Уладзімеж Цімашэвіч

Уладзімеж Цімашэвіч
Włodzimierz Cimoszewicz
47-ы Старшыня Савета Міністраў Польшчы 7 лютага 1996 — 31 кастрычніка 1997
Прэзідэнт	Аляксандр Квасьнеўскі
Папярэднік	Юзаф Алексы
Пераемнік	Ежы Бузек
15-ы Маршал Сойма Польшчы 5 студзеня 2005 — 18 кастрычніка 2005
Папярэднік	Юзаф Алексы
Пераемнік	Марак Юрак
Нараджэнне	13 верасня 1950(1950-09-13) (74 гады) Варшава
Дзеці	Томаш Цімашэвіч[d]
Нацыянальнасць	Паляк
Веравызнанне	каталік
Партыя	Беспартыйны
Член у	Парламенцкая асамблея Савета Еўропы Саюз сацыялістычнай моладзі[d] Саюз польскіх студэнтаў[d] Сацыялістычны саюз польскіх студэнтаў[d]
Адукацыя	факультэт права і адміністрацыі Варшаўскага ўніверсітэта[d] (1972) Калумбійскі ўніверсітэт XIX Liceum Ogólnokształcące im. Powstańców Warszawy w Warszawie[d] (1968)
Навуковая ступень	доктар філасофіі
Дзейнасць	палітыка, права і міжнароднае права
Месца працы	Варшаўскі ўніверсітэт Беластоцкі ўніверсітэт
Аўтограф
Узнагароды	праграма Фулбрайта
Медыяфайлы на Вікісховішчы

Уладзімеж Цімашэвіч (13 верасня 1950, Варшава, Польшча) — польскі грамадска-палітычны дзеяч, юрыст, выкладчык.

У часы Польскай Народнай Рэспублікі з'яўляўся старшынёй Аб'яднання польскіх студэнтаў у Варшаўскім універсітэце і членам ПАРП. Пасля скасавання ПНР ён не ўступіў у створаную ў 1990 годзе Сацыял-дэмакратычную партыю Польшчы, але ў 1999 годзе стаў членам Саюза дэмакратычных левых сіл. Быў прэм'ер-міністрам Польшчы ў 1996—1997 гадах. Быў міністрам замежных спраў ва ўрадзе Лешака Мілера (2001—2004), а затым ва ўрадзе Марака Белькі (2004—2005). Маршал (старшыня) Сойма Польшчы (2005) і адзін з кандыдатаў на пасаду прэзідэнта ў 1990 (у першым туры атрымаў 9,21 % і заняў 4 месца) і 2005 (адмовіўся). Пасля 2005 года не прымаў удзелу ў палітыцы.

У кастрычніку 2007 года быў, аднак, абраны ў Сенат як адзіны беспартыйны кандыдат.

Сям’я

Сын Марыяна і Рэнаты Цімашэвічаў. Сям’я маці паходзіць з Валыні, бацькі — з Ваўкавыска, адкуль падчас Першай сусветнай вайны эвакуіравалася ў Сімбірск, дзе і нарадзіўся Марыян Цімашэвіч, будучы польскі ваенны, палкоўнік. Сёння ў Беларусі пражывае вельмі шмат сваякоў Уладзіміжа Цімашэвіча. У 1972 Уладзіміж ажаніўся з Барбарай Апановіч з Падляшша, мае з ёй дачку Малгажату і сына Тамаша.