Менская акруга

Менская акруга
Краіна	СССР
Статус	акруга
Уваходзіць у	Беларуская ССР
Адміністрацыйны цэнтр	Менск
Дата ўтварэння	1924
Дата скасавання	26 ліпеня 1930
Афіцыйныя мовы	беларуская, ідыш, польская, руская
Насельніцтва (1926)	539,5 тыс.
Нацыянальны склад	беларусы — 79,8%; яўрэі — 13,1%; рускія — 3,1%; палякі — 2,5%
Плошча	10,9 тыс.
Медыяфайлы на Вікісховішчы

Менская акруга, Мінская акруга — адміністрацыйна-тэрытарыяльная адзінка Беларускай ССР, што існавала з ліпеня 1924 па ліпень 1930 года. Адміністрацыйны цэнтр — горад Менск.

Першапачаткова ўключаў 11 раёнаў: Заслаўскі, Койданаўскі, Лагойскі, Астрашыцка-Гарадоцкі, Пухавіцкі, Самахвалавіцкі, Смілавіцкі, Смалявіцкі, Уздзенскі, Чэрвеньскі, Шацкі.

У чэрвені 1927 года ў склад Менскай акругі ўвайшлі 8 раёнаў скасаваных Барысаўскай і Слуцкай акруг: Бягомльскі, Бярэзінскі, Барысаўскі, Грэскі, Зембінскі, Капыльскі, Плешчаніцкі, Халопеніцкі.

У жніўні — верасні 1927 года Шацкі і Зембінскі раёны былі скасаваныя.

Акруга скасаваная ў ліпені 1930 года, як і большасць акруг.

Паводле дадзеных перапісу 1926 года колькасць насельніцтва складала 539,5 тыс. чал. У тым ліку беларусы — 79,8 %; яўрэі — 13,1 %; рускія — 3,1 %; палякі — 2,5 %.

Літаратура

Белорусская ССР: Краткая энциклопедия. — Мн.: Гл. ред. Белорус. Сов. Энциклопедии, 1979. — Т. 1. — 768 с.