Уладзіслаў Валовіч

Уладзіслаў Валовіч
Уладзіслаў Валовіч. Т. Вілятц, 1669
Герб «Багорыя»
ваявода віцебскі 1656 — 1668
Папярэднік	Павел Ян Сапега
Пераемнік	Ян Антоні Храпавіцкі
пісар польны літоўскі з 1639
гетман польны літоўскі 1667 — 1668
Папярэднік	Міхал Казімір Пац
Пераемнік	Міхал Казімір Радзівіл
гараднічы троцкі[d] 1634 — 1665
харунжы троцкі[d] 1636 — 1653
Нараджэнне	1615
Смерць	15 верасня 1668(1668-09-15) Вільня, Віленскі павет, Віленскае ваяводства, Вялікае Княства Літоўскае, Рэч Паспалітая
Род	Валовічы
Бацька	Пётр Валовіч[d]

Уладзіслаў Пятровіч Валовіч (? — 1668) — дваранін караля Уладзіслава IV, гетман польны літоўскі, ваявода віцебскі, пісар польны літоўскі, пасол соймавы.

З роду Валовічаў. Удзельнічаў у Смаленскай вайне (1632—1634), трапіў у палон, але рускі ваявода М. Б. Шэін адпусціў яго для перадачы каралю просьбы пра заключэнне міру.

У час антыфеадальнай вайны 1648—1651 на Беларусі замяніў гетмана вялікага літоўскага Яна Кішку, які захварэў, узначаліў адзін са шляхецкіх атрадаў, неаднаразова разбіты казакамі і паўстанцамі ў Мазырскім павеце. Разам з атрадам зачыніўся ў Слуцку. Выйграў некалькі баёў з сялянска-казацкімі атрадамі пад Валожынам, Рэчыцай, Бабруйскам, Чэрыкавам.

У час вайны Расіі з Рэччу Паспалітай 1654—1667 узначаліў войска ВКЛ, у 1658 перамог рускае войска каля Глыбокага. У 1659 разбіты войскам князя Хаванскага. Ваяваў таксама супраць шведаў.

Літаратура

• Грыцкевіч А. П. Астафі Валовіч // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.