Дзіцячы конкурс песні Еўрабачанне 2010

Дзіцячы конкурс песні Еўрабачанне 2010
Дата
Фінал	20 лістапада 2010
Правядзенне
Месца правядзення	Мінск-Арэна, Мінск, Беларусь
Вядучы(я)	Дзяніс Кур’ян і Лейла Ісмаілава
Тэлеканал гаспадароў	Першы Нацыянальны
Удзельнікі
Колькасць краін	14
Дэбют	Малдова
Вяртанне	Літва Латвія
Адмовіліся ад удзелу	Кіпр Румынія
Карта
Краіны, якія ўдзельнічалі      Краіны, якія ўдзельнічалі раней
Галасаванне
Сістэма галасавання	Тэлегледачы/журы: 50/50
Пераможная песня	Арменія «Мама» (Арменія)
Конкурс песні Еўрабачанне
◄2009 2011►

Дзіцячы Конкурс песні Еўрабачанне 2010 — восьмы дзіцячы конкурс песні Еўрабачанне. Яго фінал адбыўся 20 лістапада 2010 года ў сталіцы Беларусі — Мінску, на пляцоўцы Мінск-Арэны. Пераможцай конкурса стаў прадстаўнік Арменіі — Уладзімір Арзуманян з песняй «Мама».

Месца правядзення

У лютым 2009 года ў Кіеве адбылося паседжанне прадстаўнікоў Еўрапейскага Вяшчальнага Саюза (ЕВС), на якім былі абраны тры краіны, якія могуць прыняць у сябе Дзіцячы Конкурс песні Еўрабачанне ў 2010. Гэтымі краінамі сталі Расія, Мальта і Беларусь. 5 чэрвеня 2009 у выніку галасавання пераможцай стала сталіца Беларусі — Мінск. Было вырашана, што фінал конкурса пройдзе 20 лістапада на пляцоўцы Мінск-Арэны. Арганізатарам Конкурса стала Белтэлерадыёкампанія, якая з’яўляецца адзіным удзельнікам ЕВС ад Беларусі. У канцы кастрычніка 2010 на «Мінск-Арэне» пачалася зборка сцэны па праекце шведскага дызайнера Улафа Мартэнсана. Зборка скончылася 15 лістапада.

Фармат

28 ліпеня ЕВС пацвердзіў спіс краін, якія будуць удзельнічаць у «Дзіцячым Еўрабачанні 2010». У ім 14 краін. Дэбютавала Малдова, таксама вярнуліся Літва і Латвія. У Швецыі замест TV4 за конкурс пачаў адказваць тэлеканал SVT. 6 верасня быў аб’яўлены кастынг на месца вядучых «Дзіцячага Еўрабачання 2010». Імі сталі Дзяніс Кур’ян — адзін з найбольш папулярных тэлевядучых у Беларусі і студэнтка факультэта журналістыкі БДУ Лейла Ісмаілава. 14 кастрычніка ў Мінску адбыўся сход прадстаўнікоў тэлекампаніі — удзельнікаў конкурса, на якім разглядаліся апошнія арганізацыйныя моманты і была праведзена жараб’ёўка. 15 кастрычніка былі аб’яўлены выніковыя рэзультаты жараб’ёўкі. 24 кастрычніка Белтэлерадыёкампанія прэзентавала песню UNICEF «A Day Without War», якая была выканана Дзмітрыем Калдуном падчас 15-хвіліннага галасавання. 15 лістапада прайшло афіцыйнае адкрыццё восьмага Дзіцячага Конкурса песні «Еўрабачанне 2010». Цырымонія адбылася ў Палацы Рэспублікі. 18 лістапада адбылася першая вялікая прэс-канферэнцыя. 20 лістапада адбыўся фінал восьмага Дзіцячага Конкурса песні «Еўрабачанне 2010».

Удзельнікі

№ п/п	Краіна	Выканаўца	Песня	Балы	Месца
01	Літва	Бартас	Oki Doki	67	6
02	Малдова	Штэфан Рашкаван	Ali Baba	54	8
03	Нідэрланды	Ана і Сена	My Family	52	9
04	Сербія	Соня Шкорыч	Carobna Noch	113	3
05	Украіна	Юлія Гурская	Miy Litak	4	25
06	Швецыя	Джазэфін Рыдэл	Allt Jag Vill Ha	48	11
07	Расія	Саша Лазін і Ліза Дрозд	Boy & Girl	119	2
08	Латвія	Шарлота Лэнмане	Viva La Dance	51	10
09	Бельгія	Джыл і Лорэн	Get Up!	61	7
10	Арменія	Уладзімір Арзуманян	Мама	120	1
11	Мальта	Ніколь	Knock! Knock!… Boom! Boom!	35	13
12	Беларусь	Данііл Казлоў	Muzyki Svet	85	5
13	Грузія	Марыям	Mari-Dari	109	4
14	Рэспубліка Македонія	Аня Вецерава	Magicna Pesnja (Eooo Eooo)	38	12

Фотагалерэя

• 
• 
• 
• 
• 
• 

Спасылкі

• Афіцыйны сайт дзіцячага конкурсу песні Еўрабачанне
• Дзіцячы конкурс песні Еўрабачанне