Маладзечанскі настаўніцкі інстытут
Маладзечанскі настаўніцкі інстытут (поўная назва — Маладзечанскі дзяржаўны настаўніцкі інстытут Міністэрства асветы БССР) — дзяржаўная педагагічная вышэйшая навучальная ўстанова, якая дзейнічала ў г. Маладзечна з 1947 па 1955 гг. Згодна некаторых звестак, не даваў вышэйшай адукацыі[1]. Пры Інстытуце дзейнічала завочнае аддзяленне і нават месячныя курсы[2]. Зачынены падчас узбуйнення педагагічных навучальных устаноў.
Успаміны пра Інстытут[правіць | правіць зыходнік]
В. П. Цітовіч, які паступіў у Маладзечанскі настаўніцкі інстытут на фізіка-матэматычнае аддзяленне ў 1952 г. узгадваў пра час свайго навучання: "Стыпендыі хапала на хлеб і ваду. Сярод студэнтаў дзейнічала каса ўзаемадапамогі. Пры крайняй неабходнасці з яе выдзялялі грошы на пакупку адзення. Для сучаснай моладзі ўмовы нашага студэнцкага жыцця здадуцца пеклам, а для нас, хто перажыў вайну і пасляваенную разруху, гады вучобы былі раем. Усе цяжкасці мы пераносілі мужна, на лёс не скардзіліся. Уся краіна перажывала вялізныя цяжкасці. Задача стаяла выжыць… Падручнікаў і вучэбнай літаратуры не было, але мы вучыліся з вялікім стараннем. Нашы выкладчыкі не мелі вучоных ступеняў і званняў, але яны ў дасканаласці ведалі свой прадмет і імкнуліся як мага больш даць нам ведаў. Бо мы атрымлівалі адну з самых прэстыжных прафесій. Яшчэ з польскіх часоў самымі паважаемымі людзьмі былі настаўнік, урач і святар. Перад імі знімалі шапку за 20 метраў[1]."
Галіна Сямёнаўна Рыжэвіч, настаўніца гісторыі Залескай школы, якая паступала ў Інстытут у 1951 г., узгадвае: "На той час настаўнікаў не хапала, таму ў інстытуце рыхтавалі спецыялістаў шырокага профілю[2]".
Вядомыя выпускнікі[правіць | правіць зыходнік]
- Андрэй Піліпавіч Прохарчык (нар. 1928) — беларускі вучоны, празаік.
Вядомыя выкладчыкі[правіць | правіць зыходнік]
- Ісідар Самуілавіч Бас (1913-?) — беларускі літаратуразнавец.
- Мікола Іванавіч Ермаловіч (1921-2000) — беларускі публіцыст, крытык і літаратуразнаўца, заснавальнік новай беларускай рамантычнай гістарыяграфіі.
- Васіль Іванавіч Новікаў (1911-?) — выкладчык і дзяржаўны чыноўнік, узначальваў кафедру марксізму-ленінізму Інстытута ў 1947 г[3].
Спасылкі[правіць | правіць зыходнік]
- Зональный государственный архив в г. Молодечно // Фондовый каталог государственных архивов Республики Беларуси
- Спецыян Вікторыя Алегаўна ДЗЕЙНАСЦЬ МАЛАДЗЕЧАНСКАГА НАСТАЎНІЦКАГА ІНСТЫТУТА. Рэфэрат
- Агляд падзей у раённай газеце за чэрвень 1969 года // Працоўная слава (успаміны пра ветэрана ВАВ С.С. Кузняцова, які вучыўся ў Маладзечанскім настаўніцкім інстытуце)
- Заслужаныя работнікі рэспублікі. Народнай адукацыі // Любанщина
Зноскі
- ↑ В. Атрошка Настаўнік // Міёрскія навіны
- ↑ Святлана СТАНКЕВІЧ Яе вучням – усяго па 60 // Рэгіянальная газета
- ↑ Г. Напрэеў Новікаў Васіль Іванавіч // Выдатныя вучоныя нашы землякі
