Мая малітва (1912)

Мая малітва
Жанр	верш
Аўтар	Янка Купала
Мова арыгінала	беларуская
Дата напісання	1912
Апублікаваны ў	Наша Ніва
Тэкст твора ў Вікікрыніцах

«Мая малітва» — верш Янкі Купалы, напісаны ў 1912 годзе і ўпершыню апублікаваны ў газеце «Наша Ніва».

Апісанне

У развіццё спецыфічнага для мастакоўскага светапогляду пантэістычнага светапогляду, паэт кажа: малюся свабоднаму ветру, малюся агню, малюся жывучай вадзіцы. Гэты верш, іншыя творы з прыкметамі мастацкага пантэізму сёй-той прыняў за паганства, ці, прынамсі, за схільнасць паэта да паганскай аксіялогіі. Вульгарны сацыялагізм падтасаваў багаборчыя матывы Купалы пад бальшавіцкі атэізм.

Мастацкія ўвасабленні

У 1994 годзе спалучаны і крыху зменены тэкст двух аднайменных вершаў Я. Купалы «Мая малітва» (прыпеў узяты з верша 1912 года, а асноўны тэкст — з ранняга верша 1906 года, пры гэтым у прыпеве слова «загон» замененае на слова «народ», а замест Купалавага «распетаю душой» ужыта акрэсленне «распятаю») паклаў на музыку кампазітар, удзельнік гурта «Песняры» А. Моўчан. Выконваў песню «Малітва» кіраўнік гурта Ул. Мулявін.

Значэнне

Крытыкі адзначалі праграмнасць купалаўскага верша не толькі для самога аўтара, але і для ўсёй беларускай літаратуры перыяду нацыянальнага Адраджэння:

Верш «Мая малітва» — праграмны твор, credo беларускае літаратуры перыяду нацыянальнага Адраджэння. І не толькі прыгожага пісьменства, а таксама яго айчыннай крыніцы — аўтэнтычнай народнай культуры, дзе пакланяліся Богу і яго дасканаламу твору — Сонцу, Зямлі, Космасу. Ул. Конан

Літаратура

• Конан, Уладзімір. Жанр малітвы ў паэзіі Янкі Купалы (нявызн.) (вэбсайт). Наша Вера (2004). Праверана 9 мая 2013.

Спасылкі

• Гуказапіс песні «Малітва» гурту «Песняры» на сайце YouTube