Выбух і пажар на заводзе «Пінскдрэў-ДСП» (2010)
| Выбух і пажар на заводзе «Пінскдрэў-ДСП» | |
|---|---|
| Тып | Выбух, пажар |
| Прычына | Парушэнне рэжыму эксплуатацыі абсталявання |
| Месца | Пінск |
| Краіна |
 Беларусь |
| Дата | 25 кастрычніка 2010 |
| Час | ~13:00 UTC+3 |
| Загінулых | 14 |
| Пацярпелых | 21 |
  Пінск |
|
Выбух і пажар на заводзе «Пінскдрэў-ДСП» у Пінску адбыліся 25 кастрычніка 2010 года[1]. Па дадзеных на 1 лістапада, загінула 14 чалавек[2]. Па інфармацыі Міністэрства працы, гэта буйнейшая прамысловая аварыя ў Беларусі за некалькі апошніх дзесяцігоддзяў[3].
Выбух на заводзе па вытворчасці драўняна-стружкавых пліт адбыўся прыкладна ў 13:00 25 кастрычніка. У Міністэрстве па надзвычайных сітуацыях лічаць, што выбух адбыўся з-за «адкладанняў драўнянага пылу ў выніку парушэння рэжыму эксплуатацыі абсталявання па вытворчасці драўняна-паліўных гранул»[2]. З-за выбуху пачаўся пажар; акрамя таго, адбылося абвальванне даху памяшкання, дзе знаходзілася 48 чалавек. Пажар быў ліквідаваны ў 15:14 дзякуючы дзеянням больш за 10 пажарных разлікаў[4].
Два чалавекі загінулі на месцы. Усяго ў Пінскую цэнтральную бальніцу прывезлі 18 чалавек (па іншым дадзеным, 19[1]); большасць з іх потым перавялі ў бальніцы Мінска і Брэста. 15 з іх знаходзіліся ў рэанімацыі; 14 чалавек атрымалі апёкі III і IV ступеняў (найбольш цяжкія) больш чым 60 % цела[5]. 3 і 4 лістапада былі абвешчаны днямі жалобы ў Брэсцкай вобласці[6].
- Спіс памерлых[2]
- Жукоўскі Віктар Канстанцінавіч (1955 г.н.)
- Казюр Генадзь Фёдаравіч (1964 г.н.)
- Калодзіч Аляксандр Сяргеевіч (1987 г.н.)
- Квашалі Алег Юр’евіч (1962 г.н.)
- Мароз Аляксандр Міхайлавіч (1987 г.н.)
- Міхаевіч Аляксандр Міхайлавіч (1976 г.н.)
- Муга Ігар Афінагенавіч (1971 г.н.)
- Рапута Яўген Валер’евіч (1984 г.н.)
- Саковіч Кацярына Сяргееўна (1986 г.н.)
- Старадуб Міхаіл Іванавіч (1958 г.н.)
- Тарэлка Сяргей Мікалаевіч (1985 г.н.)
- Хамлюк Аляксандр Мікалаевіч (1959 г.н.)
- Шаўчук Мікалай Аляксандравіч (1950 г.н.)
- Шынкарук Аляксандр Анатолевіч (1974 г.н.)
Паводле словаў супрацоўнікаў прадпрыемства, калі яны прапанавалі кіраўніцтву холдынгу ўшанаваць памяць загінулых хвілінай маўчання, адказам сталі пагрозы, што, калі ў кагосьці спыніцца станок ці хтосьці проста спыніць працу, той ён будзе неадкладна звольнены[7].
Зноскі
- ↑ а б Кукса, Надежда. Взрыв на заводе в Пинске унес жизни 14 человек (руск.). Брестская газета (29 кастрычніка 2010). Архівавана з першакрыніцы 11 жніўня 2014. Праверана 11 снежня 2014.
- ↑ а б в Наша ніва: Колькасць ахвяраў выбуху на «Пінскдрэве» вырасла да 14 чалавек
- ↑ Белорусские новости: Публичное сочувствие нецелесообразно? Архівавана 6 лістапада 2010.
- ↑ Наша ніва: Выбух і пажар на «Пінскдрэве»: ёсць ахвяры
- ↑ Белорусские новости: Древесная пыль тоже может взрываться
- ↑ Наша ніва: На Брэстчыне 3 і 4 лістапада абвешчаная жалоба па ахвярах «Пінскдрэва»
- ↑ На «Пинскдреве» бунт: рабочие записали ВИДЕО
