацыя, найбуйнейшае аб’яднанне нацыянальных вяшчальных арганізацый у свеце. Галоўны офіс размешчаны ў Жэневе (Швейцарыя). Арганізацыя створана 12 лютага 1950 года 23-ма еўрапейскімі тэле- і радыёкампаніямі міжземнаморскага рэгіёну.
Па стане на пачатак 2026 года ў склад арганізацыі ўваходзяць 68 членаў, у якіх прымае ўдзел 113 членскіх арганізацый з 56 краін[1], і 28 партнёраў з 18 краін[2].
ЕВС з’яўляецца арганізатарам штогадовых конкурсаў «Еўрабачанне», «Дзіцячае Еўрабачанне» і «Танцавальнае Еўрабачанне». Саюз таксама ўладальнік ўсёй інтэлектуальнай уласнасці, што ствараецца ў рамках конкурсу «Еўрабачанне».
Гісторыя
[правіць | правіць зыходнік]З 1993 года Белтэлерадыёкампанія з’яўлялася членам Еўрапейскага вяшчальнага саюза. 28 мая 2021 года ЕВС прыпыніў яе членства[3], а 30 чэрвеня 2021 года выключыў яе з членаў арганізацыі[4].
У лютым 2022 года арганізатары конкурсу «Еўрабачанне» адхілілі Расію ад удзелу ў ім[5]. 26 мая 2022 года расійскія члены Еўрапейскага вяшчальнага саюза былі выключаны з яго складу[6].
Крыніцы
[правіць | правіць зыходнік]- ↑ Our members. Members
- ↑ Our members. Assosiates
- ↑ Європейська мовна спілка призупинила членство Білорусі в організації (укр.). Детектор медіа (28 мая 2021). Праверана 28 мая 2021.
- ↑ Белтэлерадыёкампанію выключылі з Еўрапейскага вяшчальнага саюза . Еўрапейскае радыё для Беларусі (30 чэрвеня 2021). Архівавана з першакрыніцы 1 ліпеня 2021. Праверана 1 ліпеня 2021.
- ↑ Организаторы «Евровидения» отстранили Россию от участия в конкурсе
- ↑ Скучает ли «Евровидение» по России?
| Фота, відэа і аўдыё | |||||
|---|---|---|---|---|---|
| Тэматычныя сайты | |||||
| Слоўнікі і энцыклапедыі | |||||
| |||||
