Аблога Эр-Растана і Тэль-Бісы (2011)

З Вікіпедыі, свабоднай энцыклапедыі
Аблога Эр-Растана і Тэль-Бісы
Асноўны канфлікт: Грамадзянская вайна ў Сірыі
Дата 28 мая4 чэрвеня 2011
Месца Эр-Растан і Тэль-Біса
Вынік Перамога сірыйскай арміі
Праціўнікі
Сірыя Узброеныя сілы Сірыі Сірыя Сірыйская апазіцыя
Камандуючыя
Сірыя Махер Асад
Сірыя Юсеф Ісмаіл
Сірыя Алі Махамед Хамдан
невядома
Сілы бакоў
Рэгулярныя часткі:
  • 4-я бранятанкавая дывізія
  • 18-я бранятанкавая дывізія
2 500 — 3 000 пратэстуючых
Страты
7 салдат загінулі[1] 74 актывіста загінулі[2]

Аблога Эр-Растана і Тэль-Бісы — частка сірыйскага паўстання. 28 мая 2011 года пасля шматлікіх акцый пратэсту сірыйская армія пачала аперацыю ў Эр-Растане. У горадзе пражывала каля 50 000 чалавек. Населены пункт знаходзіцца за 20 кіламетраў на поўнач ад Хомса. Аперацыя таксама закранула суседні горад Тэль-Біса. Падчас аперацыі сірыйская армія сутыкнулася з узброенымі апазыцыянерамі, што прывяло да сутыкненняў, якія скончыліся падаўленнем пратэстаў і шматлікімі ахвярамі[3].

Перадгісторыя[правіць | правіць зыходнік]

У сярэдзіне красавіка масавыя пратэсты пачаліся ў Растане, а таксама ў суседнім горадзе Тэль-Біса[4]. 29 красавіка каля 50 членаў мясцовай ячэйкі кіруючай партыі Баас сышлі ў адстаўку ў Эр-Растане. Неўзабаве ваенная разведка нібыта расстраляла мітынг, дзе зачытвалася заява аб адстаўцы, і забіла 17 дэманстрантаў[5]. Праз тыдзень армейскія сілы пры падтрымцы каля 100 танкаў акружылі горад Эр-Растан. Антыўрадавая дэманстрацыя скінула статую нябожчыка прэзідэнта Сірыі Хафеза аль-Асада, а яе актывісты абавязаліся працягваць свае пратэсты, нягледзячы на ​​арышты апазіцыянераў сіламі ўрада Башара аль-Асада[6]. На працягу мая пратэсты працягваліся як у Растане, так і суседніх абласцях[7][8].

Аперацыя[правіць | правіць зыходнік]

28 мая, на наступны дзень пасля найбуйнейшых дэманстрацый у гэтых гарадах з пачатку хваляванняў, сірыйскія вайскоўцы ўвайшлі ў гарады Эр-Растан і Тэль-Біса. Апазіцыя паведаміла, што салдаты ўрываліся ў дамы і арыштоўвалі людзей. Перад аперацыяй сілы бяспекі адключылі ўсе ваду, электрычнасць і сродкі тэлекамунікацый у рэгіёне і перакрылі ўсе дарогі ў гарады. На другі дзень мінамётны снарад трапіў у школьны аўтобус, які перавозіў дзяцей у Тэль-Біса. Аўтамабілі мясцовай хуткай дапамогі спрабавалі трапіць на месца здарэння, але параненыя вучні былі ў канчатковым рахунку адпраўлены ў бліжэйшую бальніцу ў Дэйр-Бальба[9].

30 мая стала вядома, што жыхары Эр-Растана і Тэль-Бісы стралялі ў салдат з аўтаматаў і гранатамётаў. Як казалі апазіцыянеры, гэты проста спробы самаабароны разрозненых людзей, а не арганізаваны ўзброены супраціў пад адзіным камандаваннем. Апазіцыя з мясцовых каардынацыйных камітэтаў заявіла, што армія абстраляла Тэль-Бісу з артылерыі 28 мая і што снайперы былі размешчаны на дахах мячэцяў[10][11]. Потым актывісты апазіцыі паведамілі, што па меншай меры два чалавекі былі забіты артылерыйскім і кулямётным агнём сірыйскай арміі ў Растане 4 чэрвеня[12].

Наступствы[правіць | правіць зыходнік]

У канцы верасня з’явіліся паведамленні аб масавым дэзерцірстве з армейскіх часцей, дыслакаваных у Растане, а таксама прадстаўнікі Свабоднай сірыйскай арміі заявілі, што падчас новых сутыкненняў у Эр-Растане знішчаны 17 бронемашын[13] з дапамогай РПГ і мін[14]. 1 кастрычніка сірыйская армія ўзяла пад свой кантроль Растан, забіўшы 130 мірных грамадзян і апазіцыянераў (згодна з паведамленнямі апазіцыйных крыніц) і арыштавала 3000 падазраваных у сувязях з антыўрадавымі сіламі[15].

Зноскі

  1. 1 killed (18 April), [1] 4 killed (30 May),[2] Архівавана 3 чэрвеня 2011. 2 killed (1 June),[3] Архівавана 2 ліпеня 2011. [4] total of 6 reported killed
  2. Army shells town as Syrians protest; 2 killed. USA Today (3 чэрвеня 2011). Архівавана з першакрыніцы 7 красавіка 2013. Праверана 30 верасня 2017.
  3. We Live as in War. Human Rights Watch (11 лістапада 2011). Архівавана з першакрыніцы 7 красавіка 2013. Праверана 30 верасня 2017.
  4. Syria protests: Homs city sit-in 'dispersed by gunfire'. BBC News (19 красавіка 2011). Архівавана з першакрыніцы 7 красавіка 2013. Праверана 12 сакавіка 2013.
  5. Syrian tanks deploy in town; hundreds detained. Reuters (4 мая 2011). Архівавана з першакрыніцы 7 красавіка 2013. Праверана 12 сакавіка 2013.
  6. Tensions rise in Syria as ruling forces mass tanks in protest hotbed. The Australian (5 мая 2011). Архівавана з першакрыніцы 10 красавіка 2013. Праверана 14 July 2011.
  7. Syrian forces kill 6 protesters. Reuters (13 мая 2011). Архівавана з першакрыніцы 7 красавіка 2013. Праверана 12 сакавіка 2013.
  8. Tanks shell Syrian town, West piles on pressure. Reuters (18 мая 2011). Архівавана з першакрыніцы 7 красавіка 2013. Праверана 12 сакавіка 2013.
  9. Syrian tanks attack three central towns. Аль-Джазира (29 мая 2011).
  10. Armed residents put up resistance to Syrian army. Khaleej Times (31 мая 2011). Архівавана з першакрыніцы 7 красавіка 2013. Праверана 31 кастрычніка 2018.
  11. Syrian protesters return fire on Assad's troops(недаступная спасылка). WorldTribune.com (1 чэрвеня 2011). Архівавана з першакрыніцы 7 красавіка 2013. Праверана 12 сакавіка 2013.
  12. Syrian army shells town, protesters gear for rally. Ahram Online (3 чэрвеня 2011). Архівавана з першакрыніцы 7 красавіка 2013. Праверана 12 сакавіка 2013.
  13. Fielding-Smith, Abigail. Syrian defectors battle Assad’s army. Financial Times (29 верасня 2011). Архівавана з першакрыніцы 7 красавіка 2013. Праверана 12 сакавіка 2013.
  14. Thousands of troops desert from Syrian army(недаступная спасылка). The National (30 верасня 2011). Архівавана з першакрыніцы 7 красавіка 2013. Праверана 12 сакавіка 2013.
  15. Pro-Assad forces regain rebel Syrian town: agency. Reuters (1 кастрычніка 2011). Архівавана з першакрыніцы 7 красавіка 2013. Праверана 12 сакавіка 2013.

Спасылкі[правіць | правіць зыходнік]