BMW E34
_sedan_(2015-11-13)_01.jpg)
| Вытворца: | Bayerische Motoren Werke AG |
| Выпуск: | 1988—1996 выпушчана 1 333 412 шт[1]. |
| Зборка: |  ФРГ Мексіка
|
| Тып(ы) кузавы: | 4‑дзв. седан (5‑месн.) 4‑дзв. універсал (5‑месн.) |
| Даўжыня: | 4720 мм |
| Шырыня: | 1751 мм |
| Вышыня: | 1412 мм (універсал: 1417 мм) |
| Клірэнс: | 120 мм |
| Колавая база: | 2761 мм |
| Каляіна пярэдняя: | 1465 мм |
| Каляіна задняя: | 1485 мм |
| Маса: | 1360 кг |
Папярэднік |
| Падобныя мадэлі: | Mercedes-Benz W124, Audi 100 C3, Audi 100 C4, Audi A6 |
| Сегмент: | E-сегмент |
| Грузападымальнасць: | 460 кг |
| Аб'ём бака: | 80 л |
BMW E34 — сямейства легкавых аўтамабіляў, мадыфікацыя BMW пятай серыі. Выпускалася з 1988 па 1996 год уключна. Усяго было выпушчана 1 333 412 аўтамабіляў, з іх 124 656 універсалаў.
Апісанне[правіць | правіць зыходнік]
_sedan_(2015-11-13)_02.jpg)
У кастрычніку 1987 года фірма пачала вытворчасць сямейства Е34. Адносна Е28, кузаў стаў больш абцякальным, з’явіліся вертыкальныя паказальнікі павароту спераду, супрацьтуманныя фары пад бамперам. Габарыты ў параўнанні з папярэдняй мадэллю пятай серыі адчувальна выраслі, а маса аўтамабіля была зніжана.
У параўнанні з папярэдняй мадэллю пятай серыі — BMW E28, узыходзячай да распрацовак пачатку 1970-х гадоў — аўтамабілі новага сямейства былі велізарным крокам наперад. Аўтамабіль быў вытрыманы ў стылі традыцыйнага BMW, але ў той жа час утрымліваў у сабе сучасныя тэхналогіі. Ён быў таксама абсталяваны аўтаматычным кантролем устойлівасці (ASC) або цягі (ASC + T). Значна пашырыўся набор базавага і апцыянальнага абсталявання, адчувальна павысіўся агульны тэхнічны ўзровень аўтамабіля. Значны прагрэс меўся і ў галіне бяспекі.
Настройка хадавой часткі забяспечвала прымальнае спалучэнне камфорту і кіравальнасці (аднак, перавага аддавалася апошняму). Версіі з рухавікамі вялікага рабочага аб’ёму адрозніваліся добрымі дынамічнымі характарыстыкамі, разам з імі выпускаліся і эканамічныя чатырохцыліндравыя мадыфікацыі, звычайна, са спрошчаным афармленнем інтэр’еру.
Трохі цеснаваты салон з нізкай лініяй даха арыентаваны на зручнасць кіроўцы: кансоль панэлі прыбораў (даступнай у чорным, сінім, шэрым, карычневым, бэжавым і чырвоным (вельмі рэдка) колеры) разгорнута ў яго бок, сядзенне кіроўцы мае пяць электрарэгуліровак; усё скампанавана так, каб забяспечыць прасторную пасадку менавіта на пярэдніх сядзеннях. Для Е34 была характэрная выдатная эрганоміка органаў кіравання.
Падвеска не вельмі мяккая, але пры досыць высокай якасці пакрыцця дыскамфорту ў пасажыраў не выклікае. Для аўтамабіля характэрная бясшумнае, нават пры інтэнсіўнай эксплуатацыі, аздабленне салона, рухавік гучыць прыглушана нават на высокіх абаротах. Агляднасць ва ўсіх кірунках, акрамя задняга, дастатковая, назад — абцяжараная.
У крышцы багажнага адсека быў размешчаны даволі поўны камплект інструмента. Затое ўсе іншыя дапаўненні (акрамя АБС фірмы Bosch і падушкі бяспекі для кіроўцы) прапаноўваліся толькі ў опцыях. Гідраўзмацняльнік рулявога кіравання развівае поўную магутнасць пры манеўраванні, а з ростам хуткасці памяншае сваё дзеянне для павышэння дакладнасці зваротнай сувязі. Тормазы — з магутным запаволеннем, ідэальнай інфарматыўнасцю, мякка і дакладна працуючай АБС.
Пятая серыя стала найбольш прадстаўнічай па наборы рухавікоў у вытворчай праграме кампаніі, якая стварыла для яе шырокі дыяпазон высакаякасных радных шасціцыліндровых бензінавых сілавых агрэгатаў c упырскам "Бош-Матронік": 2,0 л, 129 к. с., шыны 195/65 HR15 (мадэль 520i); 2,5 л, 170 к. с. (525i); 3,0 л, 188 к. с., шыны 205/65 VR15 (530i) і 3,4 л, 211 к. с., шыны 205/65 VR15 (535i). Іх агрэгавалі з 4-дыяпазоннымі аўтаматычнымі і 5-ступеньчатымі механічнымі каробкамі перадач.
У сакавіку 1988 года з’явіліся эканамічныя (9,3 л/100 км у горадзе) седаны 524td з турбадызелем магутнасцю 115 к. с.
Топ-мадэль — седан М5 з рухавіком рабочым аб’ёмам 3,6 л (315 к. с.) і павялічаным да 90 л паліўным бакам з’явілася ў студзені 1989-га і адразу заваявала папулярнасць сярод аматараў "пракаціць з ветрыкам". Укамплектаваная механічнай пяціступеньчатай каробкай перадач, процібуксовачнай сістэмы і шынамі памернасці 235/45 ZR17 спераду і 255/40 ZR17 ззаду, яна стала самай дынамічнай у сваім класе (разгон да 100 км/г за 6,3 с, максімальная хуткасць абмежаваная 250 км/г).
У красавіку 1992-га гэты рухавік замянілі больш магутным 3,8-літровым 327-моцным, а праз месяц з’явілася яго 340-моцная версія.
У серыйнай камплектацыі ўсе машыны абсталявалі ўзмацняльнікамі тармазоў.
BMW тых гадоў маюць два дыягнастычныя інтэрфейсы. Самы ранні BMW інтэрфейс, вядомы як ADS. ADS уяўляе сабой круглую злучальную калодку з дваццаццю кантактамі. Таксама ў аўтамабіляў BMW пасля 1996 года сталі з’яўляцца стандартныя шаснаццаціпінавыя OBDII калодкі. ADS у BMW праіснаваў да пачатку двухтысячных гадоў, і адсутнічаў у позніх E38.
Гісторыя[правіць | правіць зыходнік]
У маі 1990 года пачаўся выпуск седанаў 520i і 525i з новым рухавіком М50 які меў 24-клапанную галоўку блока цыліндраў, што дазволіла «здымаць» па 150 і 192 к. с. Кастрычнік 1991 г. азнаменаваў з’яўленне першай у гісторыі сямейства «пяцёрак» паўнапрываднай мадыфікацыі 525iX з 2,5-літровым рухавіком (192 к. с.). Яна мела больш высокую актыўную бяспеку ў параўнанні з традыцыйнымі заднепрываднымі мадэлямі: яна ўстойлівая і не паддаецца не толькі заносу, але і рэзкай прабуксоўцы колаў на сухім асфальце (дзякуючы процібуксовачнай сістэмы), і тым больш не дазваляе аўтамабілю сесці ў лужыну на прасёлкавай дарозе.
Акрамя таго, у гэты жа час з’явіўся новы турбадызель з прамежкавым астуджэннем — 525tds (143 к. с.), што дазволіла дасягаць максімальнай хуткасці больш за 200 км/г і пры гэтым сярэдні расход складаў усяго 7 л/100 км.
З лістапада ў аўтасалонах з’явіліся бюджэтныя версіі седана — 518i — з цягавітым 113-сільным рухавіком, прызначаныя ў асноўным для ўсходнееўрапейскага рынку.
_Touring_station_wagon_(2015-07-24).jpg)
У студзені 1992 года поўным ходам пайшлі продажы элегантных універсалаў Touring 520i і 525i, якія захавалі ўсе лепшыя ездавыя якасці седанаў, а таксама версіі з сістэмай поўнага прывада BMW 525iX Touring. Аб’ём багажнага адсека пры пяці яздаках складаў 460 л, а з двума — 1450 л.
У верасні рухавікі з індэксам М50 (2 і 2,5 літра) сталі абсталёўвацца сістэмай змены фаз газаразмеркавання VANOS, што дазволіла развіваць вялікую магутнасць рухавіка на нізкіх абаротах, а таксама знізіць расход паліва.
З кастрычніка 1992 года ў продаж паступілі седаны і ўніверсалы 530i (218 к. с.) і 286-сільны 540i (замест 535), абсталяваныя малашумнымі высокатэхналагічнымі рухавікамі V8, а таксама М5 Touring.
Восенню 1993 года быў праведзены невялікі рэстайлінг мадэлі — бакавыя люстэркі задняга выгляду сталі больш элегантнай і сучаснай формы. У красавіку 1994 года БМВ 5-й серыі атрымала новую шырокую рашотку радыятара і капот, а таксама пластыкавыя накладкі на парогі, і другую падушку бяспекі ў тарпеда. Таксама ў 94-м годзе ў «пяцёркі» ў базе з’явіліся паўторнікі паказальніка паваротаў на пярэдніх крылах.
У студзені 1993-га на 518i сталі ўсталёўваць новы 4-цыліндравы 1,8 л рухавік магутнасцю 115 к. с. А ў красавіку 115-моцны 2,4-літровы турбадызель (524td) замянілі на 2,5-літровы 143-моцны турбадызель (525tds), агрэгатуемы з аўтаматычнымі і механічнымі КП.
Мадэльны шэраг[правіць | правіць зыходнік]
518i[правіць | правіць зыходнік]
518g[правіць | правіць зыходнік]
- 518g Touring (1995-1996) Універсал з маторам 1,8 з функцыяй працы на метане акрамя бензіну.
520i[правіць | правіць зыходнік]
| Гады выпуску | Маркіроўка РУЗ | Рабочы аб’ём | DME | Перадатачныя лікі галоўнай пары |
|---|---|---|---|---|
| 09.1987 – 04.1990 | M20 B20 6 KA | 1991 | Bosch Motronic 1.3 | 4,44 |
| 01.1989 – 08.1991 | M50 B20 6 S1 | 1991 | Bosch Motronic 3.1 | механіка: 4,27 па 01.1991 |
| 05.1989 – 09.1991 | M50 B20 6 S1 | 1991 | Bosch Motronic 3.1.2 | аўтамат: 4,44, з 09.1990 3,64 механіка: 3,46 з 01.1991 (з 11.1990 для машын з кандыцыянерам) |
| 09.1991 – 09.1992 | M50 B20 6 S2 | 1991 | Bosch Motronic 3.3.1 | аўтамат: 4,44, з 09.1990 3.64 механіка: 3,46 з 01.1991 (з 11.1990 для машын з кандыцыянерам) |
| 09.1992 – 01.1996 | M50 B20 6 S2 Vanos | 1991 | Bosch Motronic 3.3.2 | аўтамат: 4,46 механіка: 3,46 |
| 09.1991 – 09.1992 | M50 B20 6 S2 | 1991 | Siemens MS 40.0 | аўтамат: 4,44, з 09.1990 3,64 механіка: 3,46 з 01.1991 (з 11.1990 для машын з кандыцыянерам) |
| 09.1992 – 01.1996 | M50 B20 6 S2 Vanos | 1991 | Siemens MS 40.1 | аўтамат: 4,46 механіка: 3,46 |
525i, 525ix[правіць | правіць зыходнік]
530i, 535i, 540i[правіць | правіць зыходнік]
Alpina[правіць | правіць зыходнік]
Атэлье Alpina выпусціла пяць мадэлей на базе E34[2]: B10 3,5/1; B10 BiTurbo; B10 3,0 Allrad; B10 4,0; B10 4,6.
.jpg)
Alpina B10 BiTurbo, якая будавалася з 1989 года на базе 535i, мела 3,4-літровы радны шасціцыліндравы рухавік аснашчаны дзвюма турбінамі.
| Alpina B10 Bi-Turbo | |
|---|---|
| Гады выпуску | 08.1989-03.1994 |
| Рухавік | Бензінавы, 6-цыліндравы, радны, з турбанаддзіманнем (з двюма турбінамі) |
| Аб’ём, см³ | 3430 |
| Магутнасць | 265 кВт (360 к.с.) |
| Макс. круцільны момант | 520 Н·м |
| Прывад | задні |
| Макс. хуткасць, км/г | 291 |
| Паскарэнне ад 0 да 100 км/г, с | 5,6 |
| Выдатак паліва, л/100 км пры 90 км/г / пры 120 км/г / горад |
8,8 / 11,2 / 17,4 |
Кошт[правіць | правіць зыходнік]
На момант свайго з’яўлення на рынку Германіі BMW 525i каштавала 47 000 DM. Дадаткова можна было замовіць аўтаматычную каробку перадач за 2 450 DM, пярэднія і заднія электрычныя шклапад’ёмнікі за 1 675 DM, механічны празрысты люк у даху за 1 380 DM і афарбоўку металік за 1 175 DM. Цана на базавую мадэль Е34 520i у Германіі ў 1994 годзе пачыналася ад 48 650 марак. Цана на базавы універсал — 52 550 марак.
Арт-кары[правіць | правіць зыходнік]
BMW 535i працы Матазы Каямы ў 1990 годзе стаў дзявятым арт-карам калекцыі BMW[3][4]. Каяма выкарыстаў аэрограф для распылення дзясяткаў адценняў сіняй фарбы на кузаў сярэбранага колеру. Пасля чаго ён нанёс на кузаў маленькія кавалачкі залатой, сярэбранай і алюмініевай фальгі, выразаныя пры дапамозе складаных тэхнік кірыганэ і арарэ.
Дванаццатая машына калекцыі (BMW 525i)[5], на хвалі папулярнасці традыцыйнага мастацтва Афрыкі, распісана паўднёва-афрыканскай мастачкай з племені ндэбеле — Эстэр Малангу. Праца выканана ў 1991 годзе. Кузаў аўтамабіля быў распісаны характэрным для традыцыйнага мастацтва племені ндэбэле дэкаратыўным арнаментам яркіх колераў[6].
Зноскі
- ↑ Production figures: Kittler, Eberhard (2001). Deutsche Autos seit 1990, vol.5 [англійская]. Stuttgart: Motorbuch. p. 165. ISBN 3-613-02128-5.
- ↑ ALPINA Automobile auf Basis der BMW 5er // alpina-automobiles.com (ням.)
- ↑ Matazo Kayama BMW 535i, 1990 // artcar.bmwgroup.com (англ.)
- ↑ Покрась меня полностью Архівавана 3 лютага 2017. // motor.ru (руск.)
- ↑ Esther Mahlangu BMW 525i, 1991 // artcar.bmwgroup.com (англ.)
- ↑ BMW Art Car: 1991 BMW 525i // bmwartcarcollection.com (англ.)
Спасылкі[правіць | правіць зыходнік]
На Вікісховішчы ёсць медыяфайлы па тэме BMW E34- BMW
← назад — Аўтамабілі BMW, 1950-я–1980-я — далей →
| |||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Клас | Серыя | 1950-я | 1960-я | 1970-я | 1980-я | ||||||||||||||||||||||||||||||||||||
| 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | ||
| Мікра | Isetta 250 / 300 | ||||||||||||||||||||||||||||||||||||||||
| Кампакт | 1er | 600 | 700 / LS | ||||||||||||||||||||||||||||||||||||||
| Сярэдні | 3er | 1602,2002 | E21 | E30 | |||||||||||||||||||||||||||||||||||||
| Вышэйшы сярэдні | 5er |  1500,1800,2000
|
E12 | E28 | E34 | ||||||||||||||||||||||||||||||||||||
| Вышэйшы | 7er | 501/502 | E3 | E23 | E32 | ||||||||||||||||||||||||||||||||||||
| Купэ | 6er | 503 | 3200CS | 2000CS
|
E9 | E24 | |||||||||||||||||||||||||||||||||||
| 8er | E31 | ||||||||||||||||||||||||||||||||||||||||
| Родстар | Z | 507 | Z1 | ||||||||||||||||||||||||||||||||||||||
| GT | E26 | ||||||||||||||||||||||||||||||||||||||||
← назад — Аўтамабілі BMW, 1990-я–цяперашні час
| |||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Клас | Серыя | 1990-я | 2000-я | 2010-я | 2020-я | ||||||||||||||||||||||||||||||||||||
| 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | |||||||
| Кампакт | 1er | E81/82/87/88 | F20/21 | F40 | |||||||||||||||||||||||||||||||||||||
| F52 | |||||||||||||||||||||||||||||||||||||||||
| 2er | F22/23 | G42 | |||||||||||||||||||||||||||||||||||||||
| F45/46 | U06 | ||||||||||||||||||||||||||||||||||||||||
| Сярэдні | 3er | E30 | E36 | E46 | E90/91/92/93 | F30/31/35 | G20 | ||||||||||||||||||||||||||||||||||
| 3 GT | F34 | ||||||||||||||||||||||||||||||||||||||||
| 4er | F32/33/36 | G22 | |||||||||||||||||||||||||||||||||||||||
| Вышэйшы сярэдні | 5er | E34 | E39 | E60/E61 | F10/11/18 | G30 | G60 | ||||||||||||||||||||||||||||||||||
| Вышэйшы | 5 GT | F07 | |||||||||||||||||||||||||||||||||||||||
| 6er | E24 | E63/E64 | F06/12/13 | G32 | |||||||||||||||||||||||||||||||||||||
| 7er | E32 | E38 | E65/E66 | F01/02/03/04 | G11/12 | G70 | |||||||||||||||||||||||||||||||||||
| Купэ | 8er | E31 | G15 | ||||||||||||||||||||||||||||||||||||||
| Родстар | Z | Z1 | Z3 | Z4 | G29 | ||||||||||||||||||||||||||||||||||||
| Спорткар | Z8 | ||||||||||||||||||||||||||||||||||||||||
| 4x4 | X1 | E84 | F48/F49 | U11/U12 | |||||||||||||||||||||||||||||||||||||
| X2 | F39 | ||||||||||||||||||||||||||||||||||||||||
| X3 | E83 | F25 | G01 | ||||||||||||||||||||||||||||||||||||||
| X4 | F26 | G02 | |||||||||||||||||||||||||||||||||||||||
| X5 | E53 | E70 | F15 | G05 | |||||||||||||||||||||||||||||||||||||
| X6 | E71/E72 | F16 | G06 | ||||||||||||||||||||||||||||||||||||||
| X7 | G07 | ||||||||||||||||||||||||||||||||||||||||
| iX3 | G08 | ||||||||||||||||||||||||||||||||||||||||
| iX | iX | ||||||||||||||||||||||||||||||||||||||||
| i | i3 | I01 | G28 | ||||||||||||||||||||||||||||||||||||||
| i4 | I4 | ||||||||||||||||||||||||||||||||||||||||
| i5 | G60 | ||||||||||||||||||||||||||||||||||||||||
| i7 | G70 | ||||||||||||||||||||||||||||||||||||||||
| i8 | I12 | ||||||||||||||||||||||||||||||||||||||||