Крыштаф Нарушэвіч

Крыштаф Нарушэвіч
Герб «Вадвіч»
Вялікі падскарбі літоўскі 1618 — 1630
Папярэднік	Геранім Валовіч
Пераемнік	Стэфан Пац
Надворны падскарбі літоўскі 1615 — 1618
Папярэднік	Ян Яўстах Тышкевіч
Пераемнік	Павел Валовіч
Вялікі лоўчы літоўскі каля 1613 — 1624
Папярэднік	Ян Нарушэвіч
Пераемнік	Ян Караль Нарушэвіч
Нараджэнне	1570(1570)
Смерць	1630(1630)
Род	Нарушэвічы
Бацька	Мікалай Ян Нарушэвіч
Маці	Барбара Кунцэвіч
Жонка	Альжбета Шымковіч
Дзеці	Станіслаў, Ян, Казімір, Аляксандр Крыштаф
Грамадзянства	Вялікае Княства Літоўскае
Веравызнанне	кальвінізм

Крыштаф Нарушэвіч (каля 1570 — 1630) — дзяржаўны дзеяч Вялікага Княства Літоўскага. Надворны (1615—1618) і вялікі (1618—1630) падскарбі літоўскі.

Біяграфія

Вучыўся за мяжой, падарожнічаў па Германіі і Італіі. У 1611 перайшоў з кальвінізму ў каталіцтва. Лоўчы вялікі літоўскі ў 1613—1624, падскарбі надворны літоўскі з 1615, падскарбі вялікі літоўскі з 1618, адначасова вялікі пісар літоўскі, стараста ушпальскі і навадворскі.

Валодаў Ганусішкамі ў Троцкім павеце, Мажэйкавам і Лебядой у Лідскі павеце.

Сям'я

Паходзіў з роду Нарушэвічаў герба «Вадвіч». Сын Мікалая Яна, падскарбія літоўскага, і яго жонкі Барбары Кунцэвіч, брат Мікалая і Яна. Ажаніўся з Альжбетай Шымковіч. Пакінуў сыноў:

• Станіслава (каля 1590 — 1650), рэферэндара літоўскага;
• Яна (? — 1663), надворнага падскарбія літоўскага;
• Казіміра;
• Аляксандра Крыштафа (? — 1668), падканцлера літоўскага.

Крыніцы

• Пазднякоў В. Нарушэвічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 349. — 792 с. — ISBN 985-11-0378-0 (т. 2), ISBN 985-11-0315-2.