Вацлаў Жылінскі

Вацлаў Жылінскі
польск.: Wacław Żyliński
В. Жылінскі. Невядомы мастак, 1849
6-ы Архібіскуп-мітрапаліт Магілёўскі 18 верасня 1856 — 23 красавіка 1863
Папярэднік	Ігнацій Галавінскі
Пераемнік	Антоні Фіялкоўскі
Біскуп віленскі 3 ліпеня 1848 — 27 кастрычніка 1856
Папярэднік	Анджэй Бенедыкт Клангевіч
Пераемнік	Адам Станіслаў Красінскі
Адукацыя	Віленская духоўная акадэмія[d]
Нараджэнне	1 сакавіка 1803(1803-03-01) Мяркіне, Троцкі павет, Літоўска-Віленская губерня, Расійская імперыя
Смерць	5 мая 1863(1863-05-05) (60 гадоў) Санкт-Пецярбург, Расійская імперыя
Дынастыя	Род Жылінскіх
Выявы на Вікісховішчы

Ва́цлаў Жылі́нскі (1 сакавіка 1803, Віленская губерня — 23 красавіка 1863, Санкт-Пецярбург) — рымска-каталіцкі дзеяч. Біскуп віленскі (з 1848), архібіскуп магілёўскі (з 1856), мітрапаліт.

Біяграфія

Скончыў Віленскую духоўную акадэмію, пасвечаны ў святары ў 1826, быў дэканам Мінскай кафедры; з 1827 — рэгент і прафесар Мінскай духоўнай семінарыі і пробашч у Івянцы. Канонік мінскага капітула з 11 красавіка 1829.

10 чэрвеня 1829 выехаў у Пецярбург у якасці асэсара Рымска-каталіцкай духоўнай калегіі.

З 1832 — прэлат віленскага капітула, з лістапада 1846 — адміністратар Віленскай дыяцэзіі, з 3 ліпеня 1848 — біскуп віленскі (кансекраваны 17 снежня 1848 у касцёле Св. Кацярыны ў Пецярбургу).

У верасні 1856 Папа Пій IX пагадзіўся з пажаданнем Аляксандра II прызначыць В. Жылінскага архібіскупам Магілёўскім, і 9 снежня 1856 ён атрымаў палій архібіскупа.

Літаратура

• Т. Шишова. Жилиньский Вацлав. // Католическая энциклопедия. В 3 т. Т. 1. — М., 2002.

Спасылкі

• На Вікісховішчы ёсць медыяфайлы па тэме Вацлаў Жылінскі