Конкурс песні Еўрабачанне 2018

З пляцоўкі Вікіпедыя
Jump to navigation Jump to search
Конкурс песні Еўрабачанне 2018
ESC-Lisbon 2018.png
Дата
1-ы паўфінал 8 мая 2018
2-і паўфінал 10 мая 2018
Фінал 12 мая 2018
Правядзенне
Месца правядзення Партугалія Лісабон, Партугалія, Алтыс-Арэна
Вядучы(я) Катарына Фуртада
Даніэла Руа
Сільвія Альберта
Філамена Каутела
Дырэктар Ён Ола Санд
Тэлеканал гаспадароў RTP
Удзельнікі
Колькасць краін 43
Дэбют няма
Вяртанне Сцяг Расіі Расія
Карта
ESC 2018 Map.svg

     Краіны, якія прайшлі ў фінал      Краіны, якія не прайшлі ў фінал      Краіны, якія ўдзельнічалі раней

Галасаванне
Сістэма галасавання 50 % тэлеглядачы + 50 % журы. Кожная краіна 2 разы дае 1-8, 10, 12 балаў 10 песням: асобна журы, і асобна тэлегладачы
Конкурс песні Еўрабачанне
2017 Wiki Eurovision Heart (Infobox).svg 2019

Конкурс песні Еўрабачанне 2018 (англ.: Eurovision Song Contest 2018, фр.: Concours Eurovision de la chanson 2018, парт.: Festival Eurovisão Da Canção 2018) — 63‑і конкурс песні «Еўрабачанне», які ўпершыню праходзіў у Партугаліі, у горадзе Лісабон, дзякуючы перамозе Салвадора Сабрала з песняй «Amar pelos dois» на конкурсе мінулага года, які праходзіў ў горадзе Кіеў, Украіна. Першы і другі паўфіналы адбыліся 8 і 10 мая, фінал — 12 мая 2018 года.

На Еўрабачанні-2018 па суме галасоў ад тэлегледачоў і нацыянальных журы перамагла прадстаўніца Ізраіля Нэта Барзілай з пацешнай песняй «Toy» («Цацка»)[1][2][3]. Тэлегледачы з вялікім адрывам паставілі яе на першае месца, а журы — на трэцяе.

Месца правядзення[правіць | правіць зыходнік]

Месца правядзення конкурсу, Алтыс-Арэна у Лісабоне, Партугалія

Дзякуючы перамозе Салвадора Сабрала на «Еўрабачанні 2017» з песняй «Amar pelos dois», конкурс прымала краіна-пераможца — Партугалія. Арганізацыяй конкурсу займаўся RTP[4]. Выканаўчы супервайзер конкурсу Ён Ола Санд на прэс-канферэнцыі пераможца прапанаваў партугальскаму вяшчальніку распачаць працэс адбору кандыдатаў на правядзенне конкурсу так, як гэта рабілася раней іншымі краінамі[4]. 15 мая 2017 года RTP пацвердзіў, што месцам правядзення конкурсу будзе горад Лісабон, аднак канчатковае рашэнне было прынята пазней[5].

Выбар месца правядзення[правіць | правіць зыходнік]

Асноўныя патрабаванні на конт выбару горада-гаспадара былі выказаны ў дакуменце, які Еўрапейскі вяшчальны саюз перадаў RTP пасля перамогі Партугаліі на конкурсе ў Кіеве:[6]

  • Месца, якое ўмяшчае каля 10000 глядачоў.
  • Міжнародны прэс-цэнтр, для 1500 журналістаў, з роўнымі магчымасцямі для ўсіх дэлегатаў.
  • Зручнае размеркаванне гатэляў (з рознымі коштавымі катэгорыямі), якое дазваляе размясціць не менш за 2000 дэлегатаў, акрэдытаваных журналістаў і гледачоў.
  • Эфектыўная транспартная інфраструктура, якая ўключае найбліжэйшы міжнародны аэрапорт з лёгка даступнымі злучэннямі з горадам, месцам правядзення і гатэлямі.


Акрамя Лісабону, іншыя гарады таксама заявілі, што жадаюць правесці у сябе: Брага, Эшпінью, Фару, Гандамар, Гімарайнш, і Санта-Мары-да-Фэйра.[7][8][9] Мэр горада Порту, Руі Марэйра, заявіў што не зацікаўлены ў тым, каб "марнаваць мільёны даляраў на правядзенне конкурсу",[10] але паабяцаў падтрымаць заяўку Вялікага Порту (Гандамар, Санта-Марыя-да-Фэйра, Эшпінью).[8]

13 чэрвеня 2017 года прадстаўнікі RTP сустрэліся з рэферэнс-групай еўрабачання ў штаб-кватэры ЕВС ў Жэневе. Падчас сустрэчы афіцыйныя асобы RTP, наведалі семінар, які быў прысвечаны некалькім тэмам, звязаным з правядзеннем конкурсу песні Еўрабачанне і перанялі вопыт украінскай тэлекампаніі НСТУ. Таксама яны мелі магчымасць прэзентаваць свае планы па правядзенню конкурса,у тым ліку і прапановы на конт месца правядзення.[11]

25 ліпеня 2017 года ЕВС і RTP абвесцілі пра тое, што ў выніку конкурсу горадам для правядзення конкурсу быў абраны Лісабон.[12] Акрамя таго RTP назвала Парк нацый, дзе знаходзіцца Алтыс Арэна, месцам правядзення.[13]


Горад Арэна Ёмістасць Дад. інфармацыя
Брага Выставачная зала Брагі 15 000 (пасля рамонту) Адкрыты ў 1981 годзе, у 1987 годзе пашыраны, ёмістасць складала 3000 чалавек.[14] У 2017 годзе пачаўся рамонт выставачнага цэнтра, яго ізноў пашырылі. Такім чынам ёмістасць яго павялічылася да 15 000 чалавек.[15]
Гандамар Арэна Залатое сэрца 8 000 Шматфункцыянальная крытая арэна, адкрытая ў 2007 годзе з агульнай ёмістасцю 8000 чалавек, (4400 месцаў).[16] Праводзіла Чэмпіянат Еўропы па футзалу 2007.[17]
Гімарайнш Шматмэтавы павільён Гимарайнша 10 000 Шматмэтавая арэна, адкрытая ў 2001 годзе, з агульнай ёмістасцю 10 000 чалавек (3000 месцаў).[18] 4 сакавіка 2018 праводзіла нацыянальны адбор на конкурс песні Еўрабачанне.[19]
Лісабон[20] Алтыс-Арэна 20 000 Шматмэтавы крыты стадыён быў адкрыты ў 1998 годзе, гэта самае вялікае крытае месца краіны з агульнай ёмістасцю 20000 чалавек. Праводзіў Сусветную выставу (1998)[21], Чэмпіянат свету па баскетболе сярод юнакоў да 19 гадоў (1999 г.)[22], Фінал Сусветнага Тура ATP (2000)[23], Чэмпіянат свету па лёгкай атлетыцы ў памяшканні (2001)[24], Чэмпіянат свету па гандболе сярод мужчын (2003)[25], Цырымонію MTV EMA (2005)[26], «Фінал чатырох» кубка УЕФА па міні-футболе (2001/2002, 2009/2010 і 2014/2015)[27] і мноства канцэртаў.
Санта-Мары-да-Фэйра Еўрапарк 11 000 Праводзіў партугальскі нацыянальны адбор Festival da Canção (2001), а таксама мноства іншых канцэртаў і міжнародных мерапрыемстваў[28].

Арганізацыя конкурсу[правіць | правіць зыходнік]

Змены ў правілах[правіць | правіць зыходнік]

Еўрапейскі вяшчальны саюз унёс змены ў рэгламент конкурсу. Па новых правілах, краіны-удзельнікі не маюць права адпраўляць выканаўцаў або дэлегатаў, якім забаронена наведваць краіну-гаспадара. Таксама тэлеканал-арганізатар, абавязаны арганізаваць выступ усіх удзельнікаў ужывую на сцэне.

Па новых правілах, тэлеканал-арганізатар павінен выконваць усе тэрміны, якія ўсталяваныя ЕВС. Пры парушэнні тэрмінаў, ЕВС мае права перадаць конкурс іншай краіне.

Змены датычыліся і нацыянальных журы. Члены журы павінны галасаваць цалкам незалежна, справядліва, аб'ектыўна, выкарыстоўваючы свае прафесійныя навыкі. Член журы не павінен быць звязаны з удзельнікам або аўтарам песні[29][30].

Арганізатары конкурсу змянілі падлік галасоў журы. Калі раней адзін з пяці членаў журы ставіў песню на апошняе месца, а астатнія - на першае, то гэта пазбаўляла магчымасці песні атрымаць 12 балаў. Цяпер жа меркаванне аднаго члена журы паасобку, будуць маць меньшую вагу, у параўнанні з меркаваннем большасці. Іншымі словамі, чым ніжэй ставіць песню , тым меней шанец паўплываць на агульны вынік, чым вышэй — тым уплыў яго меркавання большы[31].

Фармат[правіць | правіць зыходнік]

Дызайн[правіць | правіць зыходнік]

Дванаццаць дадатковых эмблем конкурса Еўрабачанне 2018.

Слоган конкурсу, All Aboard! (бел. «Усе на борт!»), быў прэзентаваны на прэс-канферэнцыі, якая прайшла 7 лістапада 2017 года у Лісабонскім акіянарыуме [32] Візуальны дызайн быў створаны на аснове марскіх матываў, бо Партугалія знаходзіцца на ўзбярэжжы Атлантычнага акіяну. Разам з асноўным лагатыпам, на якім намалявана стылізаваная ракавіна, былі распрацаваны дванаццаць дадатковых эмблемаў, якія сімвалізуюць розныя аспекты марской экасістэмы. Ён Ола Санд адзначыў, што тэма і лагатып конкурсу рэзаніруюць з гісторыяй Лісабона і падкрэсліваюць асноўныя каштоўнасці конкурса Еўрабачанне, уключаючы нашую разнастайнасць. Акіян злучае нас усіх. Яго разнастайнасць можа забяспечыць натхненне для ўсіх удзельнікаў конкурсу, якіх яны з нецярпеннем чакаюць у Лісабоне ў маі наступнага года. [33]

Зноскі

  1. belsat.eu
  2. zviazda.by
  3. nn.by
  4. 4,0 4,1 Escudero, Victor M.; Paul Jordan, Yullia Kryvinchuk Winner's Press Conference with Portugal's Salvador Sobral (англ.) . Еўрапейскі вяшчальны саюз (ЕВС) (14 мая 2017). Праверана 14 мая 2017.
  5. RTP vai organizar o próximo Festival da Eurovisão (парт.) . RTP (15 мая 2017). Праверана 16 мая 2017.
  6. What does it take to become a Eurovision host city? , eurovision.tv, EBU (30 July 2017). Праверана 30 ліпеня 2017.
  7. Afinal onde se vai realizar o festival da Eurovisão 2018? (Portuguese), SIC Notícias (16 May 2017). Праверана 23 мая 2017.
  8. 8,0 8,1 Espinho entra na corrida para receber Festival Eurovisão em 2018 (Portuguese), SAPO Notícias (31 May 2017). Праверана 31 мая 2017.
  9. ESC2018: Braga quer conhecer caderno de encargos da Eurovisão (Portuguese) (5 June 2017). Праверана 6 чэрвеня 2017.
  10. Andrade, Sérgio RTP ainda não escolheu palco para o Festival Eurovisão 2018 (Portuguese) (16 мая 2017). Архівавана з першакрыніцы 17 мая 2017. Праверана 22 мая 2017.
  11. A new chapter: Portuguese delegation meets the Reference Group. EBU (14 чэрвеня 2017). Архівавана з першакрыніцы 14 чэрвеня 2017. Праверана 27 чэрвеня 2017.
  12. Lisbon revealed as Host City of the 2018 Eurovision Song Contest!. Eurovision.tv. Архівавана з першакрыніцы 25 ліпеня 2017. Праверана 25 ліпеня 2017.
  13. Festival Eurovisão da Canção 2018 vai decorrer no Parque das Nações (парт.) , Rádio e Televisão de Portugal (25 July 2017). Праверана 25 ліпеня 2017.
  14. BEP – Braga Exhibition Park. InvestBraga. Архівавана з першакрыніцы 5 жніўня 2017. Праверана 5 жніўня 2017.
  15. Câmara de Braga em conversações com RTP para acolher Festival da Eurovisão (парт.) , Press Minho (5 June 2017). Праверана 5 жніўня 2017.
  16. Multiusos de Gondomar Coração de Ouro (парт.) . Câmara Municipal de Gondomar (Gondomar City Hall). Архівавана з першакрыніцы 10 жніўня 2017. Праверана 9 жніўня 2017.
  17. Multiusos Gondomar Coração de Ouro. UEFA (6 чэрвеня 2007). Архівавана з першакрыніцы 21 лістапада 2007. Праверана 9 жніўня 2017.
  18. Multiusos de Guimarães (парт.) . Архівавана з першакрыніцы 10 жніўня 2017. Праверана 9 жніўня 2017.
  19. Portugal: Guimarães to host Festival da Canção 2018 , Eurovoixdate=25 July 2017 . Праверана 27 ліпеня 2017.
  20. ESC'18 organisers suggest MEO Arena as venue. Eurovoix (14 мая 2017). Архівавана з першакрыніцы 16 мая 2017. Праверана 15 мая 2017.
  21. Nash, Elizabeth Expo 98: Lisbon dreams of turning wasteland into lasting beauty (англ.) . The Independent (30 студзеня 1998). Праверана 15 мая 2017.
  22. 1999 World Championship for Junior Men (англ.) . FIBA (25 ліпеня 1999). Праверана 15 мая 2017.
  23. Ribeiro, Hugo Masters Lisboa 2000 deixou imagem forte (парт.) . Diário de Notícias (5 лістапада 2010). Праверана 16 мая 2017.
  24. Santos, Norberto Atletismo à porta do Pavilhão Atlântico (парт.) . Record[en] (23 лютага 2000). Праверана 16 мая 2017.
  25. Andebol: Croácia Campeã do Mundo (парт.) . Correio da Manhã[en] (2 лютага 2003). Праверана 16 мая 2017.
  26. NME MTV Europe Music Awards announce 2005 venue (англ.) . NME (8 снежня 2004). Праверана 15 мая 2017.
  27. Lusa Benfica organiza final da Taça UEFA de futsal (парт.) . SIC Notícias[en] (29 студзеня 2010). Праверана 16 мая 2017.
  28. Apresentação Europarque (парт.) . Еўрапарк[pt] (3 ліпеня 2017). Праверана 18 мая 2017.
  29. После скандала с Самойловой на конкурсе Евровидение вводят новые правила - 24 Канал. 24 Канал. Праверана 15 снежня 2017.
  30. "Евровидение" изменило правила конкурса после скандала с Самойловой (ru-RU), ТВ Центр - Официальный сайт телекомпании . Праверана 15 снежня 2017.
  31. Subtle but significant: EBU changes weight of individual jury rankings - Eurovision Song Contest Lisbon 2018. eurovision.tv. Праверана 28 красавіка 2018.
  32. ESC 2018: RTP anuncia amanhã novidades sobre a Eurovisão (парт.) . ESC Portugal (6 лістапада 2017). Архівавана з першакрыніцы 25 снежня 2017. Праверана 25 снежня 2017.
  33. All Aboard! Lisbon welcomes 42 countries to Eurovision 2018 , Eurovision Song Contest .

Спасылкі[правіць | правіць зыходнік]