Беларуская дзяржаўная акадэмія сувязі
Беларуская дзяржаўная акадэмія сувязі | |
---|---|
Міжнародная назва | Belarusian State Academy of Communications |
Заснаваны | 11 мая 1993 |
Тып | Дзяржаўны |
Рэктар | Андрэй Алегавіч Зяневіч |
Размяшчэнне | Беларусь, Мінск |
Юрыдычны адрас | 220096, г. Мінск, вул. Ф. Скарыны, 8/2 |
Сайт | bsac.by |
Медыяфайлы на Вікісховішчы |
Беларуская дзяржаўная акадэмія сувязі — вышэйшая навучальная ўстанова Міністэрства сувязі і інфарматызацыі Рэспублікі Беларусь. Заснавана 11 мая 1993 года з дапамогай аб'яднання Мінскага філіяла Ленінградскага электратэхнічнага інстытута сувязі імя праф. М. А. Бонч-Бруевіча, Мінскага і Віцебскага электратэхнікумаў сувязі і Рэспубліканскага цэнтра падрыхтоўкі, перападрыхтоўкі і павышэння кваліфікацыі работнікаў галіны сувязі. Знаходзіцца ў Мінску.
Згодна з загадам Міністэрства сувязі Рэспублікі Беларусь 26 чэрвеня 2001 года навучальная ўстанова стала называцца ўстановай адукацыі «Вышэйшы дзяржаўны каледж сувязі».
У адпаведнасці з загадам Міністэрства сувязі і інфарматызацыі Рэспублікі Беларусь 7 кастрычніка 2015 года навучальная ўстанова стала называцца ўстановай адукацыі «Беларуская дзяржаўная акадэмія сувязі»[1].
Факультэты
- Факультэт электрасувязі
Факультэт электрасувязі, створаны ў 1996 годзе, праводзіць падрыхтоўку студэнтаў, выкарыстоўваючы двухузроўневую сістэму адукацыі. На этапе першага ўзроўню навучэнцы атрымліваюць сярэднюю спецыяльную адукацыю, а на этапе другога ўзроўню — вышэйшую. Колькасць студэнтаў, якія навучаюцца на ўзроўні сярэдняй спецыяльнай адукацыі — 1322 студэнты, а на ўзроўні вышэйшай адукацыі −326 студэнтаў.
Дэкан факультэта — Станіслаў Мечыслававіч Дзяржынскі, які з'яўляецца кандыдатам тэхнічных навук, дацэнтам. Больш за 100 навуковых прац, 6 вынаходніцтваў і патэнтаў.
- Факультэт эканомікі і пошты (ФЭП)
- Факультэт павышэння кваліфікацыі (ФПК)
- Факультэт завочнага навучання (ФЗН)
Зноскі
Спасылкі
- На Вікісховішчы ёсць медыяфайлы па тэме Беларуская дзяржаўная акадэмія сувязі
- bsac.by — афіцыйны сайт