Субрахманьян Чандрасекар

Субрахманьян Чандрасекар
там.: சுப்பிரமணியன் சந்திரசேகர
Дата нараджэння	19 кастрычніка 1910(1910-10-19)
Месца нараджэння	Лахор, Пенджаб, Брытанская Індыя, Злучанае каралеўства Вялікабрытаніі і Ірландыі
Дата смерці	21 жніўня 1995(1995-08-21) (84 гады)
Месца смерці	Чыкага, ЗША
Грамадзянства	ЗША
Род дзейнасці	матэматык, фізік, астраном
Навуковая сфера	астрафізіка
Месца працы	Чыкагскі ўніверсітэт
Альма-матар	Трыніці-каледж[d] Мадраскі ўніверсітэт[d] Прэзідэнцкі каледж у Чэнаі[d]
Навуковы кіраўнік	Ральф Фаўлер
Узнагароды і прэміі	Нобелеўская прэмія па фізіцы (1983)
Подпіс
Субрахманьян Чандрасекар на Вікісховішчы

Субрахманьян Чандрасекар (Subrahmanyan Chandrasekhar; 19 кастрычніка 1910, г. Лахор, Індыя, цяпер у Пакістане — 21 жніўня 1995) — амерыканскі астрафізік-тэарэтык. Член Каралеўскага астранамічнага таварыства (1933), Лонданскага каралеўскага таварыства (1944), Нацыянальнай АН ЗША (1955).

Скончыў Мадраскі ўніверсітэт (1930) і Кембрыджскі ўніверсітэт (1933). 3 1936 у ЗША. 3 1937 ў Чыкагскім універсітэце (у 1937—64 у Ёркскай абсерваторыі).

Навуковыя працы па ўнутранай будове і дынаміцы зорак, радыяцыйным пераносе, гідрадынамічнай і гідрамагнітнай устойлівасці, агульнай тэорыі адноснасці. Даказаў існаванне гранічнай масы для белых карлікаў (1931), пасля перавышэння якой пачынаецца гравітацыйны калапс. Распрацаваў тэорыю зорак з ізатэрмічным ядром (тэорыя Чандрасекара — Шонберга, 1942). Даследаваў мвханізмы пераносу і рассеяння выпрамянення ў планетных атмасферах (тэорыя Козырава — Чандрасекара, 1934; эфект Собалева — Чандрасекара, 1946).

Нобелеўская прэмія па фізіцы 1983 (з У. А. Фаўлерам). Нацыянальны навуковы медаль ЗША (1966). Яго імем названы малая планета і касмічная рэнтгенаўская абсерваторыя «Чандра», запушчаная НАСА у 1999.

Літаратура

• Касцюковіч М. Чандрасекар // БЭ ў 18 т. Т. 17. Мн., 2003. С. 215.

Спасылкі

• Інфармацыя з сайта Нобелеўскага камітэта (англ.)