Вольга Валянцінаўна Корбут

Вольга Корбут
руск.: Ольга Валентиновна Корбут
Вольга Корбут на Гульнях 1972 года ў Мюнхене
Агульная інфармацыя
Пол	жанчына
Поўнае імя	Вольга Валянцінаўна Корбут
Мянушка	The Sparrow from Minsk
Спецыялізацыя	спартыўная гімнастыка
Нарадзілася	16 мая 1955(1955-05-16)[…] (67 гадоў) Гродна, Гродзенская вобласць, БССР, СССР
Грамадзянства	СССР ЗША
Альма-матар	Гродзенскі дзяржаўны ўніверсітэт імя Янкі Купалы
Рост	150 см
Вага	36 кг
Узнагароды і медалі Алімпійскія ўзнагароды Спартыўная гімнастыка (жанчыны) Золата Мюнхен 1972 Каманднае першынство Золата Мюнхен 1972 Вольныя практыкаванні Золата Мюнхен 1972 Бервяно Золата Манрэаль 1976 Каманднае першынство Срэбра Мюнхен 1972 Брусы Срэбра Манрэаль 1976 Бервяно
Афіцыйны сайт​ (англ.)
Аўдыё, фота, відэа на Вікісховішчы

Во́льга Валянці́наўна Ко́рбут (16 мая 1955, Гродна) — беларуская гімнастка, чатырохразовая алімпійская чэмпіёнка. Заслужаны майстар спорту СССР (1972). З 1991 года ў эміграцыі ў ЗША.

Біяграфія

Вольга Корбут прыйшла ў гімнастыку ў 10 гадоў і пасля паўтара гадоў заняткаў у Алены Цюнянковай ў 1965 годзе трапіла ў групу да Рэйнальда Кныша. Першы вялікі поспех прыйшоў у 1970 годзе — яна стала чэмпіёнкай СССР у апорным скачку і ўвайшла ў зборную СССР.

У 2018 годзе Вольга Корбут заявіла, што яе згвалціў трэнер Рэнальд Кныш: «…гэта адбылося ў Мінску ў гасцініцы „Юбілейная“. Проста перад Алімпійскімі гульнямі, калі мне споўнілася 17 гадоў».

Азербайджанская паштовая марка (1996)

Чэмпіёнка XX Алімпійскіх гульняў (1972, Мюнхен) у камандным першынстве, у асабістым заліку — у вольных практыкаваннях і на гімнастычным бервяне; сярэбраны прызёр у практыкаваннях на брусах. Чэмпіёнка XXI Алімпійскіх гульняў (1976, Манрэаль) у камандным першынстве, сярэбраны прызёр у практыкаваннях на гімнастычным бервяне.

Чэмпіёнка свету ў камандным першынстве і ў апорным скачку, сярэбраны прыэёр у практыкаваннях на брусах, гімнастычным бервяне і вольных практыкаванкях (1974, Варна). Уладальніца сярэбранага медаля чэмпіянату Еўропы ў абсалютным першынстве (1973, Лондан). Абсалютная чэмпіёнка Спартакіяды народаў СССР (1975), СССР (1975), Чэмпіёнка СССР у камандным першынстве (1971, 1975), у апорным скачку (1970, 1974), у практыкаваннях на брусах (1974, 1976). У 1972 прызнана лепшай спартсменкай свету.

Скончыла Гродзенскі педагагічны інстытут (1977).

3 1991 жыве ў г. Атланта (ЗША), утрымлівае гімнастычную акадэмію. Прэзідэнт чарнобыльскага фонду пры шпіталі г. Сіэтл (ЗША). Ганаровая грамадзянка г. Атланта.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8. С.417