Конкурс песні Еўрабачанне 2016

З пляцоўкі Вікіпедыя
Перайсці да: рух, знайсці

Конкурс песні Еўрабачанне 2016 (англ.: Eurovision Song Contest 2016; фр.: Concours Eurovision de la chanson 2016; шведск.: Eurovisionsschlagerfestivalen 2016) — 61-ы конкурс песні «Еўрабачанне», які адбыўся ў Стакгольме (Швецыя). Краіна стала пераможцай папярэдняга конкурсу «Еўрабачанне 2015», які прайшоў у Вене (Аўстрыя) з песняй «Heroes» у выкананні Монса Сельмерлёва, які набраў 365 балаў. Даты для абодвух паўфіналаў — 10 мая і 12 мая, фіналу конкурсу — 14 мая 2016 года. Швецыя прымала ў сябе конкурс шосты раз, краіне спатрэбілася 3 гады для таго, каб паўтарыць поспех 2012 года, дзе пераможцам стала Ларын. Конкурс праводзіла шведская нацыянальная тэлерадыёкампанія SVT пад кіраўніцтвам Еўрапейскага вяшчальнага саюза.

У конкурсе ўзялі удзел 42 краіны. Пра гэта стала вядома 26 лістапада 2015 года. Балгарыя, Боснія і Герцагавіна, Украіна і Харватыя вярнуліся на конкурс. Краіна-дэбютант мінулага года Аўстралія працягвае свой удзел. Партугалія адмовілася ад удзелу ў дадзеным годзе, Румынію адхілілі з-за запазычанасцей перад Еўрапейскім вяшчальным саюзам, яшчэ 14 краін працягнулі няўдзел з мінулых гадоў.

У ліпені 2015 года «Эрыксан-Глоб» была абрана мясцовай тэлерадыёкампаніяй пляцоўкай для правядзення «Еўрабачання».

«Эрыксан-Глоб» — гэта 85-мятровая арэна ў сталіцы Швецыі — Стакгольме, якая знаходзіцца ў мікрараёне Глобен-Сіці, створаным адмыслова для яе, а таксама найбуйнейшае сферычнае збудаванне ў свеце, месца правядзення канцэртаў і спартыўных мерапрыемстваў. Арэна можа адначасна змясціць 16 000 гледачоў.

Раней Швецыя праводзіла ў сябе Еўрабачанне пяць разоў: у 1975, 1985, 1992, у 2000 і ў 2013 гадах. Такім чынам, Швецыя праводзіць «Еўрабачанне» ў шосты раз, пры гэтым Стакгольм робіцца горадам-«гаспадаром» у трэці раз.

Гл. таксама[правіць | правіць зыходнік]