Конкурс песні Еўрабачанне 2023

Конкурс песні Еўрабачанне 2023
Дата
1-ы паўфінал	9 мая 2023
2-і паўфінал	11 мая 2023
Фінал	13 мая 2023
Правядзенне
Месца правядзення	Вялікабрытанія, Ліверпул, Liverpool Arena
Тэлеканал гаспадароў	BBC
Удзельнікі
Колькасць краін	34 (на дадзены момант)
Адмовіліся ад удзелу	Балгарыя Паўночная Македонія Чарнагорыя
Карта
Галасаванне
Сістэма галасавання	50 % тэлеглядачы + 50 % журы. Кожная краіна 2 разы дае 1-8, 10, 12 балаў 10 песням: асобна журы, і асобна тэлегладачы
Конкурс песні Еўрабачанне
◄2022 2024►

Конкурс песні Еўрабачанне-2023 — маючы адбыцца 67-ы конкурс песні «Еўрабачанне», які будзе праведзены ў Ліверпулі (Вялікабрытанія) ад імя Украіны. На конкурсе 2022 года, які прайшоў у Турыне, Італія перамогу атрымала Украіна, якую прадстаўляла група Kalush Orchestra з песняй «Stefania». 17 чэрвеня 2022 года Еўрапейскі вяшчальны саюз (ЕВС) абвясціў, што «Еўрабачанне-2023» не будзе праведзена ва Украіне ў сувязі з сітуацыяй у краіне. 25 ліпеня 2022 года ЕВС пацвердзіў, што конкурс замест Украіны адбудзецца ў Вялікабрытаніі. Упершыню з 1980 года конкурс не будзе праходзіць у краіне-пераможцы.

Першы і другі паўфіналы адбудуцца 9 і 11 мая, а фінал — 13 мая 2023 года

Месца правядзення

Па традыцыі краіна, якая перамагла, прымае ў сябе наступны конкурс, аднак з-за ўварвання Расіі ва Украіну Еўрапейскі вяшчальны саюз (ЕВС) 17 чэрвеня 2022 года выступіў з заявай:

«Пасля аб’ектыўнага аналізу рэферэнтная група і кіруючая рада ЕВС з глыбокім шкадаваннем прыйшлі да высновы, што, улічваючы бягучыя абставіны, UA:PBC не можа выканаць гарантыі бяспекі, неабходныя вяшчальніку для правядзення, арганізацыі і вытворчасці песеннага конкурсу „Еўрабачанне“ ў адпаведнасці з правіламі ЕВС». У сувязі з такім рашэннем і правіламі Еўрабачання, ЕВС пачынае перамовы з ВПС для правядзення конкурсу ў Вялікабрытаніі.

Разам з тым, у выпадку немагчымасці правядзення «Еўрабачання-2023» ва Украіне, пра сваю гатоўнасць прыняць мерапрыемства заявілі і вяшчальнікі з наступных краін: Італія, Іспанія (якія пазней адклікалі сваю заяўку), Нідэрланды, Польшча, Швецыя і Бельгія. 25 ліпеня 2022 года ЕВС пацвердзіў, што конкурс будзе праводзіцца ў Вялікабрытаніі, адначасова з гэтым стартаваў працэс пошуку горада-арганізатара. Паведамлялася, што ўкраінская грамадская тэлерадыёкампанія Suspilne адмовілася ад сваіх пярэчанняў, прадстаўленых раней. Арганізатары прыйшлі да высновы, што мерапрыемства немагчыма правесці бяспечна, пакуль краіна знаходзіцца ў стане вайны з Расіяй, што раней выклікала рэзкую рэакцыю ўкраінскага ўрада, які заявіў, што прадставіў рабочы план па забеспячэнні бяспекі.

Іншыя краіны і адмовы

13 кастрычніка вяшчальнік Балгарыі на конкурсе «Еўрабачанне» ў сваім Twitter-акаўнце пацвердзіў, што не прыме ўдзел у 2023 годзе.

14 кастрычніка вяшчальнікі дзвюх краін — Чарнагорыі і Паўночнай Македоніі — таксама пацвердзілі, што яны не возьмуць удзел на конкурсе ў Ліверпулі у 2023 годзе.