Ліёнскі каталіцкі ўніверсітэт

Ліёнскі каталіцкі ўніверсітэт
фр.: Université catholique de Lyon
Арыгінальная назва	фр.: Université catholique de Lyon
Міжнародная назва	англ.: Catholic University of Lyon
Заснаваны	1875
Рэктар	Olivier Artus[d]
Студэнты	11 000
Размяшчэнне	Ліён
Сайт	ucly.fr
Медыяфайлы на Вікісховішчы

Ліёнскі каталіцкі ўніверсітэт (фр.: Université catholique de Lyon) — французская прыватная вышэйшая навучальная ўстанова з сядзібай ў горадзе Ліён.

Агульная характарыстыка

Ліёнскі каталіцкі ўніверсітэт (фармальна — Ліёнскі каталіцкі інстытут — у Францыі недзяржаўныя ВНУ не маюць права называцца ўніверсітэтамі) з’яўляецца прыватнай вышэйшай навучальнай установай Рымска-Каталіцкай Царквы. Установа з’яўляецца асацыяваным членам аб’яднання ВНУ рэгіёна «Ліёнскі ўніверсітэт». Навучальныя курсы прыводзяць да атрымання дыпломаў аб вышэйшай адукацыі галоўным чынам у рамках пагадненняў з дзяржаўнымі ўніверсітэтамі і ў абмежаванай колькасці выпадкаў — уласных дыпломаў установы. Яна мае права выдаваць толькі «кананічныя» ступені (дыпломы ад імя Ватыкана, гэта значыць ад імя дзяржавы, якая падпісала Балонскае пагадненне) па каталіцкай тэалогіі і філасофіі. Прапануе 131 курсы, у тым ліку 57 бакалаўрскіх курсаў, 31 магістарскі курс і інш.

Структура

• Факультэт прававыхя, палітычных і сацыяльных навук
• Факультэт эканомікі і кіравання
• Факультэт філасофіі, псіхалогіі і адукацыі
• Факультэт літаратуры і моў
• Факультэт навук
• Факультэт тэалогіі і рэлігійных навук

Спасылкі

• На Вікісховішчы ёсць медыяфайлы па тэме Ліёнскі каталіцкі ўніверсітэт
• Афіцыйная інтэрнэт-старонка ўстановы