Конкурс песні Еўрабачанне 2004

З Вікіпедыі, свабоднай энцыклапедыі
(Пасля перасылкі з Еўрабачанне 2004)
Конкурс песні Еўрабачанне 2004
Дата
Паўфінал 12 мая 2004
Фінал 15 мая 2004
Правядзенне
Месца правядзення Сцяг Турцыі Стамбул, Турцыя
Вядучы(я) Мелтэм Джумбул і Корхан Абай
Тэлеканал гаспадароў Сцяг Турцыі TRT
Удзельнікі
Колькасць краін 36
Дэбют Сцяг Албаніі Албанія
Сцяг Андоры Андора
Сцяг Беларусі Беларусь
Сцяг Сербіі і Чарнагорыі Сербія і Чарнагорыя
Вяртанне Сцяг Даніі Данія
Сцяг Літвы Літва
Сцяг Паўночнай Македоніі Македонія
Сцяг Манака Манака
Карта
Галасаванне
Сістэма галасавання Кожная краіна ацэньвае 10 удзельнікаў ацэнкамі 1-8, 10, 12
Пераможная песня Сцяг Украіны «Wild Dances» (Украіна)
Конкурс песні Еўрабачанне
2003 2005

Конкурс песні Еўрабачанне 2004 (англ.: Eurovision Song Contest 2004; фр.: Concours Eurovision de la chanson 2004; турэцк.: 2004 Eurovision Şarkı Yarışması) — 49-ы конкурс у гісторыі «Еўрабачання». Ён прайшоў 12 траўня і 15 мая 2004 года ў Стамбуле на арэне «Абдзі Іпекчы» ў Стамбуле, Турцыя, дзякуючы перамозе турэцкай спявачкі Сертаб Эрэнер, якая выйграла конкурс 2003 года ў Рызе. Упершыню конкурс прайшоў у новым фармаце. У фінал адразу дапускаліся 10 краін, якія занялі найвышэйшыя месцы на папярэднім конкурсе, краіна-гаспадыня, а таксама прадстаўнікі «вялікай чацвёркі» дзяржаў, якія ўносяць найбольшую долю ў бюджэт ЕВС. Упершыню ў гісторыі ў конкурсе ўдзельнічала адразу 36 краін. Андора, Албанія, Беларусь і Сербія і Чарнагорыя ўдзельнічала ў конкурсе ўпершыню, Манака вярнулася пасля 25-гадовага перапынку. Таксама павінна было адбыцца вяртанне Люксембурга пасля 11-гадовага адсутнасці, аднак тэлекампанія RTL не змагла вырашыць фінансавыя пытанні.

Усе краіны-ўдзельніцы мелі права на галасаванне ў кваліфікацыйным раўндзе і фінале, аднак Францыя, Польшча і Расія не транслявалі паўфінал па прычыне няўдзелу ў ім і таму не ўдзельнічалі ў першым галасаванні. Упершыню ўсе 36 краіны выкарыстоўвалі тэлефоннае галасаванне для вызначэння вынікаў. Пры гэтым у ходзе падліку галасоў узніклі праблемы з гэтым працэсам у Манака і Харватыі.

На конкурсе быў выкарыстаны новы лагатып з сэрцападобным сцягам. Лозунг конкурсу гучаў як «Пад небам адзіным», акцэнтуючы ўвагу на адзінстве Еўропы і важнасць еўрапейскай інтэграцыі для Турцыі.

Упершыню на конкурсе былі прадстаўнікі Беларусі — дуэт «Аляксандра і Канстанцін», які выканаў на конкурсе песню «My Galileo». У гэтым годзе краіна атрымала 10 балаў і заняла 19 месца ў паўфінале.

Упершыню конкурс «Еўрабачанне» выйграла Украіна, якая ўдзельнічала ў ім толькі ў другі раз. Яе прадстаўляла спявачка Руслана з кампазіцыяй Wild Dances. Другое месца заняў прадстаўнік Сербіі і Чарнагорыі Жэлька Ёксімавіч з кампазіцыяй Lane moje, трэцяе — прадстаўнік Грэцыі Сакіс Рувас з кампазіцыяй Shake it. Расіянка Юлія Савічава засталася на 11-м месцы.

Зноскі

Спасылкі[правіць | правіць зыходнік]